دقني كلبي ماقابل ع كلام ماما بس كلعادة ماحجيت
فرح:: خليها ماما تعودت عليها والله
-اكلج ابوها واخوانها ماقابلين
طلعت من يمهم وصعدت لغرفتي فتحت موبايلي دزيت مسج اله
-راح اروح ماما جايه تاخذني أبهر...
بقيت لازمه الموبايل منتضرة رد منه بس ماكو
عفته وطلعت الجنطه خليتها ع سرير وبديت اخلي غراضي بيها
نفتح الباب ودخلت اختي فرح
-اساعدج؟؟
-لا كملت
سحبتها واخذت الجبه لبستها ونزلنه سويه تلكتنه ماما كاعدة بلاستقبال
فرح:: اني هم احجي وي بابا بلكه يلين
-بكيفج حبيبتي
اشرتلي ماما وطلعنه من البيت التفتت لورة اباوعله صح كم شهر بس والله احلئ اشهر اعيشها يكفي تعرفت ع شخص مامتندمه ولا راح اتندم لئن حبيته
-ماتمشين شبيج تتلفتين
رغد:: اي ماما
-خزرتني بدون ماتحجي اشرت لتكسي وصعدنه وكبل للبيت دقايق ووصلنه نزلت كدامي واني نزلت الجنطه ودخلت للبيت تلكاني صياح اخوتي
-شبيكمم شنو هل صوت
جعفر(الاخ الاكبر):: هذااا ابنج مسلطينه عليهه لو شنوو؟؟؟؟
-غير افتهمم شمسوي؟؟؟؟
عفتهم وصعدت فوك هو الي يشوف اخته بعد غياب اشهر مو المفروض يسلم عليها؟ شو اخواني هيج كلشي ماكو، رجعت لغرفتي بقيت ارتب بغراضي طول الوقت ومن اذن صليت ونمت بدون عشا لثاني يوم
كعدت بدلت واخذت الجنطه ونزلت جوة كلهم كاعدين يتريكون
رغد:: صباح الخير
بابا:: صباح النور
-رحت بست راسه واخذتلي لفه اكل بيها وواني واكفه
جعفر:: ماتكعدين؟؟
رغد:: متأخرة ع الدوام
بابا:: منو يوصلج؟
-اني راح امشي
كملت لفتي وسلمت وطلعت امشي واسولف وي نفسي هسه تريك وراح للشغل
وصلت لفرع جاي اعبرة وطلعت منه سيارة بحركه سريعه صفطت كدامي رجعت لورة من الهلع
نفتح الشباك وصار بوجهي أبهر رأساً ابتسمت
أبهر:: يله تعالي اوصلج
باوعت لورة وحجيت بهدوء واني مدنكه
رغد:: لاا ماريد شكراً روح لشغلك
أبهر:: اوصلج يعني اوصلج يله تعالي
رجعت اباوع بلشارع جاوبته بدون ماباوعله:: أبهر لا تصير مطي كتلك ماريد اصعدد
ماحس غير نركع الباب باوعتله نزل تقرب جر ايدي وافتر فتح الباب وصعدني:: لسان فالتت امشييي
