عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء الرابع 4 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 31 :

رجوى جمداات فبلاصتها... بلعات ريقها بصعووبة بدات تتحك فعنقها وقرفادتها... دارت يديها ففمها كتقزم فأظافيرها... علامات التوثر بانت على تقاسيم وجهها... نطقات وهي مرتابكة...

رجوى : كفاش اخويا انت.... كتضحك معآايا...! ياك....!

سليمان : ( وقف تقاابل معاها وهي كتهرب عينيها منوو وودور دور تدوز يديها على نيفها دمووع تجمعو فعينيها... بغات تدوي ولكن مقراتش غير كتشووف فيه نطق بين سنانو ) باني على حقيقتك يلاه اش كتسنااي...

رجوى : ( عطاتو بالظهر ) اش كتقصد...! مفهمتكش...! ( شافت فيه ) من هادشي كامل ديبلوكي ليا لي كارط...

سليماان : مع الاسف لا...

رجوى : علاش اصلا تبلوكيهم... آه ولا حيت انت عندك النص في الشركة قلتي ارا نرمي ختي للزنقة... وانا لي كنت كنتسنى منك ترد ليا حقي....

سليمان : كملي... اهاه وشنو اخر...! كنسمعك...! عنداكي تنسااي شي حاجة...!

رجوى : ( هازة حاجبها فيه) مفهمتكش...!

سليمان : انا نفهمك...! ختي الصغيرة لي فعمرها 22 سنة كتقرقب... الوقت لي خاصها تكون تتقرا فيه... كل مرة خارجة متربية فقنت...

رجوى عينيها غرغرو صافي تفضحاات.... لي دردكاتووو فوق ضهر الحاج لي مكيخسرش ليها الخاطر.... جا سليماان يحدهم ليها... كتهاابووو وكتحتارمووو بزااف... محملاتش راسها عرفها على حقيقتها... علاقتهم الاخوية لي كانت مثالية من صغره‍م وهو دايرها في عينيه... ولكن منين خرج من الدار وتغرب وخلااهم هي ملقاتش لي يكنطروليها...
اب مستهثر... حتى حنان الام غايب... ماتت... روابط اسرية ممزقة... فاش رجع حاولات متبينش قداامو بلي مبلية... وبلي مكتشدش الدار ولكن تفاقماات الاموور وبلان الورث مقدراتش تشد راسها بزاف حتى سيمانة وزووج مقدراتش تصبرهم... سحباات مبالغ مالية كبيرة... لي مقراتش تغطي ولا تغطي عليها باي كذبة... قلب من مووراها ومكانش صعيب يوصل للناس لي تتعامل معاهم... وقدر يعرف كلشي عليها كان لي وصل ليها عادي وكاين لي عطا فيها الفلووس... كانت هاديك هي صدمتوو انه ختووو ليف بنتوو يلقا عليها دوك الفعايل... زادت على ما بيه... شاف فيها وعينيه نااار فيها نطق بعصبية...

سليمان : ديك الزيغة الزايدة سالات... الخروج والدخول فالوقت... الكارط بونكيغ نسايهم...

رجوى : ( يلاه غتهز عينيها فيه تترجاه وتبكي وتنووح عليه باش تبقى فيه ) عافاك...! اخوويا انـا....!

سليماان : كلامي مكنعاودووش زوج خطرات...!

تحركاات من قداامو مشات كتجري لبيتها عارفة خوها منين دخل فمعمعتها... صافي مبقااش عندها فين تنفنف وهادشي غير مازاد حقدها على نسيبة كتشووفها هي السبب الرئيسي لضائقتها المالية الحالية... زائد انكشاافها... منيرفية كتمشي وتجي في بيتها شادة شعرها اللور كتتوعد لنسيبة بانتقاام...!