مرحبا بنات شلونكم؟
انشاء لله بخير رجعنه من جديد جنت
وعدتكم راح اللتزم بلتنزيل اذا الله راد كل يوم بعد
مانخلص امتحانات وهذا اول يوم واول بارت بلعطله
قراءة ممتعه عمري
……………………………
فجاة لكيت نفسي غركانه بنص الاحلام
بنص الحطام النفسي بعد مانهزمت من عندة
خوفاً ع صحتي النفسيه والجسديه
-كعدت الصبح مثل كل يوم بعد مابدت ترجعلي الاحلام متكسرة تكسر وصوت فرح يتردد باذني
نزلت جوة مالي خلك بس سمر كاعدة بلصاله
رفعت راسها الي مبتسمه
سمر:: ها شلونج اليوم؟؟
رغد:: مو تمام
سمر:: غسلي وتعالي
سويت مثل ماكالت جسمي صار هزيل بشكل اكوم واكعد اعضامي احسها تتكسر
كعدت كبالها كامت من مكانها صارت بصفي
سمر:: اكلج
-ها
سمر:: بس باوعي بعيوني واحجي شبيج
رغد:: اوك باوعت شبيج؟
لزمت وجهي بديها مبتسمه
-مو كافي حزن، دفنتي نفسج باحلام حتئ
لو ماكو راح يتخيل لعقلج رغد
ارجعي لحياتج من جديد
حتئ من تجيج انتِ كومي انتصري ع كلشي
لا تبقين كاعدة روحي لهي نفسج بأي شي غير التفكير
رغد:: ماكدررر
سمر:: ماكو شي ماتكدرين عليه
رغد:: تعبانه والله
سمر:: حقج راح يصير الج اسبوعين بلغرفه متطلعين
رغد:: باجر ابدي اكعد من وقت تمام
سمر:: عوفي باجر اليوم رتبي نفسج وابدي من جديد
اكتبي بدفترج شنو تردين تحققين
شنو تردين تتخلصين منه
شتردين تحجين اذا مو الي للدفتر
هزيت راسي مقتنعه بكلامها
الشخص الوحيد الي اكدر اخذ نصيحته ورزالته سمر وامها جانو كلشش قريبين عليه كل مااوكع يساعدوني اكوم مرة ثانيه
رحت لغرفتي اخذت ملابس ورحت سبحت وطلعت امشط بشعري ع المرايا صارت عيوني ع ركبتي غمضت لثواني وحسيت بصوتها بسرعه فتحت عيوني صرت افكر بغير اشياء مثلاً شراح اسوي هسه بلرسم فكرت بكلشي لكيت نفسي مندمجه برسم شكل جديد
اول ماخلصت طلعت كل شغلاتي الي جايبتهم وياي والي جابتهن الي خاله ام سمر هم لزمت المرايا وبديت ارسم بوجهي اشكد ماجنت ضايجه اني بهاي الشغله لاكيه نفسي مواهبج هي الي تطلعج من مودج
بقيت ساعات عليها كل شويه تدخل سمر متحمسه تشوف الشكل النهائي اخير شي كعدت بلغرفه
رغد:: كافي لا تلغين اريد اركز
سمر:: تمام عيني ركزي
-ابتسمت ورجعت رفعت المرايا لوجهي ساعات واني ارسم، رسمت احلئ من الي جانت ببالي
حولت نضري لسمر مبتسمه
