كل شخص لازم يبقئ مؤمن ومدرك
ان رب العالمين ونعمه محاوطته بكل وقت
كل انسان يمر بفترات صعبهه كلش
وامكن تحس مشكلتك انت فريدة وصعبه
بس تذكر "رب العالمين ينطي اصعب المعارك لاقوة جنودة"
ازهر جان دائماً يكلي بهاي الجمله ويكلي انتِ اقوة مرة اشوفها لان هو الوحيد من بعد رب العالمين يعرف بكلشي مريت بيه
دائماً احمدو ربكم ع كلشي عندكم
كل ماتكولون الحمد لله اتذكرو النعم الي عندكم وحدةَ وحدةَ
طلعنه من المشتشفئ واحنه الفرحه ماليه وجوهنه
رجعنه للبيت وبقت خاله يمي تدير بالها عليه وسمر صارت كل يوم الصبح والعصر هي تجي تبقئ يمي
جانو كلش مهتمين، بيوم كاعدة اسوي بلخضرة وخاله جاي تسوي بلغدة ونسولف
رغد:: مرات انسئ روحي واطفر من السرير غير احس بطني تصعد لكلبي
ام سمر:: ميخالف تحملي، وديري بالج يمه لا تتقربين يم رجلج يعني بلخط العريض هذا الشي يأثر عليج مو زين اصبرو بقه شهر وتولدين وبعدها يشبع
وجهي حسيته دخن من المستحه والطامه الكبرئ صادف كلامها وي دخول ازهر للمطبخ
ضحك وغلس ع كلامها
باوعتله خالتي منحرجه
ازهر:: بشرو ماخلص الغدة
ام سمر:: لا شويه ونصب
-هز راسه وطلع، لميت ضحكتي وسكتت لان كل شويه تخزرني
رغد:: هسه اجي خاله
ام سمر:: لعد شنو جنه نحجي يلخبله
رغد:: يا خاله لااا والله رايحه لغير شغله
ام سمر:: روحي يمه روحي
-صعدت للغرفه بسرعه فتحت الباب لكيته يطلع بملابسه، سديت الباب وراي وتقدمتله حضنته من ضهرة
ازهر:: ليش متاخذين بنصيحه خالتج يابه
رغد:: الي كاتبه رب العالمين يصير يابه
-دار مبتسم حاوطت خصري رفعني من الكاع اخذني للسرير، مسح ارنبه خشمه بخشمي ونزل بايس رگبتي
بـ 2 نزلنه لكيناها نايمه بلصاله
كعدتها وهي تصيح عليه لان عرفت ماسمعت كلامها
صبينه الغدة وكعدنه ناكل وهي ع طول خازرتنه ثنينه
ازهر ماتحمل اول ماكمل كام من مكانه
دخلت بشهر التاسع بيوم خمسه صارت عمليتي
ازهر طلب من دكتورة جبيرة وامارسه عملها هي تسويلي عمليتي جنه ثنينه نعرف التوم بنيه و ولد
لذلك جهزنه غراضنه ع هذا الاساس
ماجنت خايفه ابد
جنت اعرف رب العالمين راح يسهلي واطلع اني واطفالي بخير وسلامه وهيج صار كلشي مر بسهوله وطلعنه بعد ساعتين من العمليه كعدت
مخلينهم بمكانهم وازهر كاعد ع الكرسي اكبالي
وسمر وخاله ع القنفه كاعدات
انتبهه عليه ضحك وباس راسي قوي
ازهر:: الحمد لله ع السلامه ومبروك طلعتج بلسلامه الي.
ابتسمت وهزيت راسي بدون مااجاوب
تقربن خاله وسمر يتحمدلي ع السلامه
مابقينه اهواي بلمستشفئ لان الحمد لله اني والاطفال بخير رجعنه للبيت خلوني بلغرفتي والاطفال يمي رضعتهم اول مرة بمساعدة خالتي
