انار عتمة قلبي

البارت الخامس عشر

في الصباح الباكر استيقظت اسيل و ارتدت ثيابها المكونة من دريس شتوي يعلوه جاكت جلد قصير باللون الاسود وحجاب باللون الموڤ و لملمت باقي ثيابها و اتجهت للأسفل وجدتهم جالسين يتناولون طعام الإفطار سويا
اسيل : صباح الخير
سوزان و نادين : صباح النور
بينما رمقها اكرم بنظرة خاطفة ولم يجيب وفي الواقع هي أيضا لم تهتم برد فعله كثيرا
نادين : لابسه من بدري كدا ورايحة فين احنا خلاص مبقاش عندنا محاضرات
سوزان : وكمان اية الشنطة اللي وراكي دي
اسيل : انا قررت اقعد لوحدي
نادين : لوحدك ازاي يعني ما انتي قاعدة في شقة لوحدك عندنا
اسيل : لا انا قصدي اني هاخد سكن بره شقة أو اقعد في فندق لو اي حاجة
نادين : و دا لية بقي
اسيل : مش حابة اتقل عليكم اكتر من كدا
سوزان : ومين قالك انك متقلة علينا
اسيل : لو سمحتوا دا قراري وسيبوني براحتي
اكرم : تمام براحتك بس اتمني متندميش بعدين علي قرارك دا
اسيل : لا متقلقش مفيش ندم ولا حاجة
و جرت حقيبتها و كادت أن تغادر لولا صوت نادين الذي أوقفها
نادين : اية هتمشي كمان من غير ما تسلمي عليا في اية لدا كله بجد
اسيل : صدقيني مفيش حاجة بس حاسة اني كدا هكون مرتاحة اكتر
نادين : جاية تمشي بعد ما اتعودت عليكي و بقينا صحاب و انتي عارفة كويس اني معنديش صحاب خالص ولا حتي اخوات بنات اية سبب قرارك المفاجأ دا
اسيل : حبيبتي انا كدا كدا مصيري هرجع مصر بعد لما اخلص دراسة يعني سواء فضلت هنا او في مكان تاني بردو الدنيا هتفرقنا اتمني انك تعرفي تتعرفي  علي حد احسن مني
نادين : افهم من كدا انك بتقطعي اللي بينا
اسيل : لا مش قصدي رقمي معاكي و كلميني في اي وقت يا نادين هقرفك كل يوم متقلقيش مش هسيبك يعني
نادين : طيب خليكي بقي
اسيل : صدقيني والله كدا احسن
نادين : طيب خلاص اللي يريحك بس خلي بالك من نفسك و كلميني كل يوم و هنبقي ننزل الامتحانات سوا ان شاء الله
احتضنتها اسيل و اردفت : حاضر يا حبيبتي أن شاء الله
و تركتها و خرجت الشارع وجدت سيارة اكرم واقفة أمامها
اكرم : اركبي
اسيل : لأ شكرا انا هاخد تاكسي
اكرم : اركبي يا اسيل انجزي انا عارف فندق قريب من هنا هوديكي ليه مش هكلك والله
اسيل : لا انا هعرف أدور بنفسي علي مكان كويس
نزل اكرم ووقف مقابل لها و نظر لها بتمعن : مع أن شكلك بسكوتاية بس في الحقيقة بتعوري
اسيل : نعم !!
اكرم : اسيل انتي لية الكلام معاكي متعب كدا ما تسمعي الكلام بقي قولتلك مش هكلك
اسيل بحزم : و انا قولت لأ يعني لأ
اكرم بتساؤل : مصممة يعني ؟!
