عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء السابع 7 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت 61 :

بقات واقفة فبلاصتها جملة بقظر ما بسيطة عندها وزن كبير عندها جملة عجزااتهاا تزيد خطوة للأمام ولا ترجع لووور... الزمن وقف عنده‍ا قلبها دقااتوو تبااطئو بين الدقة والدقة اكثر من ستين ثانية... ضارت عندوو بالعرض البطيئ كتشووف فيه... كيبانوو ليه زووج منوو... 
كيشووف فيها توازوونها مختل بغات تخطوي عندو الارض كتحس بيها تحتها كتتحرك مقدرااتش تحط الخطوة رجعات رجليها بلاصتها... وقف بالزربة مشا جيهتها... شد من درعانها غادي بيها كيف جلسها تسىلات من يديه دافعاااه... مد ليها كاس ديال الماء كان فوق المكتب.... يديها كترعد شاداه غير بزز بغا يشد فيها يعاونها دفعات يديه... شرباتو وحطات الكاس فوق الطبيلة لي قدامها رجعاات راسها اللور... كتتنفس بالجهد تنهداات... رجعات شافت فيها وعينيها باقي شوية ويخؤجو من بلاصتهم بكثرة الصدمة ومتتيقاش...

نسيبة : ( بلهفة ) عارفها فين كاينة... لقيتيها...

سليماان : ( رجع متكي في بلاصتوو مراقبها فرحاان لهادشي لي كيدير فيه وغيديرو باستفزاز ) تهدني بعد ونشووفو... ( قرب ليها عقد الزوااج ) ونشووفو واش لقيتها ولالا...!

نسيبة : ( بغاات تاكل ريتها حيت هادشي ولا كيعصب ) انا مهدنة... ( جلسات فحالو متجاهلة الوراق مكملة هضرتها) ها انت شووفني شحال مهدنة..!

سليماان : ( كيشووف كفاش لعب بأعصاابها بين ثانية وختها بالزربة بجملة وحدة ) هضرة وحدة قلتها لك... توقعي نقولك فين هي...!

كتشوف فيه وكتشووف في الورااق لي حااط ليها... الشوونطااج هاك وآرا... مقادرااش تجااوب باقي ولا تنااقش عقلها في صراع بين نارين... يا توقع وتتزوج بإنساان مكتحملو مكتقبلووو وما على بالهاش بيه بالمرة عمرو جا فبالها بحتى الغلط... ولكن المقاابل غتعرف فين هي الانسانة لي من زماان خلاتها ومشاات هي ماشي ضعيفة لديك الدرجة بغاات تعرفها فين بغاات تواجهها بغاات تقوليها شي هضرة فقلبها حابساها هادي ازيد من عشرة سنين... بغاات اجوبة لاسئلتها... بزاف ديال الحوارات فبالها باغية تخووضهم معاها... ولكن لموقعااتش على هاد الورااق هادشي كامل مغيكوون منووو والو... حتى حاجة يعني... عندها التضحية على زووج يا تضحي براسها يا تضحي بلقاء ماماها... عرفااتو مكيكدبش ولمدارتش لي قال ليها مغتدي منوو لحق لبااطل... تزيراات بدات كتبكي... شعرها قنطها عرقاات تلفاات... مدات يديها رجعات شعرها اللور... كيناظرها كفااش هي تحت الظغط... كفاش حطها فحيز فگاع الحالات هي الخاسرة فيه... وهو رابح فحالة وحدة... شافت فيه مطول مسحاات دمووعها... مداات يديها نطقاات بنبرة باكية...

نسيبة : الاول نقرا هاد العقد شنو فيه قبل ولالا.... ( مداات يديها تهزو من فووق الطبلة )...

سليماان : ( قبل متحط عليه يديها تقراه حط عليه يديه نطق وهو مخنزر فيها ) معنديش الوقت... وقعي ولا رجعي اللور...!