عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء الثالث 3 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 21 :

الطبيبة شيرات ليها جيهت واحد البيااس عالي شوية... من تلفتها معطاتهاش السلم الصغير باش تلع الفوق تجلس... كتشوف كفاش غتدير ليها وهي اصلا قصيل مواصل فين يلاه حطات يدها على البياس وهي تحس براسها مهزوزة من خصرها كيف شي ريشة من الارض ومحطوطة طرماحتها فوق البياس... سليمان بانت ليه بتبدا تتعلق مترددش زوج خطرات مد يديه شدها من خصرها جااتوو خفيفة هزها وحطها بخفة بلا تا شي مجهوود... ملامح وجهوو متبلاتش نفس البروود لي فيه بقا عليه... شفات فيه مشكراتوش اصلا علاش غتشكرو على هاد التمرميدة لي كيمرمد ليها فكرامتها قداموو... هي بغاات تصونها على ود كلام الناس ولكن بينو وبينها رآه شتف عليها برجليه بزووج...

رجع خطوة اللور وهي تكات فوق البياس... بعد ما هزاتو ليها الطبيبة فحالا جالسة وهبطات ليها زوج حديدات هاكة شاتهم... اما هوما كانو جزء من البياس كتحط فيهم رجليكتفرقيهم باش الطبيبة تتسحكم تقلب مزيان... نسيبة مفهماتش والو... كتشوف فيها...

الطبيبة : هزي رجليك عليهم وحطيهم هنا... باش متعيايش وانا نتسحكم بلا منآذيك...

نسيبة : ولكن... ( شافت فسليمان )

الطبيبة : لا متخافيش رآه غنغطيك احبيبتي ها ليزار مغيشووف والو...

نسيبة تنهدات براحة حركات راسها بالايجاب وعلات رجليها كانت لابسة كسيوة معاها بيرميدة بحكم فصل الصيف بانو سيگانها البيضين الصغيورين... بالزربة غطاتها الطبيبة حيدات ليها السرواال ومعاه السليب ودات تتقلب فيها... احساس بالاشمئزاز حساتو نسيبة حيت ضطرات تديرها على ود شي حد غير باش ميحلش فيها شي حد فموو... حتى حسات براسها ضراتها... غوتات بشوية...

نسيبة : ( مخسرة ملامح وجهها ) آي ممم... غير بشوية ضريتيني....

الطبيبة : قربت نسالي...

سليماان : ( كيشوف فيها خسرات ملامح وججها شاف في الطبيبة ) بشوية لي بين يديك بنت ماشي مرا... ردي البال...

الطبيبة هزات فيه راسها... ورجعات اللور كتحيد القفاازات... وخرجات من الغرفة سليمان تبعها وخلاو نسيبة تنزل وتلبس عليها تقاد حالتها... جلسات في المكتب ديالها وجلس قدامها... مكملاتش خمسة ديال الدقايق... خرجات عندهم نسيبة جلسات حتى هي بلاصتها كارهة راسها مهزاتش فيهم الراس باقي البكية حابساها غير بزز... نطق سليمان مخاطب الطبيبة...

سليمان : ( ملامح باردة وعينو على نسيبة ) اهاه ادكتوورة... شنو تمااك ؟!

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا