عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 20 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 191 :

ظهرها تقسمت على جوج... غمضات عينيها من حر الالم بقات حلاات عينيهاا كاتشوف شكون كاين حداها وفي جنابهاا صاكها مشتت طلعاات عينيها بالتوالي قدامها كيبان لها رجلين شي احد واقف عليها هزات كتشوف شكون حتى كتباان ليها يديه ممدودة له باش تنووض... كيبان لها غير الضباب... مدات ليه يديها... غير اعاونها توقف حيت تتحس براسها تعوقاات... عاونها توقف مع وقفاات وبداات تتقاد شعرها وحوايجها ومونطوها لي تحل بغاات تسدو اما هو هبط هو جمع لها صاكها... جمعو ووقف كيشوف فيها هز عينيه يشوف فيها كتسد مونطوها وخصلاتها الذهبية طايحين على وجهها هزات عينيها الزورق  فيه كتشووف فيمن خرجاات... كيباان لها راجل متوسط الطوول انيق حرووفو كحلين... نطقاات بصوتها الحنين معتاذرة...

نسيبة : ديزوولي مقصدتش نخرج فيك...!

•( بصوت رجولي راسم على وجهوو ابتسامة جانبية... ) لالا ماشي مشكل... انا لي خاصني نعتاذر لك...! انا لي طيحتك...! ياك انت صافا موقع لك والو...؟

نسيبة : ( راسمة ابتساامة خجل على وجهها وجنتيها حمارو نقطاات... ) لا صافا موقع ليا والو...!

• ( مراقب حركات يديها وكفاش كترجع شعرها اللور كتضحك وتبتااسم سنانها كيف مستفين... نطق ماد ليها صاكها ونطق... ) خودي صاكك أ آنسة....

نسيبة : ( عاد تفكراات صاكها توثراات... ) نسيبة... نسيبة الزاوي... اه بصح شكرا...!

شداات من عندو الصااك رجعات خطوة اللور يلااه بغاات تدوي معاه تشكرو وتمشي فين كاانت غادة وهو يمد ليها يديه : متشرفين آنسة نسيبة...! معاك حمزة المنصوري...

نسيبة حشماات وهي تمد له يديها سلماات عليه : متشرفين...! موسيو حمزة...!

حمزة المنصوري : شرف ليا تعرفت عليك... مهم نخليك حاليا عندي اجتماع مهم...!

نسيبة : طبعاً تفضل وديزولي مرة أخرى...!

مشات هي للحمام قبل ميمشي هو بقا متبع ليها العين عجبااتوو بزاف زينها فشكل شدو وحتى خجلها وطريقة كلامها اثيراتوو... دخلات للحمام عاد مشا ناحية قاعة الاجتماعات بكل نخوة خطواتو ثابتة... حاس انه غيكون عندو لقااء ثاني وثالث حيت بصح بقاات في عقلوو...!

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 192 :

قضاات غراضها في الحمام وخرجاات مشاات ناحية قاعة الاجتماعات دخلات كيبان ليها كاينين شي وجووه مألووفة ليها في الشركة وسليماان كرسي ديالها جنبو... وحمزة جالس في الطرف الآخر المقابل لها...