⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا
البارت 241 :
خرجو هو ويااها ركبو في اللوطو وتحركو لأول كافي لقاوها في طريقهم خداو بزووج بيهم كافي نواغ قاسحة نفس الدوق عندهم بزوووج فاش كيكوون شي موضوع مهم يدويو فيه ضروري من قهوة كيركزو قاعدة فيهم خلاتها فيهم مهم...
جالس حاط رجل على رجل كيشوف فيها نطق : يلااه ارجوى طلقينا شنوو عندك...! شرحي ليا علاش مخليتينيش ندخل عليها نتفاهم معاها...!
رجوى حطاات الگاس من يديها من بعد ما جغماات منوو وركزاات شوفاتها فيه : شوف اخوويا سمعني مزياان ومتعاتبنيش على شي حاجة...! حيت كلشي منك انت...!
سليمان : ( بجموود) كنسمعك...!
رجوى كتشووف فيه في نهار لي كانت معاها في الدار في البيت لقااتها كتدوي في التليفوون وتصدماات من لي سمعااتوو واخة كانت كتدوي بالانجليزيه ولكن فهماات كلشي...
فلووغين : بصح كتبغيني افابيان...؟
فــابيان : انا كنبغيك ولكن شوفي انت واش كتبغيني ولا باقي تابعة داك المغربي العربي...!
فلووغين : لا حبيبة مبقيتش كنبغيه... حيت كيخووني...!
فابيان : بغيتي تقصدي تزوج عليك...!
فلوغين : مافكرنيش بلي هاديك لي جابها ممكن تولد له و ولدها ولا بنتها غياخدو گاع الاملاك...!
فــابياان : ساهلة غير انت بغيتي تصعبيها عليك...!
فلوغين : مفهمتش اشنو باغي تقصد...!
فابــيــان : سنييه على وراق يكتب ليك فيهم كلشي و نلبسو له شي قضية تديه مورا الشمس...
فلوغين : كفااش غندير لهادشي...!
فابيان : اوا الأولى انت تعرفي لها حيت عندك مع مجال الاعمال دربري لمحاينك... التالية عندي شي تهريب اموال ولا متعرفي فأي لحظة يولي سليمان متهم بشي قضية مخــ•درات من العيار الثقيل ولا شي جثة عندك في الدار...!
فلوغين : صارحة انت اذكى انساان عرفتو في حياتي كنبغيك...
فابيان : بيني ليا هاد الحب وشطبي كونط سليمان العمراني وانا غنفرجك فيه...
فلوغين : كون هاني مهم نخليك دابة باي...!
قفلات عليه الخط مع دارت لقاتها فوجهها... تصدماات فيها دارت فحالا مكان والو نطقاات بصوت مايع... درجة كيف ديمة ملككة كتبان فحال شي راجل...
فلووغين : من امتا وانت هنا...!
#يتبع....
⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا
أنت تقرأ
عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ
Romance⚜️ حصريــــــا على قــصـص روايـــــات #النخـــــــبــــة_الراقيـــــة⚜️ تـــأليـــف وكتــابـة : ســــاميــة بـن دادا #الــــوصــيــة 🗝️🔒 مسمات بما أوله نون... نون نسوة ماتت بسم تجرعته يا أناي برضاك ، من يدي ذا السين... ذا ا...
