عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 11 :

  ⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 101 :

كلام نسيبة صدمهم كاملين من سليمان متوقعااهاش منها واش نسيبة لي مكتحركش الدجاجة على بيضها هي لي جرات عليهم كاملين بلا رحمة بلا شفقة ولكن واش هوما رحمووها حنو فيها لا وغير مكملين فهادشي ديالهم... مكانتش باغة تدير هاكة حيت هي مهاماها لا الدار ولا غيرها ولكن كرامتها اهم وكبريائها في المقام الاول متقدرش تعفط عليهم كثر من هاكة... وتتصرف عادي مستحيل وقفاات على كرامتها شحال من خطرة وطمراتها ولكن اليوم زااد فيه وخاصها توقفو عند حدوو حيت فاات حدود الله معاها... ضربها هانها ونقص منها فين هو داكشي باش امرو الله في كتابوو.. قال تعالى ﴿ عاشرهن بالمعروف ﴾ هو رآه حتى لدابة مشافت منو غير الاهانة...

رجوى بلا الثور الهايج الى طلقتيه... جاية راجعة جيهتها حتى شدها سليمان... بديه بزوووج دواات بجهالة...

رجوى : طلقني اخوياا طلقني عليها واش مسمعتيهاش كتجري علينا من دارنا... ( موجهة كلامها لنسيبة ) شكون انت باش تجري علينا دوي نسيتي يامك فااش جابك با غير من زناقي... بايعك ليه بااك...

نسيبة صافي قواها خارت مبقاش عندها الجهد تجاوب... بقا غير ساكتة سامية بقاات فيها كتمشي وتجي...

سامية : الى كان بااك بيدوفيل متجيش تشدي في صاحبتي... نزيدك بصفتها مولات الدار كتقولك خرجي... علاش اصلا غتخليك من نهار عرفاتك وانت نازلة فيها ضرب ومخليتي حتى كلمة مقلتيهاش ليها وباغياها تبقى معاك في بلاصة وحدة انا بلاصتها مدينة وحدة ومنبغيهاش تجمعني معاك...!

رجوى : خوويااا وااش كتسمع شنو كتقول هادي...

سليمان : كتدافع على ختها ماشي بحالك جبتي لينا الهضرة... ( كيشوف في نسيبة مدمرة على الاخير ولكن رآه لتشاد معاها كثر غيدير غير شهود على انه كيعنفهااا وتقدر تدعيه گاااع... وختو حتى هي زايدة فيه... شااد في اعصاابو نطق ببرود... ) قدامي ارجوى...!

رجوى : فين غنمشي انا مخارجاش من دارنا... ونخليها ليها...؟

سليمان : قدامي بلا منعاود هضرتي زووج خطرات...! فلوغين سبقيني انا تابعك...!

نسيبة : ( جلساات بهدووء تام فوق الكرسي ونطقاات بصوت هادئ هازة راسها فيهم... ) عندكم خمسة ديايق يلقاوكم برا الدار ولا غنعيط للبوليس يخرجوكم....

سليمان بانت ليه زادت فيه طلق من رجوى ومشا ليها باغي اعاود اصقلها حتى لقا فوجهو ادريس واقف حسكة ممخليهش يدووز ليهاا...

إدريس : خويا سليمان دير للماء منين يدووز ونعل شيطان... عرفتيها صغيرة معصبة وطايشة تبرد ودويو... متسرعش وتغلط شي غلط ماشي لصالحك... سمع مني تال دابة رآه عندها الحق...