-اكو بـ بعض الاحيان رب العالمين يحرمنه من شي
ويعوضنه شي اكبر
-بقينه اسبوعين ورجعنه للعراق بس جنت كلش مرتاحه، اول ماوصلنه للبيت صعدت سبحت وبدلت وهو راح سبح جوة ورجع صعد من طلعت لكيته متمدد
نشفت شعري ورشيت عطر وتقربت تمددت يمه
فتح عيونه حضني وسحبني عليه
-وجهي مقابل وجهه احس كلبي راح يطلع من مكانه
انفاسه توصل يمي، ثنينه متوترين
تقربت بهدوء بسته بخدة ورجعت حضنته وغمضت عيوني، احس بأديه تلعب ع جسمي
سحبت ايدة شويه ورجع نفس الشي
فتحنه عيونه بنفس الوقت
عيونه تلعب بكل شبر مركز
رفع ايدة تلمس ركبتي
ازهر:: شمه ياشمه
شاماتج خربن احوالي
كام رافع جسمه عليه سحب شعري ع جهه وتلمس وجهي بهدوء تقرب باس خدي وهمس:: لا تتوترين
بلعت ريكي وغمضت عيوني
كعدنه ثاني يوم مجهزين حمله تنضيف ع البيت
تريكنه بسرعه وطلعنه ادوات التنضيف بدينه من غرفه النوم مسحناها بماي وملح علمود الطاقه لان احس صارت بيه طاقه سلبيه من هذيج المدة
بعدها سديت الشباك وفتحت البخور ورشيت معطر الجو وطلعنه مسحنه الممر الفوك اني بلماي وهو يمسح
ازهر:: ديري بالج لا تطيحينَ
ضحكت ودرت وجهي اله تقربت بسته بخدة:: عود تلزمني من اوكع
ازهر:: مو عبالج مثل المسلسلات ترة ماللحك عليج
-جان يوم يجنن مع انو متعب بس جنه نتشاقه ع طول ومشغلين سورة البقرة باعلئ صوت
مر شهر ونص والحياة تمام
بيوم كاعدين نتعشئ وتذكرت فتحت عيوني بصدمه
انتبهلي وصاح بيه شكو بنبرة خايفه
-رجعت نظري اله فرحانه
رغد:: امكن اني حامممل ازهر
سكت لثواني بدون مايحجي شي كمز من الكرسي سحبني وشالني طار من الفرحه عيونه صارت تلصف
ازهر:: امشي نروح نحلل
رغد:: باجر نروح للدكتورة
ازهر:: چا اروح اجيبلج تحليل بيتي
-هزيت راسي اجه يطلع رجع باسني يضحك وراح يركض، كعدت ع الكرسي صافنه اذا مو حامل شسوي ماكدر اكسر خاطرة، اقل النص ساعه وسمعت صوته دخل فتح الباب واجه يركض
ازهر:: هاج روحي حللي
-اخذته من ايدة ودخلت للحمام انتضرت ثواني وطلع خط واحد نزلت دمعتي ثواني واجه خط كلشششش واضح عيوني صارت تصب طلعت بسرعه صرخت: حااامل حااامل ازهررر
-اجه يركض حار شيسوي ساعه يشيلني ويبوسني ساعه يحضني
عوض رب العالمين جان مختلف هل مرة
صرت منتبهه كلشش زين لصحتي وهو اللتزم
بعلاجي وكلشي ، كل ميصير عندة مجال نصعد سيارتنه ونروح للكاظم (ع)
بيوم كعدت ع صوته
