انار عتمة قلبي

البارت التاسع عشر

نور : أن شاء الله انهاردة هيكون اخر حصة لينا السنادي
كريم : بس اكيد مش اخر مرة نتقابل
نور : اه بأذن الله إجازة شهر كدا وهنبدأ منهج الترم التاني
كريم : طيب بصي بصراحة كدا وسكة و دوغري انا خدت معاد من باباكي و جاي اتقدم الخميس الجاي
نور بعدم استيعاب : ثواني بس انت بتقول اية
كريم بابتسامة : مقدرش اقول اني حبيتك في الفترة القصيرة دي بس فعلا انتي انسانة محترمة و جميلة ومش هلاقي غيرك ينفع أنه يكمل معايا حياتي
نور بابتسامة بلهاء : انا كل دا
كريم : و اكتر من كدا كمان
ابتسمت نور و صمتت فاردف كريم : يعني موافقة !؟
نور بخجل : ربنا يقدم اللي فيه الخير المهم بس يلا نبدأ الدرس علشان منتأخرش
كريم بمكر : فعلا عاوزين الوقت يعدي بسرعة علشان يوم الخميس يجي بسرعة
ضحكت نور واردفت : خلاص طيب علشان رغد
كريم : لا متقلقيش رغد هي اللي قايلالي عليكي اصلا
نور : بجد !
كريم : اه والله اصلا الموضوع في دماغي بقالي فترة من قبل موضوع الخطف دا و كمان رغد كلمتني عنك و قالت انها بتحبك اوي و الحقيقة مش هي بس
ضحكت نور بخجل و بدأت في تلقين الدرس ل رغد تحت نظرات كريم المراقبة لهم
****************
فارس : اسمعني طيب وبلاش تتسرع في الحكم
اكرم : انت مختلش ليا فرصة افكر اللي انت عملته دا غلط و غلط كبير كمان يا فارس
فارس : والله يا اكرم بحبها وعاوز اتجوزها
اكرم بغضب : وكمان بتقول كدا في وشي انت بجد خلاص شكلك نسيت زمان و نسيت انك صاحب عمري
فارس : انا عملت اية يعني لدا كله مش فاهم بجد
اكرم : بجد والله مش عارف اللي عملته !!
فارس : انا معملتش حاجة غلط انا قولت اكلمها بس الشهر دا لحد لما تخلص امتحانات علشان لما اتقدم اكون عارف رأيها فيا و مترفضش
اكرم : انت ازاي تفكيرك كدا يا فارس دا انت كنت اخويا اللي مختلفهوش امي ولو كنت اتقدمت علي طول مكنتش هتترفض كنت انت الوحيد اللي هأمن علي اختي معاه لكن انت خونت ثقتي فيك و دلوقتي احب اقولك انك مرفوض ومتتعبش نفسك وتتقدم احسنلك والله بدل ما تكسف نفسك علي الفاضي
فارس : الكلام بهدوء يا اكرم و بلاش تتسرع كدا
اكرم : انت مخلتش فيها هدوء ولا عقل انا قولت قراري وخلاص و اوعي اعرف انك بعتلها مرة تانية لأنها فيها فض الشراكة اللي بينا و علاقتنا هتنتهي للأبد و اظن انك متحبش أن دا يحصل
فارس بصدق : طيب حاضر والله مش هبعتلها تاني بس ارجوك فكر في الموضوع وانا والله هتقدم بعد الامتحانات
اكرم بصرامة : انا بلغتك قراري وخلصنا
و اغلق الخط ولم يعطه فرصة للرد
*********************
نادين بحزن : اكرم رفض فارس خالص يا اسيل و شكله غضبان اوي و مش هيرجع في رأيه
اسيل : هو بصراحة معاه حق لأن فارس اصلا غلطان من الأول
نادين : مش عارفة بقي
اسيل : انتي اية رأيك في الموضوع يعني
نادين : انا عارفة أنه غلطان و مكنش ينفع يعمل كدا بس هو لو كان اتقدملي علي طول انا كنت هوافق
اسيل : لية انتي عارفاه ؟
نادين : يااه دا وانا طفلة كان بيلعب معايا و يدلعني اكتر من اكرم اخويا بجد كان قريب مننا اوي وكمان لما كبرت بردو بقيت احس أن قلبي بيدق وانا معاه و بحب اتكلم معاه كدا مش عارفة دا حب بقي ولا اية بس انا بكون مرتاحة دايما وهو موجود معايا
اسيل بأبتسامة : يا سيدي يا سيدي
نادين : بس بقي متكسفنيش
اسيل : كل دا وتقولي متكسفنيش
نادين : المهم دلوقتي الموضوع دا بجد يعني ملوش حل ؟
اسيل : هو اكيد في حل بس احنا نصبر لحد لما اخوكي يهدي نحاول نكلمه تاني في الموضوع وان شاء الله يوافق
نادين : طيب هو ممكن تكلميه انتي
اسيل بحرج : لا خرجيني انا من الحوار احسن دا اخوكي وانتي اتصرفي معاه بطريقتك أو ابقي كلمي مامتك خليها تقنعه
نادين : كان نفسي تساعديني
اسيل : اساعدك في اي حاجة غير كدا صدقيني فعلا محدش هيقدر يقنع اخوكي غيرك انتي أو مامتك
نادين : او حد بيحبه مثلا ؟!
