⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا
البارت 171 :
صبح صباااح فاااقت بين يديه بقااات كتشووف فيه نعاسووو صراحة حسن من فياقوو كيكوون مهدن وصاقل وسكاات وزوين... بلا متحس ناضت من فووق كتفوو شعرها مدلي... وجهها تقابل مع وجهووو هزات يديها غير بشوية منين جابت ازعامة آلله اعلم عنيها كانوو كيلمعوو في ديك اللحظة وخايفة.. حطااتها فووق من لحيتوو دوزاتها غير زشوية قايسة جنب فموو... وهي تحيدها بالزربة قبل ميفيق... ناضت بشوية باش متفيقوووش... يصدق محصلها... وهي تدخل للحمام... مع سداات الباب... حل عينيه كيشوف جيهت الباب... تنهد كان فايق من الاول... فاش تحركاات خصلات شعرها لي تدلدلات عليه حركاتها حس بهم اناملها لي تحطاات على وجهو تتحسس بهم... مبغااش احرجها مخليها تدير لي بغاات... ولكن هاد الحركة لمساات قلبو... عرف بلي لي قدامو براءتها محدودة حتى هي عندها ميولاتها والظاهر انها بدات تميل له... مبقاااش بزاف لهاد الزواج يولي حقيقي...!
ناض من بلاصتو خارج من تحت اللحاف... وقف قداام السرجم العريض.... كيباان له من الزااج الثلج كيطيح مغطي كلشي... يعني اليوم غيدوزووه غير فالاوطيل خرجاات عندو لقااتووو واقف وقفاات جنبوو... عينيها على الثلج كيتساااقط بوثيرة كثيرة مكرهاتش تكوون تحتو ولكن راه البرد القارص... بزااف.... شااف فيها ونطق... بوصت مدعدع...
سليمان : صباح الخير...
نسيبة : ( شافت فيه تفركارات قبيلا وهي تزنااغ غير بوحدها... ) صباح نوور...
سليمان : نعستي مزيان...!
نسيبة : رتاحييت... وانت...؟
سليمان قرب عندها وقال بصوت هادى ببحة : كنت مرتااح ولكن مخليتينيش...
نسيبة : ( كتضور في عينيها هنا وهنا... ) هاء كفااش...!
سليمان : كتلعبي الكرطي في الليل انسيبة نعاسك خايب... عمر قالها لك شي واحد...؟
نسبية : ( تنهداات براحة كانت كتظن انه عاق بها... حولات عينيهاونطقاات براحة... ) لا مقالهاش ليا حتى واحد...
سليمان : كون قلتي آه كوون صفيتها لك...!
داز فيها وخلاها من مووراه دخل يقضي حوائجو في الحمام يبدل ويخروو يفطرو التحت... نسيبة مفهماتش علاش قالها هاكاك يصيفيها لها... حدها بدلات حوايجها نزلو فطرو كتشووف لي كووبل كفاش كيفطرو والحب كيتشاير وهي جالسة معاه وحاطة على قلبها حجرة اه مزوجين بزز على الاقل يحاول يدير شوية ديال الرومانسية... يجبر بخاطرهاا واخة غير يوكلها... والوو فحالا جالس قدامها جبل... عنيه عليها كفاش كتشووف... عنيها متلئلة عاجبينها الاجواء والكوبل ومتشوقة تعيش حتى هي هادشي اي مراهقة اصلا كيكونو عندها احلام وهي احلامهاا كلهم تدفنو غير شوية بشوية وغيعطيهاا حقهاا فكلشي...!
أنت تقرأ
عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ
Romansa⚜️ حصريــــــا على قــصـص روايـــــات #النخـــــــبــــة_الراقيـــــة⚜️ تـــأليـــف وكتــابـة : ســــاميــة بـن دادا #الــــوصــيــة 🗝️🔒 مسمات بما أوله نون... نون نسوة ماتت بسم تجرعته يا أناي برضاك ، من يدي ذا السين... ذا ا...
