عــــــــشـــــــق آلوريــــــــث ᎯᎷᏫᏌᎡ ᎻᎬᎡᎥᎿᎥᎬᎡ

الجزء الاول 1 :

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا

البارت الاول :

جالسة في الصالة بلباسها الابيض مغطية الطويل و فورانة في الابيض مغطية شعرها البندقي لي باين فيه شوية من الامام ، الناس ضايرين بيها اول مرة تشووفهم كلشي كيبكي من غيرها هي عينيها نشفو بكثرت ما بكاات على زهرها ، ملامحها باردة عنيها الارض امتا غير تتسالي هاد المهزلة لي هي فيها دابة هزاات راسها منين سمعات شي حد نده بسميتها ، كتقلب على صاحب الصوت بعينيها الزرقين كتباان ليها بنت في نفس سنها سابسة جلابة في الاسود وفولار في  البلووماغين استأندنااات من الناس لي معاها تمااك ومشاات جيهتها... حتى عنقااتها بداات تبكي بصوت مسمووع اخيراً شي واحد كتعرفو شي حد من ناسها شي حد جا باش يكوون معاها قدام دار راجلها بادلاتها البنت العنااق كتوااسيها و تعزيها...

•الباركة فراسك من جيهتوو ، متبكيش اصاحبتي عافاك ، نسيبة مديريش فراسك هاد الحالة ( قرباات عند وذنيها ونطقاتت بشوية ) دار ليك ربي تاويل ديال الخير منين تفكيتي .

نــسيــــبـــــة : ( نطقات بشوية والدمووع في عينيها شلال ) ربي لي عالم شحال مقصحة فالدنيا اسامية .

ســــاميــة : ربي كبير وغيدير لك تاويل ديال الخير مهم إلى حتاجيتيني انا معاك فاي حاجة.

جراتها بعيد على ناس لي فالصالة ودخلوو لبيتها وجلساات سامية معنقة نسيبة بين يديها كتبكي عنيها تنفخوو ببءهم كيتلألأ في ضاية دمووعها...

ســــاميــة : صافي عافاك متبكيش ، اللهم ترجعي لدار باك ياك انت كنتي تتقوليها حسن من هاد التزويجة لي تزوجتيها .

نــسيــــبـــــة : بابا لاحني للعافية وخلاني   اسامية وغنخرج من هاد الدار للزنقة لا حنين لا رحيم .

ســــاميــة : كفاش مفهمتش ؟!

نــسيــــبـــــة : عيطت ليه قلت ليه الحاج مات اجيو رآه بقيت بووحدي قالي نساي بلي عندك باك معندي مندير بك مشيت تال الدرب لقيتهم تحولوو وبدلوو العتبة و المدينة معرفتهم فين مشاو.

سامية عينيها دمعوو على صحبة عمرها لي كتضيع قدامها ومقادة دير ليها والو نطقات ويديها على فمها : ودابة شنوو غديري ؟ فين غتمشي ؟ .

نــسيــــبـــــة : معندي مندير انا كنتسنا حتا نسالي هاد الجنازة لي سمانة وهي واقفة...

سامية : واربعة ديال الشهور وعشرة ايام فين اتدوزيها ؟

نــسيــــبـــــة : ( تنهداات مسحات على وجهها ونطقات بجفاء ) فينما بغا الله مهم نخرج من هنا .

#يتبع...

⚜️عــــــــشـــــــق آلوريـــــــــث ⚜️
من تـــأليـــف : ســــاميــة بـن دادا