عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 27 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 261 :

نسيبة هاد السؤال عارفة جوابو مزيان حيت الدنيا قراتها ووراتها وشافت فيها بزاف واي حاجة بغاتها كتعرف علاش باغاها نطقاات وهي مبتاسمة حاطة يديها على كرشها...

نسيبة : بغيت ولد مبغيتش نولد بنت حيت الولد كيكوون ديمة سند لامو لاختو لعائلتو لاي حد الدنيا فاش كتحكو كتخرج منو راجل اما البنت غتتعدب وانا مبغيتش بنتي تتعذب ولا تشوف لي شفتو وتظلمها الحياة وانا نكون بعيدة عليها ولا نخليها من مورايا الحياة صعيبة... وحتى واحد مضامن عمرو لا انا لا ( تنهدات ) لا سليمان بغيت ولد على الاقل غيهز كنيت باه ويشرفو...

كلامها اثر فيهم كاملين حاولو يبدلو الهضرة وسامية كانت السباقة حتى جاات حسناء عيطاات عليها من وسطهم وداتها لبيت يتكلمو على انفراد... دخلات وجلسات وجلساات مقابلة لها

حسنااء نطقاات منبهاها... : عيط عليك باش نأكد مهم انت من هاد النهار غتطبقي گاع لي تافقنا عليه قبل...!

سامية : ( ابتاسماات ابتسامة خفيفة حطات رجل على رجل قدامها ونطقاات ) غنطبق لي مناسبني وكيصب في مصلات ادريس اخالتي حسناء...!

حسناء : قلت لك ماما ولا نسيتي...! وكفاش غتطبقي غير لي بغيتي...!

سامية : ماما وحدة هي لي ولداتني... انت منفوتش لك خالتي ونحتارمك ونديرك في مقام عالي حيت انت لي جبتي هاداك الراجل لي واخدني... ولكن ماما مغنعيطش لك بها و اما شي لاخر غنطبق لي مسلكني ومريحني ومشددش عليه ادريس وهادي هي اخير هضرة عندي...!

حسنااء : ياك الالـة سامية... وليتي تحطي عينك في عيني ولا حيت صافي كتب عليك...!

سامية : حسبيها كما بغيتي انا غير قلت لك لي عندي ودابة نخليك انا غادة باقي تابعني شلا حوايج نقديهم راكي عارفة اليوم عرسي...!

ناضت خلاتها من موراها وسدات الباب خلاتها غير كتشوف تسيفاات عليها في الاول كانت منزلة راسها ومنين استفردات بها عطاتها الهضرة ناضت تشوف شنو غدير في حريرتها فهاد العرس لي واقف حتى يدوز من بعدها تتحزم لها...

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 262 :

النهار كامل داز في التوجاد للعرس داز كلو فرح خصوصاً انهم ممشاوش للصالون كلشي تدار في الدار ووجد في الدار والعرس كان برا في الجردة اما واحد لالة سامية مكاين غير الفريع دالغاروعي في اللباس المغريبي التقليدي التكاشد في لويناات زوينة بطرز رفيع منبقين بأحجاار كريمى مكاين غير الزمرد والالمااس والرقي الكلاس اما موولاي السلطان الكوسطاار في الاسود البابييونة ساعة وهو مضارب معاهم مبغاش يديرها بزز باش خلاها جا همة وشاان خارجين بزووج بيهم للمرتبة ديالهم دايزين من وسط الناس واحد نسيبة وماماها ورجوى جالسين القدام نسيبة قفطين في اللون الازرق بلون عويناتها مايكااب كان ثقيل شوية بارز لون عينيها شعرها طالقاه على طولتو مرتاحة فيه... اما رجوى فختارت تلبس قفطان في الكري وشعرها جمعاتو على شكل كوب شوفال... سامية بارزة فرحانين لها... وصوت الصلاة والسلام على النبي مالي المكان...