عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 12 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 111 :

من مور ملاح ليها هاد زوج كلمات خرج وخلاها غير تترمش... مفهمااتش المقصوود من كلاموو... ولكن لي عارفاه انه دابة تحداها... وقبل بتحدي ديالها... دابة لي وضاح قدامها حاليا انها خاصها تتقاتل على ود طلاقها منو آلله اجعلها تحط فيه لي وراها ولي قدامهاا... تنفساات الصعداء مرجعة شعرها اللور... مشاات هزات تيليفونهاا... دوزاات رقموو ثواني قليلة جاوبها متسنااتش بزااف...

• وي ختي نسيبة لباس عليك...! كيف بقيتي...؟

نسيبة : بخير الحمدلله هحنا... اخويا إدريس... وانت لباس عليك...؟

إدريس : اللهم لك الحمد... ( قوس حجبانو مموالقهاش كتعيط عليه... ) شنو حب الخاطر...؟ شنو سبب هاد الاتصاال...؟

نسيبة : بغيتك توقف ليا على وراق طلاقي من سليمان... بغيت نرفع عليه دعوة ديال الخلع...

إدريس : ( دوز يديه على وجهوو... هاد العائلة مكاين غير زوج طلق... اسغفر الله فخاطرو.. ونطق... ) اهاه واخة انا نشوف لك هادشي...! ونرد عليك...!

نسيبة : ( براحة ) صافي شكرا انا غنتسنى مكالمتك...!

قطعاات عليه حيت أخيراً غتتهنا خاصو غير يوجد الورااق... ويشووف بشحال غيتقام عليها هاد الخلع باش تتهنا منهم كاملين وتعيش كيف بغات هي بلا قيود مخصهااش بشي تزويجة عوجة لي تعطي فيها ومتاخدش اقل حاجة لي هي الاحترام... وميدارش ليها فيها حساب... داكشي باش أحسن حاجة هي تتفك من هاد العائلة والى كان هو راسو حجر هي راها كثر منو...

سليمان من تمااك مشا للشركة باش اشوف الخدمة لي عليه خصوصاً انه مسير جوج شركاات وسط هاد المشاكل كاملهم... منين دخل والعمال كيشوفو فيه نظرات ناقصة... كلشي كيشوفو بنظرة دونية واخة هو موول شي بقا واقف كيشووف فيهم حتى مرگو و نزلو عينيهم... شنو واش وجهو ووجه مرتو متصدرين الصفحات الأولى للصحف والمجلاات... مكاينش لي معرفش بفضيحة العمراني مزوج زوج عيالات الحاج يا ما طمر زواجو من فلوغين مباغيهش ابان ولكن في الاخير تفضح ووصل للعامة زيدك على الحفلة الرسمية لتقديم مرتو المغربية مكملاتش... و كل واحد وشنو كيألف وشنو كيقول... هادشي مغيأثرش على مكانتو في السوق ولكن صورتو نوعا ما غتتحط الانتقاد... ولكن برودة دم لي فيه معاطيش اهتمام للموضوع الصحافة البتة حيت معندوش مشكل اتعرف بلي مزوج زوجات... كتبقى حياتو وهو حر فيها بالطول والعرض...

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 112 :

جالسة في الجردة طالعة هابطة في مواقع التواصل الاجتماعي تصاورها في الحفل بمعية فلوغين وسليماان محطوطين كل واحد شنو كاتب... انسطا.. فيسبوووك... تويتر حتى ه‍و مقالوهش ها لي ضاحك هالي كاتب جريدة هالي بقات فيه هالي كيتنمر هالي كيلومها حيت هي لي رضات على راسها تتوزوج راجل مزوج... الحاصوول كلها كيلغي بلغااه... وهي مغددة غير بوحدها محملاتش هاد الكم الهائل ديال الاضواء لي تصلطات عليهاا... تنهدات دخلات للواتس تجاوب سامية على ميساجاتهااا...