اسيل : بس يا نودي بقي متبقيش رخمة
ضحكت نادين واردفت : ربنا يحنن قلبك علي اخويا الغلبان
ضحكت اسيل هي الأخري و أكملوا مذاكرتهم لقرب بدء الامتحانات الخاصة بهم
*****************
طارق بقلق : مالك يا رحمة
رحمة : مش عارفة يا طارق بس تعبانة اوي
طارق : حاسة بإية يعني
رحمة بدموع : وجع جامد في بطني وبقالي كام يوم دايخة
طارق : طيب و زعلانة لية كدا مش حصلك كدا في حمزة يبقي أن شاء الله ممكن تكوني حامل
رحمة : بس حمزة لسة صغير
طارق : مش صغير عنده ٣ سنين و شهرين اهو يعني علي الولادة هيبقي عنده يجي اربع سنين
رحمة : طيب عاوزة اختبار حمل من الصيدلية
طارق : لأ خلينا نروح للدكتور افضل يلا البسي
و بالفعل ارتدوا ثيابهم و ذهبوا الي الطبيب وبعد فترة من الفحص تنحنح الطبيب واردف : انتي خلفتي قبل كدا ؟
رحمة : اه عندي حمزة
الطبيب : طيب عاوزك يا استاذ طارق دقيقة
رحمة بقلق : لو سمحت يا دكتور قول هنا قدامي
طارق: في اية يا دكتور قلقتنا
الطبيب : هي المدام حامل بس عندها عيب في الرحم ومش عارف إذا كان الطفل هيكمل ولا لأ
طارق : طيب احنا مستعدين نعمل اية حاجة علشان الطفل
الطبيب : محتاجة راحة تامة و متتحركش غير للضرورة غير كدا ممكن يحصل نزيف ونفقد الجنين
رحمة بدموع : لا أن شاء الله انا نحافظ عليه علي قد ما اقدر
اومأ الطبيب و ساندها طارق حتي وقفت وتسندت عليه حتي وصلوا الي السيارة و ظلت رحمة تبكي
طارق : حبيبتي لو سمحتي بلاش تضايقي نفسك علي حاجة أن شاء الله مش هتحصل
رحمة : من كلام الدكتور اني مش هعرف اخلف تاني
طارق : مش مشكلة كفاية علينا حمزة والبيبي الجديد ربنا يباركلي فيكم واعرف اربيهم و أعلمهم صح
******************
كريم : طبعا يشرفني جوازي من نور يا عمي
سالم : والله يبني انا مش هلاقي احسن منك بس يعني حابب اعرف انت لحقت تعجب بيها أمتي
كريم : طبعا في فترة ما كانت بتدرس ل رغد كنت حاسس بانجذاب ليها وكمان رغد حباها اوي وكلمتني عليها كذا مرة
سالم : و بالنسبه لشغلك ؟
كريم : عندي مكتب خاص بالهندسة والتصاميم وكدا و طبعا عايش انا و رغد لوحدنا في بيت تلات ادوار بعد ما ابويا و امي اتوفوا
سالم : طيب أظن كل حاجة عندنا زي ما انت شايف كدا مش محتاج تسأل و بردو تحت امرك في اي حاجة
كريم : لا انا كفاية عليا اني عارفكم و عارف نور كويس
سالم : اية رأيك يا نور
نور بخجل : اللي تشوفه يا بابا
سالم : علي خيرة الله نقرأ الفاتحة
و بالفعل قرؤا الفاتحة و اتفقوا علي موعد الخطبة بعد انتهاء امتحانات نور
****************
# دمتم بخير
# أميرة اشرف لبنة.