မျက်စိရှေ့မှာ မြင်လိုက်ရတဲ့အရာလေးကြောင့် ရိပေါ်ထထိုင်မိသွားကာ လက်ကဆွဲယူရင်း ရှောင်ကျန့်ကိုတစ်အံ့တဩပြောမိတယ်
"ကိုကို...ကိုကို...ဒါဘယ်ကရလာတာလဲ"
ရိပေါ်တကယ်ပျော်သွားတာ။ကိုကိုယူလာပေးတဲ့ဝက်ဝံရုပ်ကြီးကြောင့်။ဒီ ဝက်ဝံရုပ်လေးက ဒီတိုင်းအရုပ်တစ်ရုပ်မဟုတ်ဘူး။အမှတ်တရတွေအများကြီးရှိတယ်။သူ့အတွက် အဖိုးတန်တဲ့ အမှတ်တရတွေပေါ့။
ဒီအရုပ်လေးက သူတို့မိသားစုလေးယောက်အတူတူလုပ်ခဲ့ကြတဲ့အရုပ်လေး။အရုပ်လုပ်တဲ့နေရာမှာ သုံးတဲ့ပစ္စည်းကိုယ်တိုင်ဝယ်ကာ
စိတ်ကြိုက်ပုံဖော်ထားတဲ့အရုပ်လေးပေါ့။ပုံဆွဲသူလေးကတော့ ကျွန်တော်ရိပေါ်၊ ပါးက သူဆွဲတဲ့ပုံလေးအတိုင်းဖြစ်အောင် ပုံဖော်၊
ဘေးကနေ မားကအကြံပေး ၊ ကိုကြီးက ကူညီ၊ သူတို့အတွက် ပျော်စရာအချိန်လေးပေါ့။ရိပေါ်စိတ်ကောက်ရင် ချော့လိုမရတဲ့ အခါမျိုးဆို ပါးက ဒီအရုပ်လေးနဲ့ချော့တယ်။ထူးတော့ ထူးဆန်းတယ်။ မနက်ရောက်ပြီဆို အရုပ်က ပျောက်သွားတတ်တယ်။ရှာလို့မတွေ့တော့ဘူး။တစ်အိမ်လုံးလဲ ကျွန်တော် ရှာဖူးတယ်။ဒါပေမယ့် မတွေ့ ဘူး။အခုတော့ ကိုကိုကဘယ်လိုရလာလဲမသိပါ။
ရှောင်ကျန့်ရင်ထဲအခုမှပဲ အလုံးကြီးကျသွားတာပင်။သူလေးစိတ်ဆိုးမပြေမှာကို ရှောင်းကျန့်ကစိုးရိမ်နေတာ။ဝမ်ပါးကိုသာ အကြိမ်ကြိမ် ဦးချမိတော့တယ်။သူ့ရဲ့ သဝန်တိုတဲ့စိတ်ကိုထိန်းဖို့လိုလာပြီဆိုတာ ရှောင်ကျန့်ကသိလုိက်ပြီဖြစ်သည်။ရှောင်ကျန့်က ကြမ်းပြင်ပေါ်ကိုဒူးတစ်ဖက်ထောက်ချကာ ရိပေါ်လက်လေးတစ်ဖက်ကို ကိုင်ရင်းပြောလိုက်တယ်
"ကိုယ့်ကိုစိတ်ဆိုးပြေသွားပြီလား"
သူပြောမှ သတိရသွားတယ်ထင်ပါ့။လက်ထဲမှာဆုပ်ကိုင်ထားတဲ့လက်ဖဝါးလေးကို အမြန်ဆွဲထုတ်ကာ ဝက်ဝံကြီးကို ပိုက်ပြီး နှုတ်ခမ်းလေးဆူကာ တစ်ဖက်လှည့်သွားတဲ့အကောင်ပေါက်လေးက မျိုချပစ်ချင်စရာအတိ
"ဟွန့်...ဘယ်သူကစိတ်ဆိုးနေလို့လဲ"
ရှောင်ကျန့်သွားတွေပေါ်အောင်ပြုံးလိုက်တယ်။တစ်ဖက်လှည့်သွားတဲ့ကလေးကို ပခုံးကနေအသာလေးကိုင်ကာ ဆွဲလှည့်လိုက်တယ်။
အလိုက်သင့်လေးပါလာတဲ့ခန္ဓာငယ်လေး။မျက်လုံးဝိုင်းဝိုင်းလေးတွေကတော့ သူ့စီကိုတစ်ချက်မှကြည့့်မလာပဲ အရုပ်ပေါ်မှာပဲအာရုံစိုက်ထားတဲ့ကောင်လေးကြောင့် သူပြုံးလိုက်မိတယ်
YOU ARE READING
ကလေးက ကိုယ့်အတွက်အရာရာ
Romanceငေးမောကြည့်မိတဲ့တခဏအတွင်းစွဲလမ်းခဲ့မိတဲ့ပုံရိပ်လေးကို တဖြည်းဖြည်းပိုင်ဆိုင်ချင်စိတ်တွေတိုးလာတဲ့အခါ ဘယ်နည်းနဲ့ဖြစ်ဖြစ်ရယူတာမမှားဘူးမလား... ရှောင်ကျန့် အချစ်ဆိုတာဘာမှန်းမသိတဲ့အရွယ်မှာ နားမလည...