مساء الخير
اهلاً بيكم ببارت جديد
بقلمي "بنين علي"
تقدمت حياة وزهراء تهدي وهاي تريد تفترس بعيونها
رغد:: شوفيي تحترمين احترم غيرها مايمشي عندي فهمتي؟؟؟
سارة:: لااااا مافهمتتت خااااف عبالج اني فقيرة والقران اخليج متعرفين ليلج من نهارج خووووش؟؟؟؟
رغد:: وانتِ همم ماتعرفيني لا تحجين كلام اكبر من راسج العمودي
حياة:: كافي شبيجن هاي اول يوم
زهراء:: بنات ميصير انتو مثل الاخوات
سارة:: الله ياخذ هيج اخووات
-كالتها وراحت بوقتها ماعرف شلون سكتت لئن صدك مصختها لزمتني حياة واخذتني كعدنه كلنه ع سرير مالتي ومخلياتني بلنص
زهراء:: تدرن حسيت احنه بلسجن وعصابات وكذا
حياة:: اشكد بطرانه
رغد:: لا والله اني هم هيج حسيت
حياة:: هههههههه صدك اشكد اعمراكم
زهراء:: 20
حياة:: وانتِ رغد؟؟
رغد:: 22 سنه
حياة:: اني 24
زهراء:: صدك؟؟؟
حياة:: اي والله
زهراء:: ليش؟
حياة:: ضروف
-كالتها وكامت من مكانها حسيت البنيه عدها ضروف اهواي ماعرف ليش هيج حسيت اصلاً
.............................................
ازهر:
-دزيتلها رساله واني مؤمن راح تكمل طريقها اهواي دعيتلها كلشش اهواي "صح كسرتني بس ماكدرت اشوفها مكسورة"
-بايام زواجنه بلبدايه جنت مشغول كلششش لهيج اللتهيت عنها جانت امور لازم اهتم بيها غير شغلي وغير نفسي اهلها جانو مشكلين خطر ع حياتنه كل مرة يذكروني حتئ لو انسه واني ما ناسي اصلاً بس جنت اغلس مرهَ من المرات
جنت كاعد بلمكتب مالتي ادقق بملف واحد من المرضئ ندك الباب ودخلت السكرتيرة
-دكتور هذا بوكس اجاك
عكدت حاجبي منين
ازهر:: تمام شكراً
اخذته فكرت جوز رغد مسويه مفاجاة بس جان بلون اسود فاحم وهي ماتحبه فتحت الشريط وباوعت فارغ بس شي ملفوف بشريط ابيض وورقه
فتحت الشريط "طلقه"
فتحت الرساله مكتوب بيها " دكتور الطلقه راح تجي بمرتك بيوم وماتكدر تعالجها"
رجفت وعيوني مصدومه شنو يهدد بمرتي؟
منو يكدر يسويها غيرهم؟؟؟
محد يعرف حتئ بزواجي غير كم صديق ثقه واهلها واهلي
