-دخل وعيونه تباوعلي احس حتئ رموشه جاي تركص، وصل يمي اريد اكوم وماكو كلي ارجف هو لزمني من متوني وكومني باس راسي بقوة
-حتئ الدخوليه مالتنه مافهمت منها اي شي
اذكر بس رجفتي وخوفي
الوقت يركض بين الركص والاغاني والمباركات
صار وقت الزفه
تمنيت بابا ويايه وهو يخلي ايدي بيدة
بس شاء الله بهل اللحضه بابا مو ويايه
-عمي بيدة خلا ايدي بيدة ووصاه بلحرف الواحد
-من تزعلها تلكاني اني واكف كبالك قبل امها
اذا بيوم شفت دمعه من عينها بوقتها لا تعاتبني ع شي
"خليها بنص عيونك هاي بنت الغالي"
-ابتسم وضب ايدي
طلعنه وكبل للسيارة صعدوني
كل مسافه نسمع صوت رمي
لحد ما واحد منهم صاح كافي لترمون يمعودين
وشويه سكتو.
-ايباه واخيراً بين اديه
سمر:: عينك ع الطريق لا تسوي حادث
-فدوة مدامج وياي اسوي ابو الحادث
سمر:: لا تخوفني ترة ارجع وي امي
ضحك وهز راسه بـ لا زاد سرعه السيارة وهو يفحط صوتها كلشش مزعج كلشش دقيته بمتنه
سمر:: كافي خوفتني
-بالف ياعلي اله وصلنه للفندق روحي حسيتها طلعت من كد الضغط والخوف
هو وماما ساعدوني ونزلوني من السيارة
كبل للغرفه انسد الباب وبقت ماما يمي وهو طلع
-محتاجه شي حبيبتي
سمر:: اي وين رغد؟؟؟
-بلزفه ويانه بس مدري بيا سيارة
سمر:: شلون تعوفيها وحدها ماما، اكيد ازهر وياهم
-حتئ لو مايشوفها كالت ع اساس تلبس عبايه راس
سحبت الموبايل واتصلت عليها مرة وثانيه باخير ثانيه ردت
رغد:: هاا سمر
سمر:: وين انتِ؟
رغد:: شسمه اضطريت ارجع للبيت
سمر:: ليش شصار؟؟؟
رغد:: موو رحت اجيت العباء ولكيت السيارات كلها ماكو
سمر:: وهسه بلبيت؟؟
رغد:: اي حبيبتي اسفه لئن مو وياج بس بعدين اسولفلج، ديري بالج ع نفسج وع جلال تمام؟
رغد::
جاوبتني بـ اي وهي توصيني اسد الباب ع ماتجي ماما، سديته ووكع مني رفعت راسي ارجف
كاعد ع كرسي كدامي
وبيدة جكارته
فاتح نص دكم القميص
وشامر سترته بصفي
الجكارة تتراوح بيدة
ازهر:: اي سولفيلي.
رغد:: شسولفَ؟
ازهر:: كلشي
