عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 13 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 121 :

مردووش البال بالمرة منين كانو كيديو سليمان كان كيسمع منهم كيتسنااه غير اقول فينها باش امشي يشووفها بعينيه كيف بقاات مينكرش حس بتأنيب الضمير واش هي على ذمتو وطرا ليها هادشي كامل... كاين شي حد كيهمل مرتو 15 يوم... مينكرش انه تنادم معاه الحال علاش خلاها بوحدها... كان خاصو يبقى ماشي يبعد... كتبقى بنت الناس امانة ديال سيدي ربي عندو... اخيرا وصل ولقا الغرفة فين حاطينها... بلا ميدق ولا يستأذن... فقرارة نفسوو عندو الحق فيها بلا حدود... الحدود والضوابط الاخلاقية على الغربااء وأي راجل آخر يقدر يدخل ولا يبغي يدخل حياتهت اما هو ليه كل الحرية في التصرف... 

لقاها طريحة الفراش... شاحبة وردة ذابلة متكية... عنيها على السقف ساهية فيه... تحت عينيها مكتاسحينوو هالات سودااء بسبب العيااء عنيها طايحين... تعابير وجهها حزينة... نفسها ممنتاظمش تتنفس وتنهد وينقاطع فيها... صحتها نقصاات بزااف باينة من ملامح وجهها... بقا غير واقف كيشوف فيها كفاش كانت وكفاش ولات واش 15 يوم تبدلات فيها... معارفض انه اكثر من ثلاثة اشهر وهي صابرة وكاتمة مابيها وهاد 15 غير نتيجة المدى البعيد على لي كانت عايشة فيه من قبل... قرب عندها... ضارت عندو فاش سمعات حس الخطوات جايين غندها اما حتى الباب منين تحل مسمعاتووش ولا عارتوو اهتمام غايبة عقلها طاير... مهدودة ديال بصح...

وقف جنبها عينيه كيناظرووها كيتفحصوها مزيان عارف مزيان ماشي هاكة خلاها ماشي هاكة كانت... دنا منها وحط يديه على راسها... نطق بهدوووء...

سليمان : باش كتحسي دابة...؟

نسيبة : ( سكتات لثواني نطقات بصوت خافت عياانة كتهضر بزز... ) مكنحس بوالو...! علاش جيتي شنو باغي مني...؟ جيتي تتشفا فيا...! جيتي تشوفني كنمووت...! ولا جيتي باش تريح ضميرك...؟

سليمان : ( تنهد... من حقها تقول هاكة وتحس هاكة واش هو ممسولش فيها 15 يوم من نهار صدمها عايش حياتو ممكلفش راسو حتى يسيفط لي يسول على حالها.... تكلم ويديه كتدوز على خصلات شعرها المرمية بإهماال فوق الوسادة... ) غتبراي غير شوية ديال الوقت متبقايش تحسي بالوجع... وحتى الدوخة غتفووتك...!

مجاوبهاش على كلامها ماشي حيت معاطيهش اهمية لا بالعكس عارفهاا اي جواب غير هادشي غتاخدو عندها وتقدر تتحسس هوما فغنى على هادشي... عارف مزياان شنو كاين... اما نسيبة رسماات ابتسامة ساخرة حيت داير فيهاا طبيب ولا الواعرة كيمثل انه مهمتم بها... تال دابة يعطيها غير تسااع غتكوون بخير شافت فيه مصطانعة القوة... حيت محملاتش نظرات الشفقة لي فعينيه وقلقو المزيف...

نسيبة : ( بعصبية... ) من امتا وليتي طبيب ومفراسنااش... ولا ياكما انت لي مريض بلاصتي ماشي انا...!