انار عتمة قلبي

البارت الثاني عشر

ظل اكرم ممد علي فراشه شارد الذهن في تلك الفتاة التي شغلت عقله بطريقة غريبة فهو لأول مرة بنجذب لفتاة بتلك الطريقة ولكن لا هي من الواضح أنها تحب خطيبها حتي الان بدليل أنها مازالت ترتدي دبلته و ترتدي ملابس سوداء حداد عليه أيضا ماذا يجب علي أن أفعل لكي اتقرب منها و هي لا تتحدث معي جملة واحدة من الأساس
ظل يردد بداخله تلك الكلمات و يفكر و يفكر حتى أخذه النوم في سبات عميق
*********************
اسيل : تعالي طيب ساعدني في اي حاجة
اكرم : حتي يوم اجازتي هتشغليني معاكي في البيت
اسيل : اعمل طيب السلطة علي الأقل
اكرم : بقولك اية بلاش تعملي اكل ما انتي موجودة
اسيل : هتتغدي بيا يعني ولا اية
قهقه اكرم و أردف : هو في احلي من كدا
اسيل : طول عمرك كاسفني
اكرم : اعيش واكسفك براحتي علي فكرة
اسيل : يا مغروور
اكرم : مغرور بس بحبك
اسيل : دا كدا كدا
اكرم بغمزة : اه منك يا واثق انت
ضحكت اسيل واردفت : كان يوم لقاك احلي صدفة فعلا يا اكرم
اكرم : اهو علشان الكلمتين الحلوين اللي زي العسل زيك دول يلا هنتغدي بره انهاردة
اسيل : ايوة كدا حبيبي اللي مدلعني ثواني و اكون جاهزة
اكرم : اه منك يبتاع المصالح
اسيل : يعني لو مكنتش انت تدلعني مين هيدلعني ها ها
اكرم : عارفة يا اسيل اختلاف الرأي دا حاجة جامدة
اسيل : ازاي
اكرم : يعني مثلا انتي بتاكلي بعقلي حلاوة وانا عاوز اكل الحلاوة نفسها
وانهي كلامه بغمزة
اسيل بقهقة : طيب هروح اجهز انا واسيبك لدماغك اللي مسوحاك دي
اكرم بنزق : دا انتي ملكيش اللي يشكر فيكي يا شيخة
اسيل : بتقول حاجة يا اكرم يا حبيبي
اكرم : لا يروحي يلا البسي
انصرفت اسيل من أمامه و ضحك اكرم ودلف الي المرحاض
و فجأة
نادين : اصحي يا اكرم بقاااا
فتح اكرم عينه بأنزعاج ونظر حوله وجد أنه مازال بغرفته وحده وما كان وجود اسيل الا مجرد حلم
اكرم : اية يبنتي الازعاج اللي عاملاه دا
نادين : اية يعم انا غلطانة اني بصحيك يعني
اكرم : لا يختي كتر خيرك صحتيني من احلاها نومة
نادين بمكر : واضح فعلا انها كانت احلي نومة
اكرم : لية يعني
نادين : اصلك كانت مبتسم كدا وباين عليك بتحلم حلم حلو
اكرم : طيب شيفاني كدا كنتي سيبتيني
نادين : حضرتك انا هادمة ملاذات ازاي اسيبك في حالك يعني
اكرم : دا انتي رخمة
نادين : ايوة كنت بتحلم بأية يعني
اكرم : بعدين هتبقي تعرفي المهم لابسه كدا ورايحة فين
نادين : اسيل مخنوقة وهنطلع نتمشي شوية وممكن نذاكر في اي مكتبة كدا تغيير جو البيت يعني
اكرم : و اسيل مخنوقة لية
نادين : مش عارفة بس هي علي الأغلب مش عارفة تنسي موضوع وفاة خطيبها و دا مأثر عليها جامد
اكرم : ربنا معاها
نادين : طيب يلا انا ماشية بقي
اكرم : طيب خلي بالك من نفسك و من اسيل
نادين : اسيل دي طفلة يعني !
