عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 26 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 251 :

في بلاصة اخرى ظلام ليل طااح سليمان مزال مرجعش للدار... رجوى واقفة قدام المراية كتشووف راسها كيف جاات كتحمق كتفتن بالزين... لابسة جيمسووت في البيج فورمال شعرها جامعاه الفوق كووب شوفال مع حلقات كبار مايكاب خفيف و عكر في لون الوردي الفاتح مركزة على عينيها بارزة جماليتهم... هزات صاكها فيه ضرورياتها رشات من بارفانها... شافت في ساعة اليد الذهبية لي حاطاها فيديها لقاتها ثمنية 20 دقيقة تبسماات برضى تام عاد خرجاات من الدار لشارع بان ليها واقف بعيد شوية... تمشاات عندو... حلات الباب ولقات التحية وطلعاات مبغاتوش ازرب عليها تاني تصدق مساملة معاه بالوجه...

شهاب كيشوف فيها مطلع حاجبو كيتسناها تقولها ولكن باين بلي عن قصد دارتها قال وهو مراقب حركاتها :  ديمة كتعطلي وانت تتوجدي راسك ولا غير اليوم....!

رجوى : ( حولات عينيها للجهة الاخرى ونطقاات ) بصح تعطلت مرديش البال للوقت...!

شهاب : ( نطق داير لها الخاطر ) ماشي مشكل تفششي كيف بغيتي غير هو الوقت ممشاش هكاك...!

رجوى : ( شافت فيه... ) مفهمتكش...!

شهاب : خديتي وقتك الكافي باش تديري گاع لي قلت لك بالحرف...

رجوى : غير جاب لك الله... ( دورات عنيها كتشوف قدامها وكملات كلامها )  انا لبست عادي...!

شهاب تبسم برضى عارف بلي دارت لي قال لها عليه بالحرف وجا معاها زوين خدات ليه العقل تحركو من تمااك داها الريسطو فين حاجز ريسطو فخم ديكوراسيون مغلطة بين التقليدي والعصري بلاصة راقية... شدو بلاصتهم شهاب هو لي جر الكرسي لرجوى حتى جلساات... لابس حتى هو سروال جينز في الاسود مع تريكو في الابيض وفيسط في الاسود شعرو مقادو بطريقة انيقة كيبان جنتلماان... بداو كيتحاورو وشهاب ختار انه يجيها نيشان....

شهاب : مهم ارجوى كيف كتشوفي انا انسان عندي ابيض ابيض كحل كحل... نيشاان عنديش مع تضياع الوقت... نهار شفتك في لوبيتال انا عجبتيني... ( مكز فيها الشوفة كيدوي بكل ثقة في النفس) مبغيتكش للتفلية ولا تدواز الوقت هادشي دوزتو في امريكا شحال هادا... دابة بغيت نبني حياة مستقرة مع الإنسانة لي خفق ليها قلبي من اول نظرة ولي هي انت...!

رجوى : ( ترفعاات للسماء السابعة بالصدمة بقاات غير حالة فمها فيه نطقاات بلا وعي... ) واش من نيتك....!

شهاب : سدي فمك بعدة راه الموت كتدور... واه من نيتي خاص غير حتى انت تكون عندك شي نية صافية...!

رجوى : ( هزات كاس ديال الماء جغمات منو تفيق غير من الذهول لي هي فيه... ) ولكن رآه زربتي عليا ولاالاا...

شهاب : انا مزربتش عليك انا قلت لك غير شنو غرضي وشنو باغي ولي عيني فيه...!

رجوى : زربتي انا مكنعرف عليك والو وحتى انت هاكاك بالمهل كيتكال الدنجال...!