عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 28 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 271 :

فلوغين جمعات الوقفة كتشوف فيهم بزوج بهم نطقاات وهي خايفة : متقدرووش تديرو هادشي...!

سليمان : ( راسم على وجهوو نفس الضحكة لي كانت راسمها ه‍ي في الأول نطق... ) انت لي فبلادي دابة ماشي العكس...! لي دار ذنب يستاهل العقوبة...!

فلوغين بداات غير تتمتم عرفاات راسها صافي وصلات لافاان ديالها هادي هي نهاية او بالاحرى هادي غير بداية نهايتها... سليمان خرجوو المفتش وسدوو عليها... خلاوها من مووراهم كتضرب في الباب وتعيط بسميتوو وتنادي عليه ولكن ما من جيييب سليماان لي كاانت تتعرف شحال هادا صافي راح وولا وهو بنفسوو باغي يشوفها كتتعذب اضعااف عذابوو... كوون مجااش مقعد كوون هو بنفسو فلعصها ولكن فضل يقتلها على البطيئ حسن تحس بشنو ضاع بعدة من بين يديها عاد تتعاقب وباغي هو بنفسو يعلمها بشنو كيتسنااها حيت عارف بلي واخة تتصنع القوة عارفة بلي قدامها دقتو كترجع مضاعفة وخوفها منوو قراه في عينيها مزياان وهادشي لي بغاه وصل له...

كاانت مدة ديال الزمن لقااتووو في الدار وسط الناس لي كيبغيها هو وكان غالط في حقها بزاف او بالاحرى كان ظالمها واخة كان ضميرو من جيهتهم فايق وداير بحسابهم ولكن بطريقة غالطة بطريقة كان كيميل فيها الكفة للشمال اكثر من اليمين كان الشيطان مزين له الطرف الغلط ولكن قدما الانسان تاه كيلقا المسار الصحيح... وهو دابة في مسار الصحيح المسار لي مقدر له ربي يكمل فيه خاصو غير شوية يتقااد بااش افرح به...

تعشااو في جو زوين طرائف نسيبة متسالاوش لي من مور متغداو وهي تتوحم لهم الحووت حتى جابووه ليها في العشااء ومبغااتش تاكلو لهم شيبات الطباخ ديال العائلة طيب زووج خطرات ولكن حتى حاجة متغلا عليها... تعشااو ومشا كل واحد فيهم نعس في بيتو سليمان ونسيبة مشاو لبيتهم ومشات معاهم الممرضة حتى قاداتو في بلاصتو وخرجات خلاتهم بوحدهم....

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 272 :

في بلاصة اخرى في فيلا المالكي جالسة حاطة رجل على جل كترشف من لاطاس ديال القهوة بعدما تعشاات كتتسنااه يدخل تعطل عليها مموالفاش له... جالسة مستانسة حتى دق ناقووس الخطر والازعاج جاية عندها عگوزتها لالة حسناء غير شافتها وهي تحط لاطاس... وهي تجمع الوقفة مفيهاش لي يتشاااد مع شي حد ولا تتناقش مع شي حد... حسنااء تقدمااات وجلساات خلاتها حتى تفاوتات بشوية وهي توقفها بكلامها...

لالة حسناء : گاع لي دردكااتووو المعزة غتخلصو في دار الدباغ...!

سامية ضارت كتشوف فيها ونطقاات بتعجب : كفاش...! مفهمتش...؟