اكرم : لا بس هي غريبة عن هنا ومش عارفة الاماكن اكيد
نادين : ماشي يا برو الله يسهله
اكرم : طول ما انتي نابرة فيها كدا مفيش حاجة هتم
نادين بغمزة : يعني في حاجة اهو
اكرم : روحي يا نادين ربنا يهديكي
نادين : ماشي يا برو بكرة الايام تبين كل حاجة
اكرم : يااه علي العمق ياااه
و تركها و اخذ ملابس ودلف الي المرحاض  فابتسمت وتقابلت مع اسيل و خرجوا سويا
**********************
اسيل : بجد البلد هنا غريبة اوي مش زي ما كنت متخيلة خالص
نادين : يعني حلوة ولا وحشة
اسيل : اجمل بكتير من توقعاتي وكمان كل واحد في حاله
نادين : خلي بالك بس علشان المدينة اللي عايشين فيها دي كلها مسلمين بس إنما بره حاجة تانية اضطهاد وقرف و انتي شوفتي بعينك في الجامعة
اسيل : مش مهم الجامعة المهم أن المكان اللي احنا عايشين فيه كويس
نادين : بجد مش كل الناس زي ما انتي متخيلة يا اسيل حاولي تخرجي نفسك و فكرك من القوقعة دي
اسيل : انا اصلا طول عمري مش بحب اتعامل مع ناس كتير و مش اجتماعية خالص يعني كل صحابي كانوا طارق اخويا و يوسف الله يرحمه وكمان لما اتخطبت كان ليوسف بردو علشان كدا علاقاتي كانت محدودة بالناس شوية
نادين : اممم طيب انتي هتفضلي قافلة علي حياتك كدا ولا ممكن تفكري في حد تاني مثلا
اسيل : بجد مش عارفة قلبي لحد دلوقتي واجعني عليه و مش قادرة استوعب فكرة أنه خلاص مبقاش موجود في الحياة ولا هقدر اشوفه ولا أكلمه تاني ومش عارفة اتخطي ولا اتقبل الموضوع ابدا
نادين : كل حاجة بالوقت بتتنسي
اسيل : بس مش الموضوع دا بالذات متخيلة شخص كان كل حياتي من واحنا اطفال هو كان اكبر مني بسنتين بس طول طفولتنا مع بعض ولما كبرنا بردو فترة شبابنا كنا مع بعض و اعترفلي بحبه بعد ما خلصت الثانوية ووقتها قالي أنه هيتقدملي وانا كنت طايرة من الفرحة وفعلا جه و اتقدم وكان احلي يوم في عمري و قبل الفرح بإسبوعين قالي أنه طالع مهمة ومش هينفع يعتذر عنه علشان يوافقوا علي إجازة الجواز و راح و مرجعليش تاني
و اجهشت في البكاء : رجعلي جثة يا نادين
احتضنتها نادين التي تساقطت دموعها هي الأخري وظلت تربت علي ظهرها حتي هدأت قليلا
نادين : خلاص يا حبيبتي ادعيله بالرحمة هو بسم الله ماشاء الله شهيد ربنا يصبر قلبك يارب يا حبيبتي
اسيل : يارب يارب
*********************
كريم : ايوة يا انسة نور انا وصلت اهو منزلتيش يعني تاخدي رغد
نور : معلش بس انا اتأخرت شوية انهاردة كان عندي سكشن ويدوب خلصت اهو
كريم : يعني نلغي حصة انهاردة ؟
نور : انا قدامي ساعة إلا ربع و اكون في البيت لو متاح انك تيجي كمان شوية يعني
كريم : يا أنسة انا ورايا شغل ومش فاضي و كدا امتحانات رغد قربت و الحصة هتضيع عليها ؟
نور : طيب اية الحل
كريم : خليكي عندك و انا هجيب رغد و نتقابل في كافيه ولا حاجة تشرحيلها وخلاص
نور : طيب تمام أنا في الدقي هستناكم في كافيه (******)
كريم : طيب تمام
اغلق معها و زفر بهدوء
رغد : فين مس نور يا كريم
كريم : كانت في سكشن يا حبيبتي و هتتأخر عقبال ما تيجي علشان كدا احنا هنروحلها في كافيه تشرحلك و نرجع بسرعة
رغد : هييي هييي هنخرج
كريم بقهقه : بس يا طفلة دا درس هتاخديه وبس متتعوديش علي كدا
رغد بضجر : انا مش طفلة انا عندي ١٢ سنة
كريم : كمان كام سنة و هتتمني ترجعي طفلة والله
رغد : اكيد لأ انا اصلا عاوزة اكبر بسرعة علشان اشتغل و اتجوز ويكون عندي بيبي
ضحك كريم و أردف : مستعجلة علي الهم بدري بدري انتي
و أدار محرك سيارته متجهة إلي الكافيه
******************
# دمتم بخير
# أميرة اشرف لبنة.