Twins And Me

Part 15

{ Unicode }

နောက်ဆုံးမှာတော့ ဂျီမင်နဲ့ဂျီဝန်ရဲ့ နောက်ဆုံးနှစ်စာမေးပွဲပြီးဆုံးခဲ့ပြီဖြစ်သည် ။ အခုမှပင် ဝန်ထုပ်ဝန်ပိုးကြီးတစ်ခု လျော့ကျသွားသလိုခံစားရတာကြောင့် စိတ်တွေပေါ့ပါးသွားခဲ့ရလေသည် ။ နှစ်ယောက်အတူ အိမ်ပြန်လာတုန်းမှာပဲ ကိုကြီးဆီက ကုမ္ပဏီကိုလိုက်ခဲ့ ညစာအတူစားကြမယ်ဆိုတဲ့ message ကြောင့် အိမ်ကိုမပြန်တော့ပဲ ကုမ္ပဏီကိုလိုက်လာခဲ့ကြသည် ။

ရုပ်ချင်း အတော်တူတဲ့ ဂျီမင်တို့နှစ်ယောက်ကို အကုန်လုံးက အံ့ဩတကြီးကြည့်ကြလေသည် ။ ဂျီမင်ကို အရင်ကမြင်ဖူးတဲ့သူတွေတောင် နှစ်ယောက်ထဲမှာ ဘယ်သူက ဂျီမင်ဆိုတာ မတွေးတတ်တော့အောင်ဖြစ်နေကြလေသည် ။ ကိုကြီးရဲ့ရုံးခန်းထဲအရောက်မှာတော့ ကိုကြီးနဲ့ သူ့အတွင်းရေးမှူးကစကားနေကြတာကြောင့် ဂျီမင်တို့ ထိုင်စောင့်နေလိုက်ကြသည် ။

ရုံးခန်းထဲက ဂျီမင်ရဲ့စားပွဲလေးအရင်အတိုင်းရှိနေသေးတာကိုမြင်လိုက်ရတော့ ဂျီမင် ရင်ထဲမှာ ဆစ်ခနဲနေအောင်ခံစားလိုက်ရသည် ။ အရင်ကတော့ ဒီအခန်းလေးထဲမှာ ကိုကြီးနဲ့အတူ အလုပ်တွေလုပ်ရင်း ပျော်စရာအချိန်တွေကိုဖြတ်သန်းခဲ့ရသည် ။ အခုတော့ ထိုအခိုက်အတန့်တွေအားလုံးပျောက်ဆုံးခဲ့ရလေပြီ ။