-كعدت بيوم من الفجر ماحبيت الصلاة تروح عليه
صرت اوقت المنبهه واكعد
شغلت الضوه ونزلت من السرير
دخلت للحمام توضيت ودرت وجهي رايدة اطلع
وكمزت ع ازهر وراي
رغد:: يمههه شبيك ازهر كمزتني
ازهر:: هههههه شعجب كعدتي؟
رغد:: رايدة اصلي
ازهر:: اتوضئ واجيج
-هزيت راسي وفرشت سجادة الي واله
لبست الجادر مالتي تعطرت وكعدت انتضرة
شويه وطلع مشط شعرة ورش عطر واجه
وكفنه ثنينه وبدينه بصلاتنه خلصنه وسلمنه
شال تربته مسح بيها خدودي وصدري وبطني
شلت تربتي مسحت بيها وجهه وصدرة
ازهر:: تقبل الله.
رغد:: من الجميع يارب
-ابتسمت وكل واحد فتح قران وبدة يقرة
هاي الاوقات كلش حلوة بيها اطمئنان وراحه بال
حملي كلش سهل عليه صح نساوة بس مجانت صعبه ابد اني متفاجئه لان حياتي كلها مجانت سهله
حمدت رب العالمين ودعيت الله يسهل عليه
ازهر حالته بدت تتحسن وصرنه ابدد منروح للدكتور يعني تجاهلنه المرض بشكل
لحد مابيوم كعدت لكيته ماكو
كمت مفزرعه دورت بلحمام ونزلت اركض ادور البيت كله ماكو ركضت اخذت صايتي وحجابي ورحت لبيت جلال دكيت الباب قوي طلعتلي سمر
-صباح الخير رغ..
رغد:: ازهر وين ماشفتي؟؟؟
سمر:: راحو هو وجلال من الصبح
-وينن؟؟؟
سمر:: ماعرف والله بس طلعو مستعجلين
-سكتت ودمعتي وكعت سحبت ايدي وحضنتني دخلتني لجوة انطتني ماي وكعدت بصفي
سمر:: شبيج وجهج اصفر؟؟
رغد:: كعدت لكيته ماكو خفت عليه
سمر:: لا مابيه شي حتئ من اجه اكو فرحه بوجهه
رغد:: خاف رايحين يسون مشكله لو يتعاركون
سمر:: لا شسالفه
-سكتت واطحن بنفسي من القلق
اتصلت عليه بلعشر مرات مارد خليت وحضرته
الموبايل المن مسوينههه غير ادك رددد وفضها
سمر:: هسه اني اتصل ع جلال
-فتحت موبايلها واتصلت وهذا هم مايرد خفنه ثنينه ساعتين وندك الباب كمنه بسرعه فتحنه الباب خاله ام سمر رجعت خايبه
ام سمر:: هلا يمه ليمت اجيتي
سمر:: من الصبح اجت
-دخلت عاكدة حواجبها بس سئلتنه حجيتلها
ام سمر:: غير يكلج شلون عافج وراح
رغد:: مادري مادري
-سكتنه وكعدنه ع الطاوله الي بلمطبخ مرت ساعه ونص وسمعنه صوت ضحكهم كمت باوعت من الشباك دخل بطوله واني اهنا ميته من الخوف عليه
رجعت كعدت بمكاني
