عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 17 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

بارت 161 :

ففيلا العمراني تعشااو فجو هادئ كيتبادلو نظراات سليمان خطرة خطرة كيخطف شوووفاات من نسيبة مراقبه‍ا... ورجوى حتضيااهم بزووج... الوحيدة لي خاشية وجهها في طبق ديالها ه‍ي نسيبة مركزة في ماكلتها فيها الجوع وفيها النعاس والعياء وااخة مكدير والو فنهار ولكن الدوايات كيعييوها واصلا البيريوودة كتجيها شوية قاصحة...

سالات هزاات راسها بعد ما سالات... لقااتهم بزووج بهم كيشوفو فيها تعجباات دلاتشفايفها... نطقاات بغنج...

نسيبة : شنو كاين...! درت شي حاجة...؟ ياك شي باس مكاين...؟

سليمان : ( مراقب غير ديك الحركة تاني لي دارت دوز يديه على لحيتوو ونطق ببحة خشنة... ) يلاه عاد درتي...!

رجوى : ( حتى كانت اتضحك وهي تجمعها عندها نطقاات بين سنانها... ) والو انسيبة غير قلنا كيف كيف بقيتي شوية...؟ وااش فااتك الوجع ديال البيريوودة...؟

نسيبة عرفااتهاا طانزة عليها قداام خوها زيد بااغة تمرگها حيت عارفاها كتحشم... سليمان غير حاضيهم بزوووج شوفاات وحدة تنسييك في الاخرى حرك راسو بلا حول ولا قوه الا بالله العلي العظيم مناگرين وهوما مصاليحن وهوما مخاسمين مكيتفهمووش ليه...

نسيبة جمعاات الوقفة ونطقاات بالزربـة : بخير الحمدلله مهم بالصحة والراحة العشااء انا غنمشي ننعس...!

وهي تعطيهم بالظهر غادة بغاات غير تتفاوت اويلي قرباات توضر وسط حوايجهاا بالحشمة... شي نهار هاد رجوى تشدها تشنق عليها... قبل متقـ•تلها... حتى وقفها صوت سليمان من اللور ناطق بنبرة رجولية امرة : دي معااك شي وحدة في الخدامااات تجمع معاك حوايج المهمة للسفر...! نص ساعة ونطلع عندك نلقااك ساليتي...!

نسيبة حركاات راسها بالايجااب ومشاات معند الميت ميدير قداام غساالووو... دارت لي قاليها عليه جمعاات ليه حوايجوو وحوايجها كل وحدين في فاليزة بوحدهم فارقاهم وجمعات الضروريات لي غتحتااح وحطااتهم برا الدريسينغ بااش كيف يدخل يشووفهم بلا ميسولها ولا ينطق ولا يتكلم معاها...! 

بدلات لبااست حوايجها ديال النعاس بيجامة عادية خارجة من الدريسينغ لقااتو جبد فاليزتها كيقلبها بقاات غير كتشووف فيه حتى سالا وعاود جمع كلشي ورجعووو... نطقاات متساءلة على سبب هاد التفتيش لي فتش ليها في حوايجها...

نسيبة : علاش تتقلب بالضبط...؟ وملقبتيهش...!

سليمان جرها من يديها عندو غادي بها جسهت السرير جلسها وجلس جنبها وهي غير تابعاه مگيدها مفهمااتش والو... تقابل معاها شد ليها فوجهها مركز في عينيها الزوورق وهي كذلك كتشووف فسوداويتيه متعجبة هادا ماالوو... تردد ولكن خاااصوو يقولها لي كان باش تعرف مادام الامر كيخصها حتى هي... نطق بصوت رجوولي هادئ ببحة مدعدعة...