هدوء المضهر
لا يعني هدوء الروح
-حالي مثل الي فقدت ابوها او امها
عيوني دمعت ودمعه ورة دمعه صارو يتسابقون
شهكت وكعدت بلكاع اللطم ع راسي
كلشي ولا يروح مني انتهي والله انتهي
نزلت خاله وسمر يهدون بيه كوموني وكعدوني ع الكرسي دموعنه بهذاك اليوم ماوكفت
جلال:: نكدر ندخل نشوفه؟؟؟
-اي نعم بس بدون ازعاج رجاءاً
-كمت مسحت وجهي ودخلت لكيته صافن ع السكف بدون مقدمات ركضت عليه حضنته حيل وابجي
رغد:: لا تكلي جنتتت تعرفف، ازهررر اني انتهي والله انتهييي بدونك
-مسح راسي بهداوه، ابتعدت وباوعت بعيونه جان بقمه الهدوء كلشش هادي كلشش لدرجه تخوف
ازهر:: شبيج يابه ليش هل بجي؟
رغد:: ازهرر لا تخبلنيي فدوةةة الدكتور يكول مريض بسرطااان الرئه
ازهر:: اي اعرف وجاي اخذ علاج وعندي دكتور خاص بحالتي وان شاء الله اتعالج واذا ماتعالجت عادي ترة نهايتي راح اموت بكل الاحوال
مسحت دموعي مكسور خاطري من كلامه
جان يعرف وماكالي
كعدت ع الكرسي يمه بدون ماحجي شي
الادوار انقلبت بدل مااني اهدي هو يهديني
ازهر:: يابه ماكو شي وداعت دموعج، بس امسحيهن كافي مابيه شي
دخل جلال عيونه حمر تحمد اله ع السلامه هو وخاله ووكف يمه يسولف، تقربت سمر بصفي حضنتني تهدي بيه وانو راح تعدي ويتعالج وغيرها
ياكلام هذا الي يهدي المفجوع والمقهور؟
سكتت وحاولت اتقبل طول اسبوع كاامل
حجينه وي دكتوره وبدينه نرتب اله خطه علاجيه تفيدة، المرض جان متقدم مدة قليله ونبدي بلكيمياوي قبل كل خطوة وقبل مانسوي اي شي جنه نروح للكاضميه نزور ونبقه فد ساعه بلامام موسئ ابن جعفر(ع) ونطلع للمستشفئ
-كعدت الصبح من وقت نزلت سويت ريوك وعصير برتقال بكلاص اله وصعدت لكيته نايم بعمق ماحبيت اكعدة بس جان لازم نطلع من وقت علمود موعدنه وي الدكتور،
-وخرت الغطا عن وجهه خليت ايدي ع خدودة بهدوء دنكت بسته بخدة فتح عيونه ابتسم وسحبني اله
وجهه بوجهي طبع بوسات متفرقه وكام
رغد:: صباح الخير حبيبي
ازهر:: صباح النور.
رغد:: يله كوم خلي نتريك
ازهر:: هسه جايچ
-طلعتله ملابس خليتهم بلحمام وهو لحكني سد الباب يضحك وباوعلي
ازهر:: راح تسبحيني؟؟؟
رغد:: اذا تريد عادي اسبحك بس خاف تستحي
ازهر:: لا يابه منين استحي يله سبحيني اني هم تعبان
-ضحكت وفتحت الماي الدافي
درت عليه لكيته وراي كلش لزمته من متونه
وساعدته ينزع البدي الي لابسه
