ကျိရမ်နဲ့ယွီပင်း ကတော့လည်ပင်းကိုရှည်လို့ ခေါင်းလေးတစ်မော့မော့နဲ့စောင့်နေကြပါတယ်။စောင့်နေရင်းယွီပင်းကကျိရမ်ကိုပြောလိုက်တယ်
"ရိပေါ်အခုချိန်ထိကိုရောက်မလာသေးဘူး ငါတို့နှစ်ယောက်စောင့်နေတာကြာလှပြီ ဘာဖြစ်လို့ရောက်မလာသေးတာမသိဘူးနော် ကျိရမ်"
"အေး ဟုတ်တယ်ကွ ခါတိုင်းဆိုဒီလိုနောက်မကျပါဘူး အရင်နေ့တွေတုန်းကသူအရင်ရောက်တာ ငါတို့နောက်ကျလို့ဆူတောင်ဆူသေးတယ် ပါးစပ်လေးကမပိတ်တော့ဘူး ပွစိပွစိနဲ့ပြောနေတာ ဂိမ်းဆော့ချိန်မှဘဲရပ်တော့တယ် ရောက်လာလို့ကတော့ ပြန်ဆူလိုက်အုံးမယ်"
"မင်းကလဲ ဆူမယ်ဆိုတာကြည့်ဘဲ ရိပေါ်ဘာဖြစ်လို့မရောက်လာသေးတာတုန်းမသိဘူး တစ်ခုခုဖြစ်နေရင်ဘယ်လိုလုပ်မလဲ စိတ်ပူမယ်မရှိဘူး ဆူဖို့ပြောနေတယ်"
ယွီပင်းကျိရမ်းကိုမျက်စောင်းတစ်ချက်ထိုးပြီးပြောကာရိပေါ်လာမယ့်လမ်းကိုတစ်မျှော်မျှော်ဖြစ်နေတော့သည်။ကျိရမ်ယွီပင်းကိုကြည့်ပြီးပြောလိုက်တယ်
"ယွီပင်း ရိပေါ်ကိုအဲ့လောက်စိတ်ပူမနေပါနဲ့ကွာ မင်းကြည့်ရတာလဲချစ်သူရည်စားစိတ်ဆိုးလို့လာမတွေ့မှာစိုးနေတဲ့အတိုင်းဘဲ ဟင်း..."
ကျိရမ်းစကားကြောင့် ယွီပင်းငြိမ်သက်သွားတယ်။ကျိရမ်းကဒီတိုင်းပြောလိုက်ပေမယ့် သူ့စိတ်ထဲမှာတော့
'ချစ်သူတဲ့ နာမည်လေးကြားရတာစိတ်ချမ်းသာလိုက်တာ မင်းပြောသလိုတကယ်ဖြစ်ရင်ဘယ်လောက်ကောင်းလိုက်မလဲ ရိပေါ်နဲ့သူသာချစ်သူဖြစ်သွားရင် စိတ်ဆိုးလိုက်စမ်းပါ ရိပေါ်ကြိုက်သလောက်ဆိုးလိုက်စမ်းပါ ငါကျေကျေနပ်နပ်ကြီးချော့လိုက်အုံးမှာဟင်း..'
ယွီပင်းသူ့အတွေးနဲ့သူပြုံးရက်ဖြစ်သွားတယ်။ကျိရမ်းယွီပင်းကိုကြည့်လိုက်တော့ပြုံးနေတာမို့ ခေါ်လိုက်တယ်
"ယွီပင်း ယွီပင်း"
ကျိရမ်းခေါ်ပေမယ့် ပြန်ထူးသံမကြားတာမို့ ယွီပင်းကိုကြည့်ကာ ပခုံးကိုပုတ်ရင်းပြောလိုက်တယ်
"ဟျောင့် ယွီပင်း မတ်တပ်သေနေတာလား"
ကျိရမ်အော်သံနဲ့ပခုံးကိုပုတ်ခံလိုက်ရမှယွီပင်းအယောင်ယောင်အမှားမှားနဲ့ကမန်းကတန်းပြောလိုက်တယ်
YOU ARE READING
ကလေးက ကိုယ့်အတွက်အရာရာ
Romanceငေးမောကြည့်မိတဲ့တခဏအတွင်းစွဲလမ်းခဲ့မိတဲ့ပုံရိပ်လေးကို တဖြည်းဖြည်းပိုင်ဆိုင်ချင်စိတ်တွေတိုးလာတဲ့အခါ ဘယ်နည်းနဲ့ဖြစ်ဖြစ်ရယူတာမမှားဘူးမလား... ရှောင်ကျန့် အချစ်ဆိုတာဘာမှန်းမသိတဲ့အရွယ်မှာ နားမလည...
