عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء الثاني 2 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 11 :

نسيبة تزاد معاها الزايد شكوون هادا لي شادها بحال هاكة وقريب منها لهاد الدرجة... شي شفاار ولا شي حد غيتعدا عليها ولا يقتلها يلاه بغات تغووت وهي تحس به حط يديه على فمها مسكتها ويديه الاخرى حاكم بها يديها باش مضربووش بها... بقات غير كتزينن تتعافر تتفك حط ذقنو فوق راسها بحكم طولتوو وهي قصيرة عليه ونطق بشوية باش اسكتها وتهدن قبل متجمع عليهم لي في الدار...

سليمان (بنبرة صوتو الخشنة) : قطعي الحس!

قدرات تميز صوتو فمسامعها قلبها وقف شنو بغا منها الصدمة جمداتها وخلاتها تحبس من التفركيل ديالها وتزينينها كيف شي زيزونة.. حيد يديه على فمها... تنفسات الصعداء ترجع فيها غير رووح عاد شافت يديه لي شادين فيديها وهو حاط ثقل راسو عليها نطقات بصوتها الرقيق...

نسيبة ( معصبة وخايفة منو ومن هاد الشدة ) : طلقني وفك ليا يدي شنووو باغي عندي ؟

سليمان : توء توء توء مطالقكش شنو عندك مديري ؟

نسيبة ( حركات راسها وهي كتفكر وتخمم جاوباتوو وهي مغددة ) شنو عندي مندير واخة... انت تشووف شنوو عندي مندير...

يلااه غيجاوبها يشوف شنو غدير كاع شنو فجهدها هي الخطوة لكانت غتخطوي كتتمشا بشوية عليها وحدة وحدة ثقيلة فكلشي وعقلها ثقل منها وصوتها كاع مكيعلا... هادشي رد ليه البال غير من اليوم للبارح وحتى منين رجوى سخفاات ليهم بقات مشوشة عليها وهي لي عيطات ليها للخدات وهزوها جااتوو غبية بزااف... ولا كتسطانعوو دايرة هبل تربح وخاصو يحيد ليها داك الماسك لي دايراه على وجهها مخبية به فعايلها الشيطانية... لدرجة لعبات على الحاج كقدرش تا يدخل بها... ومن الفوق كاتب ليها لي وراه ولي قداامو... ولكن به ولا بها... و فجأة و هو فغمار التفكير ما حس غير بيديه بحالا شاادها ليه شي شيان بوليس لحمة يديه غتقلع من بلاصتها.....،كتبرك و تزيد حتى سنانها طلاقاو مع بعضياتهم و هو مزال بدون حراك مخليها تبرد سمها فيديه.....،البرود طاغي على ملامحو...،طرطق عنقو يمين و شمال حتى تسمع صوتو و عاد طلقات مخلوعة من يديه و فمها مزال كيرعد عليها بالأعصاب......

هز يديه مقابلها مع وجهو و هما يبانو ليه سنانها بوضوح وحدة حدا ختها مستفين...خسر ملامحو و عوج فمو باستهزاء و نطق و عيني مقابلين مع وجها و شوفتو الحادة طيحات فيها النص

سليمان : جهلي لا... نسيت (نطق كيلعب على حبال الاستفزاز) الكلبة كتبقى كلبة.......

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 12 :

كتشووف فيه شاد فيديه كيشووف جيهت العضة لي باينة مطراسية ليه فيديه جاب ليها الضحك... واخة سبها بكلبة ضحكات على راسها لوهلة حساات براسها قوية ترسماات نطقاات باعتلاء واحد الشجاعة انتابتها معرفاتهاش منين جابتها واخة هي العين مكتقدرش تهزها فالواحد... هزات فيه عينيها وعلات حاجبها...