احس توقف كلشي بهاي اللحضه
ثنينه سكتنه بس صوت انفاسنه وصوت السيارات
بعد وقت همس بهدوء
ازهر:: اعرف هسه مامرتاحه واعرف هل شي حرام
بس ميخالف نتقاسم الذنب سويه، قابل
رغد:: احس مرتاحه وبنفس الوقت مامرتاحه احنه جاي نغضب رب العالمين ازهر
-نتقاسم الذنب سويه شمه...
سكتت وبقينه ع نفس وضعيتنه خمس دقايق وابتعد عني
-راح تتأخرين خلي اوصلج للدوام
بقيت ساكته درت وجهي ع الشباك لحد ماوصلني كبال المدرسه اجيت انزل ولزم ايدي مانعني
ازهر:: ديري بالج ع روحج
رغد:: انت بعد،
ابتسم وعاف ايدي نزلت دخلت للمدرسه تلكتني سمر
كلعادة احجيلها كلشي صار وياي من البدايه للنهايه، وصلت للحدث الي صار يوم كبل فتحت عيونها ع وسعها
سمر:: تدرررين الي سويتو حرام؟؟؟؟؟؟
-ادري بس والل...
سمر:: اششش رغد اششش غلط واكبر غلط تسون هيج اذا هو ماتحكم بنفسه لازم انتِ الي تتحكمين
ع شنو احنه مسلمين لعد؟؟؟
اذا جاي نتحاضن ونبوس الي محرم علينه
رغدد حررررام جوز مامتعقمه بديانتج بس اني اعرف
وجاي انصحجج عوفي هذا الطريق
رغد:: حايرة شنو استغفر لو شسوي
سمر:: توبي حبيبتي اوعدي ربج متسويها بعد
رغد:: خلص لعد من اليوم اوعدج اهنا
مراح اخلي يلزمني ولا اللزمه
مادام بعدة محرم عليه
سمر:: ابوووس عقلج الي يفتهم عفيه عليج
رغد:: كومي خلي ندخل للصف
كامت هي ومدت ايدها كومتني، دخلنه للشعبه ودخلت استاذة الحاسوب، خلصنه الدرس وبنيه كامت سئلتها
-ست التحضير الجاي اهواي عادي تلخصين منه
-وين اهواي شويه بس تقرونه تشوفون
-لا ست والله اهواي
-يله افتحو كتبكم ماما
اشرت ع كم نقطه هاي اقروها وهاي لا
وصلت لمجموعه تعاريف باوعت بلكتاب
ورجعت باوعت علينه، اردفت بدون متنتبهه
-هاي اقروها بس لتحفضوها..
هي كالت هيج لو الدنيا انكلبت بلضحك باوعت لسمر مبتسمه
سمر:: هههههههههه والله جفصه
-ههههههه مانتبهت الحجيه
-كاااافي بنات
عضيت شفتي كاتمه ضحكتي
يعني شلون نقراها بس منحفضها ههههههه
ضاجت من عدنه وطلعت من الشعبه معصبه
فتحت جنطتي وهمست لسمر
