انار عتمة قلبي

البارت السابع

اكرم و قد انتبه لتلك الفتاة و تذكر انها هي من التقي بها في الطائرة
اكرم بابتسامة : يا سلام علي الصدف
اسيل باستغراب : انت تاني !!
نادين : اه اعرفك دا اكرم اخويا
اسيل : اهلا
نادين : يلا بقي تعالي معانا البيت والله محدش هيضايقك خالص و هيكون ليكي شقة تعيشي فيها لوحدك علشان تكوني علي راحتك
اسيل برفض : اسفة بس بجد مش هينفع
نادين بتفهم : لو علشان اكرم يعني متشليش هم الموضوع دا هو طول النهار في الشغل و بيجي يدوب بيتغدي معانا و بينام و زي ما قولتلك انتي هيكون ليكي شقة لوحدك تعيشي فيها براحتك
اسيل بتفكير : موافقة بس بشرط
نادين : شرط اية
اسيل : هدفعلكم فلوس ايجار كل شهر
نادين : لأ طبعا احنا مش محتاجين فلوس انا بس عاوزة اساعدك
اسيل : انا فهماكي والله بس انا مش هوافق اجي معاكي غير بالشرط دا
نادين بتنهيدة : طيب اللي تشوفيه يا اسيل
و قامت اسيل معهم و ركبت في السيارة من الخلف و هي تنظر من الزجاج تتابع الطريق المبلل بماء المطر و بعد فترة قليلة وصلوا الي البيت و جلسوا سويا مع سوزان
سوزان باستغراب : مين دي يا نادين
نادين : ماما دي اسيل مصرية و طالبة زيي و اول مرة تيجي هنا و مكنتش عارفة اي اماكن تروحها و الشارع طبعا مش امان ليها فأنا عرضت عليها تيجي تعيش معانا في الشقة اللي فوق كدا كدا فاضية بس هي اشترطت عليا أنها تدفعلنا ايجار كل شهر و انا وافقت علشان تيجي معانا
سوزان بابتسامة وهي تتفحص وجه اسيل : اهلا بيكي يا حبيبتي من انهاردة اعتبريني مامتك و نادين اختك تمام أنا دلوقتي هخلي الدادة تطلع تروق المكان اللي هتعيشي فيه و من بكرة لينا كلام مع بعض
اومأت لها اسيل بأبتسامة خجولة و بعد حوالي ساعة كان مكان إقامتها جاهز و صعدت الي الاعلي بهدوء و أغلقت الباب و ارتمت علي الفراش بتعب و ذهبت في نوم عميق دون أن تعي بما حولها
***********************
تاني يوم استيقظت علي صوت دق علي الباب فتحت عينها ببطئ ونظرت حولها لبرهة ثم تذكرت ما حدث و قامت فتحت الباب وجدتها نادين دلفوا سويا الي الداخل
نادين بأبتسامة مشرقة : صباح الخير يا كسولة كل دا نوم
اسيل : مش عارفة والله ازاي نمت كتير كدا بس كنت مرهقة اوي من السفر حتي ملحقتش اكلم أهلي اطمنهم عليا
نادين : طيب يلا قومي فوقي كدا وظبطي نفسك و انزلي افطري معانا
اومأت لها اسيل بأبتسامة و غادرت نادين الغرفة و اخذت اسيل دريس من اللون الاسود مطرز بورود حمراء من الكتف و دلفت للمرحاض اخذت شاور وارتدت ثيابها وصففت شعرها بعناية ثم ارتدت حجابها الاحمر القاني و نزلت إلي الأسفل وجدتهم ملتفين حول مائدة الطعام ألقت عليهم السلام وجلست علي كرسي بجانب نادين
و شرعت في تناول طعامها بخجل
سوزان : مالك يا اسيل مش بتاكلي كويس لية
اسيل بأبتسامة : لا طبعا باكل يا طنط تسلم ايدك
نادين : مفيش بينا كسوف يا اسيل خلاص احنا من النهاردة اخوات
اسيل بود : اكيد طبعا
كل هذا و اكرم يتابع الموقف بصمت حتي لا يزيد من خجلها
و بعد فترة ليست بطويلة أردف : انا خارج يا ماما عاوزة حاجة
سوزان : لا يا حبيبي خلي بالك من نفسك
ابتسم لها وأخذ هاتفه ومفاتيح سيارته وانطلق خارجا
و انتهوا البقيه أيضا من الطعام و جلسوا سويا يشاهدون التلفاز
اسيل : طنط سوزان انا بجد مش هقدر اعيش معاكم هنا من غير ما احدد الايجار
سوزان : عيب كدا يا حبيبتي انتي هنا ضيفة عندنا مينفعش ناخد منك فلوس قعدتك هنا
اسيل : طيب انا مش حابة اكون تقيلة علي حد فلو حضرتك مش هتوافقي بالشرط بتاعي انا مش هينفع اكون هنا
نادين : اسيل انا بجد حبيتك اوي وطول عمري نفسي يكون عندي صحاب وما صدقت لقيتك لية عاوزة تمشي
اسيل : لو هتاخدوا مني ايجار مش همشي
سوزان : خلاص يا اسيل ادفعي اللي انتي عاوزاه وخليكي هنا
اسيل : طيب معلش يا نادين هتعبك معايا يا حبيبتي بس عاوزاكي تاخديني مول هنا او سوق أو اي مكان اقدر اجيب منه مكونات اكل ليا علشان مش عاوزة اتقل عليكم في الاكل وكدا وكمان علشان يكون كل شخص براحته
نادين : طيب بس لازم نستني اكرم لما يرجع علشان يجي معانا لأنه مش بيوافق اخرج من غيره
اسيل : طيب انا هطلع الشقة اكلم أهلي و اظبط لبسي ولما يجي اخوكي ابقي قوليلي
اومأت لها نادين بأبتسامة وغادرت اسيل الي الاعلي و دلفت للداخل و جلست علي الفراش ووضعت اللاب توب أمامها واتصلت بأهلها و بعد مدة فتحت الكاميرا علي وجه طارق
طارق : ينفع القلق دا يا اسيل من امبارح اتصلت بيكي كتير وانتي مش بتردي وكمان متصلتيش علشان تطمنينا عليكي هو دا الوعد انك تكوني معانا لحظة بلحظة !
اسيل بأعتذار : والله اسفة يا طارق انا امبارح اليوم عندي كان ملغبط اوي لما خرجت من المطار مكونتش عارفة اروح فين وفضلت امشي في الشوارع واسأل علي فندق ومحدش عارف لحد بليل بس في بنت شافتني و عرضت عليا ان عندهم شقة فاضية في البيت وانا هأجرها وهعيش فيها فترة الدراسة
خديجة : طيب الناس دي مضمونة يبنتي ؟!
اسيل : والله يا ماما هما واضح عليهم طيبين وكمان تقريبا مصريين هو احنا لسة متعرفناش علي بعض كويس بس من خلال عشيتهم وكلامهم وكدا مصريين يعني و بيتعاملوا معايا كويس
رحمة : بردو يا اسيل خليكي واعية وانتي في وسطهم ومتديلهمش الامان اوي
اسيل : بصي يا رحمة هو أن شاء الله خير يعني ويفضلوا كويسين كدا معايا للآخر
خديجة : المهم يا اسيل تخلي بالك من نفسك و تفضلي دايما مع ربنا و تركزي في دراستك
اسيل : اكيد يا ماما متقلقيش عليا
طارق : و هما العيلة دي كام فرد يعني
اسيل : هما تلاتة طنط سوزان وعندها اكرم و نادين ولادها
طارق : اكرم!
اسيل بتفهم : انا فاهمة اللي بتفكر فيه بس صدقني هو من امبارح مرفعش عينه فيا حتي وكمان انا عايشة في دور كامل ليا بعيد عنهم وانا عارفة حدودي كويس
اومأ لها طارق بتفهم ثم وجد من يتعلق برقبته
اسيل بضحك علي ذلك المشاكس الصغير : يا قلب عمتو انت وحشتني خالص
حمزة بأبتسامة : انتي كمان يا عمتو وحشتيني خالص
ثم قبلها قبلة علي الهواء تلقتها اسيل بمرح و ظلوا يتحدثوا فترة حتي استمعت لصوت نادين تخبرها بأن تتجهز أغلقت معهم وقامت ارتدت ثيابها ولفت حجابها حول رأسها بأحكام و خرجت من شقتها متوجهة لأسفل للذهاب لشراء كل ما يلزم مطبخها و ايضا دراستها
********************
انتهي البارت
# دمتم بخير 💜
# Amira Ashraf Labana.