نادين : مش عارفة اكرم هيرضي اروح معاكي الخطوبة دي ولا لأ
اسيل : لا بليز حاولي تقنعيه علشان مش عاوزة اروح لوحدي
نادين : طيب حاضر
و بالفعل قامت نادين اتصلت بأكرم و بعد دقيقة أتاها الرد : ايوة يا نادين
نادين : اية يا حبيبي صباح الخير
اكرم : يبقي عاوزة مصلحة
نادين بضحك : تعرف عني كدا بردو
اكرم : انا حافظ الدخلة دي كويس
نادين : تصدق انا غلطانة اني بدلعك و بصبح عليك
ضحك اكرم و أردف : لا يا حبيبتي مش غلطانة المهم هترجعي من عند اسيل أمتي
نادين : انهاردة اكيد بس يعني عاوزة استأذنك اروح معاها خطوبة واحدة صحبتها بليل
اكرم : صحبتها مين
نادين : اسمها نور كانت معاها هنا في الجامعة في مصر و هي نفس دفعتنا
اكرم : الخطوبة هتكون فين
نادين : في بيت نور تقريبا
اكرم : لا بلاش تروحي طالما ناس منعرفهومش
نادين : بليز يا اكرم اسيل مش عاوزة تروح لوحدها وكمان هي طالما صحبة اسيل يبقي كويسة اصل اسيل مش هتصاحب حد وحش يعني
اكرم : بردو مش هكون مطمن عليكي بلاش احسن
تذمرت نادين واتجهت إلي اسيل واعطتها الهاتف : خدي اقنعيه انتي
اسيل بدهشة : انتي بتلبسيني!؟
أتاها صوت اكرم الضاحك وهو يردف : اية خايفة تكلميني ولا اية
اسيل : اكيد لأ يعني انت هتاكلني
اكرم بمراوغة : يمكن
ضحكت اسيل واردفت : طيب يلا وافق بقي أن نادين تيجي معايا الخطوبة بليل
اكرم : بلاش احسن علشان مش هكون مطمن
اسيل : اية يعني مش واثق فيا أنها معايا ؟
اكرم : لا طبعا مش قصدي كدا بس
قاطعته اسيل بعفوية : من غير بس وافق بقي علشان خاطري
اكرم بمكر : وعرفتي منين أن خاطرك غالي عندي
اسيل بتوتر : لا لا احم قصدي يعني هي كلمة لازقة في لساني مش قصدي حاجة
اكرم : طيب يستي موافق بس متتأخروش عن ساعة وانا هبقي اجي اخدكم
اسيل : مفيش داعي نتعبك معانا
اكرم بهدوء و ابتسامه : تعبك راحة يا اسيل
تمتمت اسيل بخجل : طيب شكرا يلا سلام
و أغلقت معه و أعطت الهاتف لنادين وقلبها يدق بعنف ويدها ترتجف بتوتر : خدي و متبقيش تدبسيني كدا تاني
نادين بضحك : اهدي بس كدا مالك يبنتي كل دا من صوت اكرم
رمقتها اسيل بضيق و اردفت : بطلي رخامة
و تركتها هاربة الي المرحاض
جلست نادين علي الفراش و ضحكت بسعادة و اردفت لنفسها : كدا ابتديت اتاكد انك وقعتي يا سيلا
******************
مرت الساعات سريعا وها قد اتي موعد الخطوبة تجهزوا الفتيات سريعا وارتدت كلا منهم فستاين مناسبه لهم وضعوا لمسات خفيفة من الميك اب و نزلوا سويا للأسفل وجدوا اكرم بانتظارهم
نادين : جيت لية يا اكرم مش قولت هتوصلنا واحنا راجعين بس
اكرم وهو ينظر لأسيل : لقيت انكم حلوين بزيادة فخوفت عليكم
اسيل بتوتر : طيب يلا يا نادين اركبي علشان منتأخرش
و بالفعل ركبوا سويا و طوال الطريق وعين اكرم تراقب اسيل ونظراتها التي كلما التقت به نظرت الجهة الأخري بارتباك و خجل
اكرم : شكله مش موضوع بسيييط
نادين بضحك : فيه غدر وفي حوارااات
اسيل بمرح : دا انا بسهر بالساعااات
اكرم ضاحكا : الف سلامة عليكي من السهر
ضحكت اسيل و نظرت للخارج تتابع الطريق وعلي وجهها ابتسامه لا تعلم مصدرها أو بالأحرى هي تعلم مصدرها جيدا ولكن ليس لديها القدرة بعد للأعتراف لنفسها
ظلت علي هذا الوضع حتي وصلوا الي منزل نور
اكرم : لما تخلصوا اتصلوا عليا هاجي اخدكم بردو متمشوش لوحدكم
