-كلت هاي الكلمه وطلعت للحمام قفلت الباب عليه وفتحت الماي
خليت ايدي بحلكي وصرخت صرخه مكتومهه
"تركته وراح يرجعني غصب عني"
الروح تشتاك صح
والكلب رايد الي يحبه
بس...
هو شلون راح يعاملني
اكيد توصل بيه كم يوم جوز ويطلقني او حتئ يعذبني،يعنف..ني وكلشي بباله يسوي لان اعترف الي سويته مو قليل وكسرت خاطرة.
حسيت كلشي صار ركض
ماحسيت اله ع عقد قران سمر
طلعنه من الصالون بفساتينه للسيارات
اعترف لبسي جان كلشش مو محتشمَ
وصلنه السايق للبيت الشارع مملي سيارات
خاله عازمه كل كرايبها وصديقات سمر
اول مادخلنه للبيت نركعت اذنه بصوت الهلاهل والجكليت، تلكتها خاله عيونها مدمعه متحملت حضنت بتها وبجت، الموقف جان كلشش حزين
انسحبت للكوشه شفت الترتيب مثل الي ردناه
قبل ايام حجزت الكوشه والمصورة وكلشي بنفسها
بس الفستان طلعت تشتري هي وخاله
علگت البنيه اغنيه
وجابت خاله سمر كعدتها بلكوشه
النسوان مثل الذبان تتطاير
اشرتلي تقربت عليها عدلت كذلتها وضحكت
رغد:: اليوم يومك يابطل
سمر:: هههههههههههه اليوم اللعب الغالي ع الغالي
رغد:: انجبي لا ضلين تچفصين بلحجي
سمر:: اشش بلا اوسكتِ وين ختيبيي تأخرر
رغد:: ههههههههههه مو راح اخلي صينيه الورد براسج
سمر:: اوشش عيني كاافي
رغد:: ههههههههههه ام الغالي من يجي مو تصيرين مثل المطي
سمر:: حشاااي حبيبي حشااي
رغد:: اصورلج واشوفج
-ضحكت وسكتنه ثنينه
علكت الاغاني بصوت عالي البيت صار زحم بشكل
البنات تقربو ع الساحه الفارغه يركصن، سحبت سمر وتقربنه خليتها بلنص واني مكابلتها اشرتلي وتقربت
صرنه ثنينه بلنص بس ادينه تتراوح
ثواني ونسمع صوت الهورونات
انسحبت سمر كعدت بلكوشه والباقي الي دخل للغرف والي اتستر وكعد، دخلت للغرفه اخذت صايه لبستها وحجاب شمرته ع راسي
-طلعت لكيتهم مخلينها يم الباب
نفتح قليل وصوت سوالفهم وضحكهم مسموع
بدة كلامه ووصل لهذا المقطع وحجه بصوت عالي
هل تقبلين الزوج بـ جلال ***
علئ مهر مقدره زيارة البيت الحرام
ومؤخراً قدرة *** مليون
ان قبلتي قولي نعم وانت وكيلي َ
حسيت الكل جاي يسمع بصوتت انفاسي ودكات كلبي الفضيعه، للحضه اجيت ارفض من الخوف
بس الحب جان اقوئ
سمر:: نعم وانت وكيليَ
-كـررتها ثلاث مرات وبعدها. وجهه كلامه اله، الكل سمع صوت النعم مالته العاليه
