عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 16 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 151 :

صبح الحاال شمس النهار سطعاات وضواات الدنيا كانت اخير واحد يفيق هي نسيبة فايقة على صوت رجوى لي دقاات ودخلاات عليها البييت اما سليمان فااق بكري دوش بدل عليه وخرج مشا الخدمة وقبل غيدووز للفيلا الضغيرة عند فلووغين لي لقا ميساجها في تيليفوونو عاد وعى على راسوو شنو نسا البارح مكملووش تلها مع نسيبة نسا وجود فلوغين...

غارقة في نعااس... صوت رجوى كيف النااقوص مفيقها من سابع نومااتها...

رجوى : ( داخلة للبيت كتجمع ريدووات و تحل في السراجم والبالكوون وتعطي عليها بااش تفيق... ) نسيبة النعاسة الخوافة المرعوودة فيقي وافيقي...!

نسيبة : ( ناضت بزز مغمضة عين وحالة عين شعرها طالع للسقف... ) شنو بغيتي مني فهاد الصباح مفهمتش علاش هاد الحالة كاملة...؟

رجوى وقفاات قداامها حاطة يديها على خصرها : اوا الالة انت نعستي مرتاحة وخويا مدفيك انا مجانيش النعاس تنخطط شنو غنديرو من بعد...!

نسيبة كحلاات بالعما واش هي كانت اتموووت من موور بلاناتها وتخطيطااتها وهي تتقول لها تنخطط نطقاات بعصبية : رجوى اختي انا بقيتش لاعبة هادشي ديالك... شوفي البارح فين تلينااها...

قاطعااتها رجوى متحمسة : مزياان رااه كان خااصك تشووفي خوويا كيفاش خااف عليك... وكاين غيخلي دار بو واحد الفرملي مسكين بمسبتك انا بعدة مزاال متيقتش...!

نسيبة : ( مخرجة عينيها بصدمة هادشي كامل طرا البارح... ) شنااهووا هدااي عليا...

رجوى : ( جلساات حدااها... ) شنوو...!

نسيبة : انا قالي بغا ولادو وانا نبغيتش ارجوى...

شاافت فيها كتغبن عينيها بدااو كيعمرو بالدمووع رجوى مكرهاااتش تنوووض تتقب السقف بالفرحة ممتيقاااش واش خووها طلب من نسيبة هادشي يعني انه بصح بلان طلاق عمرها تحلم به هادي الأولى... زائد شخصيتو لي شافتها البارح في عز ليل تأكداات ان نسيبة خاصها تكمل معاها حيت غاديين مزياان وغيتهنااو من فلوغين غير بالفن... شافتها معاجبهاش الحاال... ميقاات فيها...

رجوى : مالك علاش مباغاش بالعكس هادي شي حاجة لي زوينة غنولي خالة وثانيا انسيبة هاد الولاد هووما لي غينسيو سليمات ففلوغين وبلجيكا والعام ويجرووه عندنا... كوني ايجابية اصلا متقدريش تقولي لا لراجلك يعني خودي البلان بإيجابية متنكديهاش علينا كاملين...!

عينيها كيلمعوو بالفرحة هههه تقووول هي لي طلب منها راجلها الولاد ماشي نسيبة... نسيبة غير معجبة فيها شي نهار غيقتلووها هاد زووج سليمان وختوو مصيبة صافي طاحو فوق راسها واحد تزوجها ووحدة تصاحباات معاها وهي وسطهم اما رجوى ناضت طلقاات الاغاني منوضة نسيبة كتضور فيها باش تشطح معاها وتتحرك شوية متبقااش غير ناعسة... من بعدها دخلات بدلات عليها وغسلات وقادات حالتها وشربات دواها لي قبل الماكلة وخرجاات عندها يفطرو بزووج... رجوى ممشاتش لافاك بغاات تبقى مع نسيبة كثر منها نيت تقنعها تدير معاها الخطط الماجية... حيت مستحيل وصلو هاد المستوى ويقفو في النص...