اومأت له نادين وامسكت يد اسيل وصعدوا سريعا الي المنزل و اتجهت اسيل تسلم علي نور بسعادة وشددت نور من احتضانها مردفة : وحشتيني اوي يا سيلا بجد مبسوطة انك لحقتي تيجي قبل الخطوبة فرحتي مكنتش هنكمل غير بيكي انتي صحبتي الوحيدة
اسيل بأبتسامة : مقدرش أتأخر عن خطوبة نور حبيبة قلبي ربنا يسعدك يارب و يتمملك بخير
نور : يارب يا حبيبتي
اسيل وهي تشير علي نادين : دي نادين دفعتنا واتعرفت عليها في امريكا وكنا عايشين مع بعض في بيت واحد
نور وهي تصافحها بود : اهلا بيكي يا قمر
نادين بابتسامة : ربنا يخليكي الف مبروك
نور : الله يبارك فيكي
و جلسوا سويا فترة حتي اشتعل الجو بالاغاني الشعبية فقاموا الفتيات يتراقصوا عليها بسعادة
نادين : الله يا سيلا انتي بترقصي حلو اوي
اسيل بزهو مرح : قدرات يبنتي
ضحكت نادين و اردفت : فنانة شاملة
اسيل بضحك : خلاص كفاية كدا نحترم نفسنا
بادلتها نادين الضحك وجلست بجانبها وهي تتناول الجاتوه الخاص بها و دلف كريم و سلم على نور و جلس بجانبها كي يلبسها الشبكة
نور بتحذير : لبس الدبلة بسرعة من غير لمس
كريم ضاحكا : حاضر هحطها في أول صباعك واجري
شاركته نور الضحك والبسها شبكتها و البسته هي الأخري الدبلة تحت زغاريد الجميع الفرحة
و استأذنت اسيل و ذهبت المرحاض وبقت نادين جالسة في مكانها تدندن مع الاغاني بسعادة و مرح : يا دبلة الخطوبة عقبالنا كلنا
: و نبني طوبة طوبة في عش حبنا
صمتت نادين و نظرت خلفها كي تعلم مصدر الصوت ولكنها صدمت عندما علمت هويته واردفت بتوتر : فارس
فارس بابتسامة : ازيك يا نادين
نادين : انت اية اللي جابك الخطوبة هنا
فارس : انا ابن عم كريم خطيب نور
نادين : طيب لو سمحت ابعد عني خليني اروح اشوف اسيل
فارس بإشتياق : بقالي ٣ سنين مشوفتكيش و دلوقتي عاوزة تمشي
نادين بحدة : أظن مفيش بينا اللي يخلينا نتكلم ولا انت اية رأيك
فارس : بتتكلمي كدا لية يا نادين
نادين : لانك اللي عملته غلط ولسة مصمم انك تكمل فيه
فارس : انا مكنش قصدي يحصل كدا
نادين بسخرية : واضح فعلا
فارس : دودي
نادين بصرامة : اسمي نادين وياريت تحترم الحدود اللي بينا
فارس : اتغيرتي حتي في معاملتك ليا
نادين : انت السبب في كدا
فارس : نسيتي حبك ليا ؟
نادين وقد بدأ يسقط عنها قناع البرود و القوة وبدأت تشعر بحرقة الدموع بعينها : انت اللي عملت دا كله يا فارس أنت اللي استعجلت و ضيعتني من ايدك لية عملت كدا ؟ انت لو صبرت شوية و كنت اتقدملتي علي بعد الامتحانات كنا كلنا هنوافق و هنكون مبسوطين وانا كنت هبقي طايرة من الفرحة اكيد منستش زمان انا عمري ما عرفت انساك اصلا بس انت طلعت غبي ومعرفتش تحافظ علي وجودي
فارس بحزن : انا اسف انا مستعد والله اصلح كل دا وهفضل اتكلم و اتحايل علي اكرم بدل المرة مية و مليون لحد لما يوافق انا مش عاوز حد غيرك يا نادين و عمري ما اتخيلت انك مع حد غيري احنا لبعض و مع بعض من وانتي طفلة و كبرتي علي ايدي و حبك في قلبي كبر معاكي انا مش هسمح انك تضيعي مني مهما حصل صدقيني
كادت أن تجيب نادين ولكن قطعها صوت : اية اللي بيحصل هنا و انت مين ؟!
*******************
# دمتم بخير
# أميرة اشرف لبنة.
أنت تقرأ
انار عتمة قلبي
Storie d'amoreتحطم قلبها لأشلاء منذ أن وقعت عليها صاعقة خبر وفاة رفيق دربها منذ الصغر و صديق شبابها و صانع أحلامها فهل ستستطيع اكمال حياتها ام سيظل جرح قلبها ينزف حتي الموت