اسيل : اه مصممة ولو سمحت ابعد عن طريقي بقي خليني اعرف اتحرك
أفسح لها اكرم الطريق و أشار بيده : اتفضلي
وتركها و غادر بسيارته و سارت اسيل بين الشوارع بلا هدي
******************
سالم : حبيبة بابا اصحي بقي كل دا نوم
نور بنعاس : خلاص يا بابا صحيت اهو الساعة كام
سالم : الساعة ١١ عندك محاضرات انهاردة ؟
نور : لأ خلاص علي كدا مش رايحة الاسبوعين دول لحد الامتحانات علشان اعرف اذاكر في البيت
سالم : طيب يبنتي رغد جاية ؟
نور : اه المفروض معادنا الساعة ١ يدوب افوق كدا و نفطر و استناها
و بالفعل قامت من الفراش توضأت و أدت فرضيتها و ارتدت عبائه سوداء و عليه حجاب ابيض متداخل معه الاسود
نور : نازلة اجيب فطار يا بابا
سالم : ماشي يا حبيبتي خلي بالك من نفسك
اومأت له نور بابتسامة و نزلت للأسفل وجدت ذلك المتطفل واقف أمام منزلها كالعادة
مغاوري : عاوز اتكلم معاكي
نور بنفاذ صبر : اللهم طولك يروح
مغاوري : انتي لية بتعامليني كدا
نور بحدة : علشان سيادتك متجوز مرتين و برغم كدا عينك فارغة و بتبص عليا و تضايقني في الرايحة و الجاية يا راجل احترم سنك دا انت قربت علي الاربعين و بتبص لعيلة زيي اتقي الله بقي
مغاوري : دا انا هعيشك ملكة و بعدين الفرق بينا مش كبير
نور بسخرية : اه فعلا فرق مش كبير هما يدوب ١٥ سنة بس وكمان هبقي الزوجة التالتة في سنينك السودة دي صح !؟
مغاوري : من الاخر كدا انا كلمتك بالحسني كتير و انتي مفيش استجابة منك وهتخليني اضطر اعمل اللي مش هيعجبك
نور بسخرية : اعلي ما في خيلك اركبة و احسنلك تبعد عن طريقي لأنك هتتأذي
مغاوري وهو يحك ذقنة بشر : يا انا يا انتي يا قطة و ساعتها هنشوف مين اللي هيضحك في الأخر و اوعدك انك هتجيلي راكعة
أكملت نور طريقها و هي تدعي بداخلها : يارب خلصني منه علي خير بقي انا تعبت والله ومش عارفة اقول لبابا حاجة علشان ميتعبش اكتر يارب استرها و عديها علي خير
حتي و صلت الي السوبر ماركت واشترت كل ما تريد و عادت الي المنزل مرة أخري وضعت الفطور علي الطاولة و جلست تتناوله مع والدها بصمت قطعه والدها : مالك يا نور
نور : مفيش حاجة يا بابا
سالم : لا وشك مقلوب من ساعة ما جيتي من بره حد ضايقك ؟
نور : لا دا بس تعبت من الشمس بره حامية
سالم : احنا في شهر ٤ ملحقتش الشمس تبقي حامية
نور : مش عارفة بقي بس هو الجو حر و انا مخنوقة بسبب كدا انت عارفني مش بطيق الحر
سالم : ماشي يا نور
وصمتوا مرة أخري حتي انهوا طعامهم و قامت نور لملمت الاطباق و نظفتها و جلست في غرفتها تنتظر قدوم رغد لتلقي الدرس الخاص بها و لكن أتت الساعة الواحدة و النصف و لم تأتي رغد بعد ظلت تسير بالغرفة ذهابا و إيابا لا تعلم ماذا تفعل هي بالفعل تأخرت كثيرا لأول مرة ليس من عادتها التأخير فهي دائما تأتي في موعدها و إن لم تأتي كان يتصل بها كريم و يخبرها بالأمر و الان قد تعدت الساعة الواحدة و النصف و لم تأتي خرجت من غرفتها جلست علي الأريكة بتوتر
سالم : في اية
نور : الساعة خلاص داخلة علي ٢ و رغد لسة مجتش
سالم : يمكن في زحمة في الطريق ولا حاجة
نور : لأ هما بيعملوا حسابهم و بيخرجوا من البيت بدري شوية علشان يوصلوا هنا في الميعاد وكمان علشان اخوها بيروح الشغل
سالم : طيب يمكن مش جاية انهاردة
نور : لما بتغيب بيتصلوا بيا و بيعرفوني إنما المرادي انا قلقانة حاسة في حاجة
سالم : اهدي بس كدا و أن شاء الله خير مفيش اي حاجة هو بس تلاقي زحمة ولا حاجة انتي عارفة البلد في الوقت دا بيكون كله بره
نور بقلق : ربنا يستر
و ظلت علي هذا الوضع حوالي ربع ساعة اخري حتي رن هاتفها برقم مجهول
سالم : ردي طيب يبنتي يمكن اخوها
نور : الو
: لو عاوزة تلحقي البنت تعالي العنوان دا (.......) قبل ما ادبحها
*******************
# دمتم بخير
# أميرة اشرف لبنة