-باوع بابا للورقه بعدها التفت لاخواني هز راسه كلهم دارو وجهم ماعاجبهم
رغم كل هذا اكو نسمه فرح دخلت لكلبي كافي اني راح اروح يم شخص يكدر يوفر الي الامان وارتاح يمه
باوع اللهم وبعدها لزم ايدي وطلعنه فتح باب السيارة وصعدت الرجال الي وياه سلم عليه وراح بسيارته رجع ازهر صعد بلسيارة وحرك
ازهر:: راح نروح بليل نعقد اني وياج بلنجف تمام؟
باوعتله بميلان:: شلون يعني؟؟
ازهر:: شبيج رغد اكلج راح نروح اني وياج نعقد بلنجف
-اي اعرف بس ليش جذبت عليهم وكلت عاقدين؟؟
باوع للطريق وجاوبني:: اسوي كلشي بس علمود اطلعج من ايدهم
رغد:: اريد ارتاح ازهر
-وياج مراح اخلي يتقرب احد منج بعد بس اهدي هسه شبيج ترجفين
باوعت لرجلي ولعبت نفسي المنضر صاير كلش باوع بوجهي عاكد حاجبه وكف ع صفحه وباوع لرجلي هو شافها لو تخبل حارر شيسوي مثل الطفل الي كلوله امك عافتك تخبل كام يلطم ع راسه ويصيح لدرجه حتئ عيونه لمعت مسح وجهه قوي وشغل السيارة يريد يرجع اللهم بسرعه لزمت ايدة
رغد:: ازهرررر لا ترووح والله مابي.ه شييي ماتوجعني بس لتروو..ح
التفتت عليه وصاح:: شلوووون متوجعجج وانتِ حتئ متحسين بيها من الالم الي طغئ
رغد:: خلي نروح للمستشفئ مانروح اللهم
خزرني وزاد السرعه تنفست براحه من ماراح اللهم شويه ووصلنه للمستشفئ نزل جابلي سديه خلاني عليها ومشه بيه اخذوني من ايدة رادو يدخلوني بسرعه لزمت ايدة
رغد:: لتروح اللهم اخاف اخاا...ف يأذوك والله
-لا تخافين عليه ومراح اروح بس اطلعي بسلامه تمام؟
هزيت راسي بـ اي مبتسمه وعلامات الخوف ماليه وجهه، دخلوني وسدو الباب بلعت ريكي اكو احساس بداخلي هاي مو اخر مرة راح ادخل لهل غرفه
ساعدوني خلوني ع السديه وبدة تشغيل الاجهزة اخير شي اتذكرة الضوء الي بعيني وچكه ابرة المخدر
بعد مدة ماعرف ان كانت طويله او قصيرة فتحت عيني صار بوجهي ازهر توسعت ابتسامته واجاني يركض
ازهر:: بشششري شلو...نج؟
هزيت راسي بـ اي بدون ماحجي احس جسمي مبند
عكد حاجبه وطلع بسرعه يصيح الدكتور ماطول دقايق واجو ثنينهم
الدكتور:: شتحسين؟؟
عضيت شفتي اريد احجي ماكو وكعت دمعتي بقهر اجه ازهر يمي لزم اديه قوي وهمس: اذا ماتكدرين اهدي لا تبجين اني وياج
الدكتور:: طبيعي هي هسه متبندة من التخدير اني كلت لحضرتك دكتور ميصير نخلي الها بس انت سويت هل شي ع احسابك
