-اصعب المعارك تعطي لاقوة الجنود
صرت مااجي للبيت اهواي
لان ماريدها تحس بيه شي
من انشغلت وي الضابط وبقيت اتابع وياه لكيت الحقيقه كلش مرهَ
-اخوها عباس واحد زايعته الدنيا،، صح الاب والام مابيهم خير ماجانو متابعين ابنهم
دخل بقضايا اكبر من راسه
صار يتاجر بلمخدرات
وصلت بيه بلنسوان الحقيرر
الشرطه من عرفت بدت تتابع بيته
لحد مايوم اجه وشاف سيارة بعيدة مباشرتاً عرفهم وشرد، بقو اسبوع يدورون عليه ماكو فص ملح وذاب
لحد مايوم مخلين همه دوريه يم البيت سمعو صوت طلق بسرعه دخلو لكو البيت عبارة عن دم كل العائله ميته عباس جان رامي ع ابو وامه واخو
كلهم ماتو بنفس اللحضه
ومانتهت هيج من كتلهم رجع اطلق ع نفسه ومات
جانت فاجعه جداً كبيرة
ماكدرت اكول لرغد اي شي
وبقيت كاتم لحد مابيوم راجع للبيت
تفاجئت من شفت الباب مفتوح كلبي نخمش
دخلت اركض كل ماقترب اسمع صريخها دفرت الباب لكيتها بنص الصاله تبجي وتصرخ بعلو صوتها
ركضت عليها حاوطتها اهدي بيها
ازهر:: شبيج يابههه شبيجج شصارر، فهمينييي
رفعت راسها من صدري وعيونها حمر دم
همست بخذلان:: ماتو قبل لا اسامحهم
-كالتها وغمضت عيونها نغمئ عليها
شلتها وركضت بيها للغرفه
عرفت صارت بيها نوبه هلع
مددتها بلسرير غطيتها وكعدت بصفها
لزمت ايدها ونمت بصفها
اكثر من ساعتين اله كعدت
بس بقت صافنه حاولت وياها ماتستجيب
قررت اخليها تعيش حزنها واني وياها لحضه بلحضه
سديت باب البيت وقفلت موبايلاتي وبقيت وياها لحد ماترجع طبيعيه اله نرجع لحياتنا سويه
خامس يوم نزلت سويت الها ريوك مثل كل مرة وصعدته الها لكيتها صافنه ع معصم ايدها ومخنزرة
عفت الصينيه وكعدت بصفها لزمت المعصم كبل نترت ايدي وهمست
رغد:: لاااا تلزمنيي
ازهر:: براحتج بس كليلي شبيج؟؟
صفنت ثواني واسترسلت
-اجو الي بلحلم اول شي فرح وبعدها كلهم كعدو كبالي جانو لابسين اسود ومبهذلين والدمعه بطرف عينهم
اشوف النار وراهم جاي تلسع
كل مايريد احد يحجي مايكدر يطلع صوت
اخير شي ماما حجت وهي تبجي
-سامحيني يمههه ناررر جاي تلهب بصدرري ع الي سويته بيج سامحيني جاي اتعذب اهووايه
اني جنت اباوع عليهم وابجي ماكادرة اسوي شي
بابا حجه كلمه ودنك راسه. بس كال:: سامحيني.
اخواني محد حجه لان ثواني والنار لهبتهم غطيت وجهي اصرخ لكيت نفسي بحلم
ازهر:: يمج الموضوع رغد سامحيهم خلي رب العالمين يعفي عنهم
-غمضيت عيونها بقوة
همست وكلهاّ ترجف:: مسامحتهم
.................................
رغد:
