انار عتمة قلبي

البارت الثامن عشر

استيقظت اسيل وجدت الظلام يحيط بالغرفة نظرت إلي الساعة وجدتها العاشرة مساءا قامت دلفت الي المرحاض و بعد فترة اتصلت ب نادين لم تجيب كررت الاتصال ثانيا حتي أجابت : كدا يا زفتة يلي كنتي عمالة تعيطي علشان ماشية من عندكم ومتصلتيش بيا خالص لحد دلوقتي تطمني عليا
نادين : معلش يا اسيل كنت بذاكر
اسيل بشك : مال صوتك
نادين : مفيش حاجة
كادت اسيل أن تتحدث لولا أنها استمعت الي صوت في الشرفة
اسيل بصوت منخفض : في صوت عندي في الأوضة
نادين : صوت اية
صمتت اسيل و جلست علي الفراش وغطت نفسها بالغطاء تماما و تحدثت بخوف : انا شايفة خيال حد في البلكونة خايفة اوي
نادين بقلق : مالك يا اسيل طيب فهميني
اسيل : مش عارفة يا نادين اتصلي بالشرطة ولا اي حاجة عنواني (......)
كادت نادين أن تتحدث ولكنها استمعت الي صوت صراخ اسيل و تم اغلاق الخط
نادين بهتاف : اكرم الحق اسيل قالتلي حاسة أن في حد في الأوضة عندها و صوتت فجأة و الخط قطع
اكرم بقلق : طيب ابعتيلي العنوان بسرعة
وتركها و غادر مسرعا أدار سيارته و ارسلت له نادين العنوان ظل يسير فترة ليست بقصيرة حتي وصل اخيرا صعد الي الدور الثالث وجد الباب مفتوح و الزجاج مهشم علي الارض ظل يبحث عن اسيل بزعر حتي وجدها اخيرا مرمية علي الارض الدماء تسيل من زراعها
حملها سريعا وضعها علي الأريكة و ذهب الي الغرفة احضر لها إسدال ألبسها إياه وهو يتحاشي النظر إليها و اتجه بها الي المشفي
***************
سوزان : اتصلي تاني كدا
نادين بقلق : يا ماما اتصلت بيه مرتين مش بيرد خالص
سوزان : يارب استر يارب طيب هو مبلغش الشرطة لية راح بنفسه لية
نادين : اكرم ملحقش يفكر في حاجة اول لما سمع الخبر جري علي طول قبل حتي ما اخلص كلامي
سوزان : طيب اتصلي بيه تاني انا مش ههدي غير لما اطمن عليهم
اومأت لها نادين و ظلت تحاول مرة و ثانية حتي أجاب اخيرا
نادين : اية يا اكرم عملت اية و اية اللي حصل
اكرم : اهدي بس شوية انا مش عارف اية اللي حصل بس روحت لقيت باب الشقة مفتوح واسيل مرمية على الأرض دراعها متعور وهي مغمي عليها ورايح بيها علي مستشفي (......) دلوقتي خلاص دقيقتين وهوصل
نادين : طيب انا جيالكم
و أغلقت معه واخبرت والدتها سريعا وذهبت لتحضر نفسها للذهاب و أصرت والدتها علي الذهاب معها للمشفي و بالفعل بعد حوالي نصف ساعة كانوا قد وصلوا وجدوا اكرم جالس امام الغرفة بأنتظارهم
نادين : اسيل عاملة اية
اكرم : الدكتور خيطلها الجرح و أداها حقنة وقال إنها كويسة بس في رجلها شوية كدمات هتروح مع الوقت
سوزان : طيب يلا ندخلها نطمن عليها اكتر
و بالفعل دلفوا ثلاثتهم الي الداخل و بمجرد أن رأت نادين ارتمت بحضنها تبكي
نادين : خلاص يا حبيبتي اهدي واحكيلنا اية اللي حصل
اسيل : انا كنت بكلمك عادي وسمعت صوت في البلكونة زي ما قولتلك و بعدين شوفت خيال حد دخل الأوضة تقريبا حرامي و لما اكتشف اني صاحية كان عاوز يقتلني وفضلت أجري منه وعورني في أيدي بالسكينة و بس كدا مش عارفة جيت هنا ازاي
اكرم : الحمد لله انها جات سليمة و انك كويسة
استدركت اسيل ان اكرم هو من أحضرها الي هنا و علمت أيضا أنه هو من ألبسها تلك العبائة فنظرت للأرض بخجل و اردفت : شكرا يا اكرم انك ساعدتني
اكرم بابتسامة : مفيش بينا شكر يا اسيل
سوزان : أظن كدا ملكيش حجة بقي انك ترجعي معانا البيت تاني
نادين : وكمان يستي انا هعيش معاكي في الشقة ونسيب البيت كله من تحت لماما و اكرم
ابتسمت اسيل وضغطت علي يد نادين : بجد مش عارفة اردلكم الجميل دا ازاي
اكرم بمكر : تفكري كويس وتردي علينا
ضحكت اسيل و اردفت : حاضر
اكرم بسعادة : الشمس طلعت بليل يجماعة
ضحكوا جميعا و عادت اسيل معهم الي المنزل و نادين تقيم مع اسيل في الطابق العلوي من المنزل
****************
سوزان : اكرم ممكن اعرف اية سبب اللي حصل انهاردة دا
اكرم : حصل اية
سوزان : ياريت بلاش لف ودوران عليا لية روحت بنفسك لأسيل و مطلبتش الشرطة
اكرم : لقيت اني انا ممكن اكون اسرع و أقرب ليها وانقذ مصيبة كانت ممكن تحصل
سوزان بشك : بس كدا ؟
اكرم : اه بس كدا
سوزان : ماشي يا اكرم بس علي العموم انا مش هلاقي احسن من اسيل ليك
اكرم : وعرفتي منين اصلا اني بفكر في الموضوع
سوزان : نادين قالتلي بس كنت حابة اسمع منك انت كمان بس مش مشكلة يا حبيبي اديها فرصة تفكر و أن شاء الله خير
اكرم بابتسامة : أن شاء الله يا ماما
*******************
في الاعلي
نادين : هتنامي دلوقتي ولا سهرانة شوية
اسيل : لا سهرانة انا اصلا كنت نايمة من بدري وصحيت لقيت الحرامي دا و بعدها بردو اغمي عليا المهم اني سهرانة يعني شكلك كدا عاوزة حاجة
نادين بتوتر : ايوة بصراحة عاوزة احكيلك حاجة
اسيل بمكر : امممم شكل القلب بيدق ولا اية
ضحكت نادين و اردفت : بس يا لئيمة
اسيل : اصل التوتر دا انا عارفاه كويس المهم يلا احكي اية اللي حصل وانا مش موجودة
نادين : هو صحيح غيبتي عننا يوم بس كان يوم اية ما يعلم بيه الا ربنا
اسيل : احكي طيب
نادين : بصي انا بقالي حوالي شهر في رقم بيفضل يبعتلي رسايل واعمله بلوك يدخلي من رقم غيره لحد لما تعبت وسيبته كدا مبقتش اهتم بيه خالص
اسيل : امم و بعدين
نادين : اخر مرة اللي هو امبارح فضل يبعت رسايل كتير وكدا انا هددته اني هعرف اكرم الموضوع وهو ضحك وقالي دا اكرم حبيبي وعارفه عز المعرفة انا طبعا استغربت جدا ياتري هو مين دا لحد ما زعقتله جامد و قولتله انت مين
اسيل : ها يبنتي كملي طلع مين
نادين : طلع فارس
اسيل : مين فارس
نادين : صاحب اكرم من زمان و كمان يعتبر في صلة قرابة بينا من ناحية بابا الله يرحمه و اكرم سمعني وانا مصدومة وبقوله فارس!!
اسيل : اوبس دا انتي لبستي في حيطة
نادين : طبعا اكرم خد الفون مني و زعق لفارس وهزقه و كان لسة هيتكلم معايا لقيتك بتتصلي بيا علشان الحرامي دا بس اكرم قالي لسة لينا كلام تاني انا بجد قلقانة اوي
اسيل : مفيش قلق ولا حاجة انتي معملتيش حاجة غلط
نادين : ايوة بس اصلا مخنوقة جامد من الحوار دا
اسيل : مخنوقة لية مش انتي كنتي زهقانة ومتضايقة أنه بيبعتلك اهو اكرم خلصك منه خالص اهو
نادين بتأفف : معرفش بقي
اسيل بمكر : بس انا عارفة
نادين بضحك : بس بقي يا اسيل مش اللي في دماغك اصلا
اسيل : واضح فعلا أنه مش اللي في دماغي خالص
نادين بضجر : نامي نامي دا انتي رخمة
ضحكت اسيل و تمددت علي الفراش و نامت أما نادين ظلت تفكر فترة حتي غفت هي الأخري
*****************
# دمتم بخير.
# أميرة اشرف لبنة.