عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء 22 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 211 :

في بلاصة أخرى حي طبقة المتوسطة حي شعبي بإمتيااز... جاية ويديها فيد مها وباها من مووراها خارجة من الدريبة لي ساكنة فيها ماشيين للشارع فين واقف باللوطو ديالوو...

اليوم هو اليوم الاخير يوم المحاكمة يوم غيصدر قرار المحكمة في حقها... بعدما دوزاات شهر ديال سراقها مطلووق ولكن باقيين قيد التحقق والتحقيق مع الشخص لي حط لها الحشيش في شكارتها باش اعتارف بعدما عتارفو صحابو عليه و ادريس تدخل بااش اقدر اخرجها متبقااش ليلة وحدة اخرى في السيلووون... وخدم گاع معارفوو ووراقوو... باش اقدر ياخد الحق انها تخرج برا حيت هي بريئة مستحيل اخليها تمااك...

اما علاقتهم في الفترة تطورات بزااف وولات حسن من كيف كاانت خصوصاً انه سامية عرفاات غلطها وحساات بالندم حيت كانت غتخسر الانساان لي كيبغيها من اعمااق قلبوو ومستعد يضحي على قبلها... عرفاات بلي ديك الليلة لي باتتها في السيلوون عقااب من سيدي ربي حيت كتكذب على وليديها لي ولدووها ورباوها ومخلاو مداروو على ودها باش ميخصها حتى خير مومو دعينيهم ثايقين فيها وهي كل مرة طابة ساعة كل مرة غادة مع واحد ديمة مشربة مها الحدجة عليها ومفقصاها عرفاات بلي غير حر فقصة مها وتعب وشقا الاب ديالها لي خرجو فيها... الله اسمح لنا من الواليدين... اما ادريس خطى خطوة حميدة وتقدم لها وطلبها من واليديها لي كيقولو واليدينا دوا فيها والخطووبة الرسمية ان شااء الله ناويين يديروها قريب غير تفووت ازمة المحكمة وشنو غيحكم القاضي... وتتقاد الاموور ديالها في المدرسة خصوصاً دابة حيت ولاو عندها سوابق... حتى تستقر واموورها تستوى عاد يفرحوو مع بعضياتهم البعض بالخطوبة.... 

وصلوو عندوو للوطو رشيد ركب القداام مع ادريس وسامية ماماها اللور الطريق كاملة وهوما مجمعين ادريس مرة مرة يخطف شووفات من سامية ولكن هاد الخطرة كلهم جاريين معاهم لا مامات سامية ولا باباها حتى لبغاوه اتبادلو حوار بالعينين حاضيينهم حشموهم ادريس كيقوول غير امتا يتفكوو من هاد القضية لي لبساتها سامية باش يقدر اخطبها ويعرف كيف يخرج مهاها على خاطرهم واخة معارفش شنو كيتسنااه من موور ديك الخطووبة...

المحكمة الابتدائية لمدينة الدار البيضاء واقفين قداام الدرووج ديالها بربعة بهم وهوما يدخلوو للداخل ادريس تفرق عليهم مشا لمكتب خاص بالمحاميين يوجد وراقوو وسامية والديها مشاو نحو القاعة فين غتتعرض قضيتها على الملأ و غيصدر فيها الحكم... خايفة ميكوونش الحكم لصالحها...

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 212 :

دقائق معدودة على رؤوس الاصابع وكانو داخل قاعة الحكم لي مملوئة بالنااس لي كيحضرو للاستمااع الحااصوول الاعين عليهم كل واحد شد بلاصتوو...