عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء الخامس 5 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 41 :

بابلووو : ندويو بعدة...! عاد نشوفو منين نبداوها...

البارح فااش تشكاات ليه رجوى وعلمااتو بلي غيديروو... بغااتووو يخلعها باش ترجع ليهم ورثهم بلا ميديها ولكن يهددها يخلعها باش تردع وتخااف تخلي لي مووراها ولي قداامها... عطااتوو سميتها وكنيتها هو معطلهااش فديك الليلة سول عليها وقلب على اصلها وفصلها... ولي مهم هو فين كتقرا ومعاااش باش يمشي لها... مهامووش واش مرا ولا بنت ولا غيباان حگار قد ما هامووو يفدي دمووع ساطة ديالو كيف كيسميهاا... اوبالاحرى وحدة من مصادرو المالية... مهم معطلهاااش هي منين جاات للمدرسة مع الصباح هو كان كيشووف فيها... اربعة ديال السوايع وهو كيتسنى فيها... كان غادي ليها فالشارع حيت منين غيجبد المضا مكاينش لي يجي حدااه... ولكن منين مشات للدرب حسن لا عين شافت ولا قلب وجع...

نسيبة من موور هاد الجملة... صافي ولات كتبان ليها غير الموت وفمها حاجة وحظة هي الشهادة... كتشهد بصوت خافت... نفسها تطلع وتهبط غير بشوية... جلس على وضعية قرفصاء والسبعطااش فيديها مكالي بيه‍ا مع الارض... كتبري بين يديه نسيبة اخيرا تشجعاات نطقاات...

نسبية : ( تنخصيصة... كلامها متقطع...) شنو بغيتي مني...! الفلوووس...! ( مدات يديها لعنقها لواحد السلسله كان عطاها ليها الحاج... ) بغيتي هادي...! رآه غير هادشي لي عندي... خودو وخليني اخويا الله ارحم لك الوليدين...

بابلوو : ( بتاسم بستهزااء ) هه‍ه انا ناعسة على ورث رجوى... كتقوولي خود هادي وهادي وخليني...! شوفي هضرة وحدة منعاودوهاش... معاك اليوم قبل غدا الورث يرجع لمااليه... ولا المرة الجاية مغتسمعي غير من هو ربك...!

نسيبة كتترعد دمووع فعنيها شلال... معرفاات باش تجاوبوو ولا شنو تقوول ليه... نزل لها الماء فيالركااابي قبل متنطق... تفهم منوو شنو كاين ولا ترغبو غير يبعد منها مبغاات والو... بغاا يكمل تهديدوو كتبان ليه الخرجة ديال الدريبة واقفين فيها ستة ديالي الدراري صحاب سامية كيقراو معاها... هازين فيديهم المسطراات ديالهم... وسامية موراهم واقف معاهم سليمان وادريس... نطق واحد فيهم الزاعم فيهم كيعيطو ليه الزيبرا...

الزيبرا : هادي ماشي روندتك... شكادير هنا... وشقربك لبنات دربناا...

بابلوو مدارش فحسابو هادشي بالمرة وقف على رجليه مزير على المسطرة لي فيديه... عارف بلي دخل دروبة ماشي ديالو والهاجم يموت شرع... واخة كيبانو صغار ولكن عارف بلي هاد السن اصلا فاش مكيفكروش عندهم حاجة وحدة دخلي لروندتي تحمل مسؤوليتك...

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا