-بهل يوم ماخلينه مكان مارحنه اله خالتي حارت شتسوي من صدك تونسنه اهووواي رجعنه بعد يومين متكسرين اول ماوصلنه للبيت نمنه من التعب
كعدنه ع صوت خاله
-كومممنن ولجن هذا جلال جايب اهله يخطبب
كامت سمر مفزوعه
شنووو شنووو يخطب منوو
ام سمر:: يخطبنيي غير يخطبج شبيجج
ماحسينه غير ع كمزتها من السرير نضربت خطيه بحافه السرير وماهمها ركضت للحمام تغسل
نزلت خاله واني رحت للكنتور اشوف شتلبس
سمر:: رغد طلعيلي تراك
رغد:: تراك؟؟؟؟
سمر:: اييي
-شفت واحد شكله حلو طلعته خليته ع سرير رحت غسلت وطلعت لكيت ابوها اهنا باوعلي ابتسم ببساطه
ابو سمر:: شلونج عمو؟؟
رغد:: هلا بيك عمو الحمد لله بخير وانت؟
ابو سمر:: الله يخليج يابه
-ابتسمت وكعدت ع صفحه ابوها كلشش كلششش قليل يجي للبيت لذلك ام سمر هي سادة مكانه صايرة اب وام بنفس الوقت
-بابا ابن عمج جاي يخطبج شنو رئيج؟
سمر:: بابا الي تشوفه
-هههههههه اني موافق وانتِ
سمر:: الي تشوفه بابا
-هههههههههه الله يستر منكم
كالها وطلع يضحك ركضت سمر تلطخ بوجهاا مشطت شعرها وخليته مفتوح لئن جان قصير هم
سمر:: ادعيلي
رغد:: ياعمرري الله يسهل يله نزلي نزلي
رشت العطر الي يحبه ونزلت والفرحه تارسه وجهه
كعدت ع طرف السرير وفتحت موبايلي جان منزل صورة بحسابه هو وجلال سويه وكاتب "الصديق الصدوق"
لزمتني رجفه واني افكر اذا عرف اني هنا شيسوي
اكيد يعرف لئن راح يجي لعرس جلال وهو صديقه
-كمت امشي وارجع بلغرفه اضافري راحو من التوتر نص ساعه وسمعت صوتهم يطلعون جانت جايه المرة هي وابنها وابوهم ثواني وصعدت سمر فتحت الباب ودخلت بس شافت حالتي اجتني تركض
-هزتني قوي من متني
شبيج ولج شبيج
رمشت برموشي بشكل عشوائي وهمست
رغد:: سمر اذا قبلتي وبوقت العرس يجي ازهر راح يشوفني وتعرفين شراح يصير
سمر:: شجاي تحجين فهميني؟؟؟
سحبتني من ايدي وكعدنه ع طرف الجربايه
سمر:: الي فهمته تردين ارفضه؟
رغد:: اي لئن اذا اجه ازهر راح يشوفني وياخذني
سمر:: شلون ارفضه واني اشوف اللهفه بعيونه علمود ننجمع
