**LANA’s POV**
Kuhaan na ng class card.
Kumusta kaya yung Stats ko?
“Yey! Pasado yung stats ko. Ikaw Lana? Summer?” bungad ni Sunny sa amin.
“Di ko pa tinitingnan.” Sabi ni Summer, expected naman namin na bagsak kaming tatlo, ewan ko lang bakit pumasa si Sunny.
“Tingnan nyo na!” excited na sabi ni Sunny, siguro nasa isip nya na pasado rin kami, kasi pasado siya. SANA NGA!
Pagbukas ko ng envelope ko.
Nanlaki ang mata ko.
Di ako bagsak!
DROP lang.
“Pasado ako, ikaw?” – Summer. Sabay silip nya ng class card ko. “Ow Lana, ---“
“So, yun! Summer class ang haharapin ko.” Sabi ko.
“Lana.” Malungkot na sabi nung dalawa.
“It’s ok. It’s ok.”
“Anong ok? Pasado kami, ikaw hindi.”
“Ok lang yun, tama lang. Para may magawa ako nitong bakasyon.”
“Ha?”
“Wala.”
“Huy! Ano nga yun?”
Naglakad na ako palayo, pero sinusundan pa rin ako ng dalawa at nangungulit na nagtatanong.
“Secret nga!”
***
1st day of Summer class.
Gosh! Late na naman ako! Asar!
Room 221! Room 221!
Pagpasok na pagpasok ko, bumungad si Mrs. X
Yung prof ko sa Stats noon, siya rin ngayon.
May pag-asa pa ba ako?
“Miss de Leon.” Sabay evel smile ng bruha. “You are always late.”
“Sorry ma’am” umupo na ako sa bakanteng upuan sa likod.
Pagka-upo na pagka-upo ko, bumukas yung pinto.
“Sorry ma’am I’m late.”
“O! isa ka pa Mr. Santillan!”
Pagtingala ko, si.. si… si Kuya Disaster yun ah!
Palapit siya sa akin at umupo sa tabi ko.
“Hi! Tingnan mo nga naman ang tadhana. Sinusundan mo ba ako?”
“Ano? At ako pa ang sumusunod sayo ha. Ang hangin mo ha.”
Actually, medyo nawala yung alala ko na magiging boring itong summer class na to. At least may kakilala ako sa klase namin.
May sayad nga lang tong lalake na to.
---
Natapos na ang klase.
Uwian na.
Naglalakad ako mag-isa.
“Susunduin ka ni Aiden?”
Paglingon ko si Kuya Disaster pala yung nagsasalita.
“Ano?” tanong ko.
“Sabi ko, kung susunduin ka ni Aiden.”
“Di na kami nagkikita.” Patuloy lang kaming naglalakad.
“Talaga?”
“Oo.”
