-كملنه زيارة ورجعنه لبغداد
بقينه بلكاضم
كل مرة اروح اصلي ركعتين شكر
جانت نعمه رب العالمين كلش جبيرة
-رجعنه للبيت خلصناها بس نوم تعويض عن تعب الطريق ثاني يوم كعدت ع صوته
ازهر:: يله كومي نتريك ونروح للدكتورة
رغد:: غير مرة عفيه
ازهر:: لا اليوم موعدج
رغد:: ازهر تعبانهه
-ثواني غمضت عيوني واجه شالني حاوطت ركبته
دخلني للحمام ، وكفني بلكاع، فتح المي غسل وجهي اخذ علبه مال مرطب
ازهر:: هذا تخلينه لوجهج؟
-هزيت راسي بـ لا اشرت اله ع الغسول مالتي مد ايدة اخذة فتح وشمر مي سوة بيه رغوة وغسل بيه وجهي
خلا ثواني وشمر مي
انطاني كلنس مسح وجهي بهدوء طبع بوسه مبتسم
ازهر:: دقايق وفرچي اسنانج
-هزيتله راسي طلع ومديت ايدي اخذت الفرچه والمعجون فرجت بشكل عشوائي وغسلت وطلعت
ازهر:: ها خلصتي؟
رغد:: اي هم نروح للدكتورة صاحبتك؟؟
ازهر:: شنو صاحبتي
رغد:: لتسوي نفسك غشيم حبيبي
ازهر:: امشي بدلي كلبي مبين عليج الحمل
رغد:: شنو اني مسودنه هيج تحجي وياي؟؟؟
ازهر:: اني مسودن بس امشي بدلي
رغد:: طلكني مدام انت مسودن
ازهر:: ماطلكج بويه امشششي رحمه للنبي
-بقيت واكفه مطنكرة اجه سحب ايدي فتح كنتور الملابس طلعلي كيلوت وقميص نزعني البدي الي لابسته ولبساني القميص مد ايدة ع البجامه لزمتها بسرعه
رغد:: اني اكمل مشكور
ازهر:: لا علئ المريض حرج خلي اكملج
رغد:: مشكوور
ازهر:: لا تصيحين چا
-دار وجهه مديت لساني اعيب عليه رجع دار وجهه كبل عدلت وجهي
ازهر:: مو تتأخرين
-هزيت راسي طلع ونزعت القميص اخذت قميص غيرة ولبست الكيلوت، فتحت الباب وصحته طلعت صايه عطرتها، اجه ابالي اخلي مكياج رطبت وجهي وبديت اللبخ من كل عقلي سويت مكياج اوڤر ومقتنعه اطلع بيه،، ثواني ودخل باوعلي وصفن
ازهر:: وين رايحه بهذا وجهج؟
رغد:: اعرس
-ضهرت ضحكه ع شفايفه غلس وفتح كنتورة: معرسه عليمن يابه
رغد:: عليك
-ضحك اخذ ملابسه بدل واجه بصفي اخذ كلنس انطانياها
