-كعدت ثاني يوم ع المنبهه
مديت ايدي واني مفتحه نص عين طفيته وباوعت لمكانه، لكيته نايم قربت نفسي وحضنت ضهرة بقيت شويه
وكمت مغطت جسمي
اخذت ملابسي سبحت ونزلت اسوي ريوك
خليت الجاي ع النار
وطلعت بيض سلك
وبيض عيون وي طماطه
خليت بصحن زيتون
وصحن جبن
كملت الطاوله وصعدت فوك كعدته
رغد:: يله كوم حبيبي
ازهر:: خمس دقايق
رغد:: لاا نتأخر يله ازهر
شمر نفس ضايج وكام اخذ ملابسه وراح يسبح
رغد:: لا تتأخر ترا الريوك جاهز
-نزلت قبله رجعت خليت الجاي ع النار
نزل ينشف بشعرة باوعلي مبتسم
-صباح الخير
رغد:: صباح النور
-كعدنه تريكنه بهدوء وصعدنه بدلنه ورحنه للكاضميه بلبدايه زرنه ورحنه للمستشفئ صفط السيارة كدام الباب ونزلنه سويه ريحه الديتول والعلاجات وصلت يمنه
-باوعلي بهدوء ودخلنه سويه
الدكتور الي شارف ع حالته صديقه يصير
كلش اعتنئ بيه
دخل للغرفه ووراه الممرضين والدكاترة
كعدت ع واحد من الكراسي ميته خوف
صوت الصريخ مالي المستشفئ
ثواني كدام هاي الغرفه هادئه
ماسمع غير صرخه قويههه حييل من ازهر
كمت بسرعه نزلت دموعي بقهر
-ياررب يارررب سهل فدوةة
العلاج هذا اشبهه بلموت ع البطيئ جنه كل يوم نعاني واحنه نروح ناخذ علاج بكل مرة اعاند وماقبل يروح احد وياه، جنت اموت قهر ماخليت دعاء ولا اي شي بس يهون عليه هذا المرض بس للاسف كل مدة حالته تتأزم كلشي بدة يوصل مرحله قويه
شعرة وكع
صار ميحجي اهواي كلش قليل
وع طول نايم
حتئ صلاته مرات مايكدر يوكف ويضطر يكعد ويصلي
نزيف من انفه بكل يوم وبكل ساعه
-مرة بليل نايمه كعدت عطشانه كلش، مديت ايدي اخذت بطل الماي شربت شويه ورجعت رايدة انام بس كلت خلي اطمن عليه شغلت الضوء وباوعتله مسحت ع وجهه بسته بخدة رايدة اتأكد من شي
خليت ايدي ع الوريد بعنقه ،طبيعي
ندسته متوترة والدمعه واكفه بعيني
ماكو ميكعد طفرت من مكاني شمرت قطرات ماي ع وجهه ماكو ميكعد هاي جانت اول مرة يفقد بهل شكل
اتصلت ع جلال واجه يركض اخذناه للمستشفئ وبات اهناك لحد ماستقرت حالته ورجع.....
دخلنه كلعادة ايدي بيدة للامام زرنه وطلعنه كعدنه كبال الضريح وساندين ضهرنه ع السياج
لازم سبحته يسبح وهو مغمض عيونه
رغد:: ازهر سؤال
فتح عيونه مبتسم جانت ملابسه كلها سود حتئ القباعه الي لابسها،
-كولي يابه
