الجرح جان ثكيل علينه
والامل الجان موجود رااح
ثنينه انكسرنه
هاي المرة بقينه بحزنه مدة طويله
-فتحت عيوني بملل الضوه مالي الغرفه سحبت الشرشف وغطيت وجهي مديت ايدي ع بطني، نزلت دمعتي خليت ايدي ع حلكي وصرت اشهك جوة الغطا
حسيت ع اديه تحاوط خصري دارني اله
مسد راسي وبقينه ساكتين دقايق مرت وباس راسي وهمس
ازهر:: خليج مؤمنه مثل ماعرفج، اله بيها حكمه
حجيت بتلعثم: شنو الحكممه.. بهذا الشي
ازهر:: مانعرف هو يعرف اكثر منه
سكتت بقهر ونمت واني ابجي مثل كل مرة
كعدت العصر عيوني مورمه وبيها حساسيه ماتحمل الضوه العالي ابدد
ازهر:: مو كتلج راح تتضرر عيونج.. ماسمعتيني
رغد:: يولن
ازهر:: رايح اجيب غدة واجيچ.
رغد:: ماريد اني
خزر واجه عليه:: ملاحظه مجاي تاكلين شي؟
رغد:: بلكه الله ياخذ...
ماخلاني اكمل كلامي
خلا ايدة ع شفايفي
حسيته كله يرجف
ضم ايدة وهمس مركز بعيوني
ازهر:: لا اتعبيني اجيب غدة واكلي
رغد:: اكلك ماريدد شنو هيي
ازهر:: لا ترديننن ونص
-اجتمعنه ثنينه نار اني اصيح وهو يصيح وكل ميزيد غضب يبتعد عني اكثر،، كعدت بلكاع املخ بشعري
رغد:: مارررريد مارررريد جااي تفهمنيي بنتي بنتيي الراحت مني بطنيي لهسه الخيوط بيهااا الي جنت مفرفحه اجهز غراضها هسه مفرفحها ع موتهااا
اجاني يركض لزم اديه وشبكني لحضنه
-ادري تعبانه ادرري بس ماريدج تروحين مني رغدد اعرف صعبه حييل ، والاكثر هي جانت اهنا بداخلج
بس صدكيني اكو حكمه بهل شي وراح نعرفها شنو بس اصبري وكومي ع حيلج.
رغد:: ماكددر اكوم مااكدر
ازهر:: زين ماكافي صار شهرين؟
رغد:: ماكدر اكوم ولا اكدر ارجع طبيعيه عوفني اهتم بنفسك انت
ازهر:: انتِ اهتماماتي شمهَ
-حضنته قوي بقينه كاعدين بلكاع ومخليني بحضني،
السند الحقيقي يظهر بلايام الصعبه
بقيت اشهر ماكدر اطلع برة البيتت ابد
الاكل عفته بقيت ع المغذيات وبس
حاولت اكثر من مرة وبكل مرة اتعب اكثر
ازهر:: حاولي هذا تحبينه انتِ
-جان جايبلي لحم بعجين وبيتزا وكباب مخلي ع صفحه بلكه اشتهي واكل منه
