انار عتمة قلبي

البارت السابع عشر

بعد حوالي ربع ساعة كانوا قد وصلوا الي المشفي ودلفوا الي الداخل و جاء طبيب و فحص رغد
كريم : حالتها عاملة اية
الطبيب : هي مفيهاش أي حاجة بس هي تعرضت لضغط نفسي شديد و من كتر الخوف و الصريخ حصلها انهيار عصبي
كريم : طيب هي نايمة لية يا دكتور
الطبيب : من الواضح أنها واحدة حقنة مخدرة
كريم : طيب اية الحل دلوقتي
الطبيب : حاليا هنستني لحد لما تفوق و هنشوف هيكون اي رد فعلها هل هتحتاج لمهدأ ولا لأ
كريم : طيب تمام لو سمحت الانسه اللي معايا دي اتخبطت جامد في دماغها ياريت تشوفها
الطبيب : ايوة شوفت حالتها هي محتاجة خياطة و مش عارفين نسيطر عليها
تأفف كريم وذهب معه الي الغرفة المتواجدة بها نور طرق الباب و دلف الي الداخل
كريم : هتفضلي سايبة دماغك مفتوحة كدا يعني
نور بخوف : انا بجد بخاف اوي بالله عليك والله هخف مع الوقت بلاش خياطة
اقترب منها كريم بهدوء : بس اهدي هما اصلا هيحطوا بنج موضعي مكان الخياطة و مش هتحسي بأي حاجة
و أشار للطبيب خفية أن يكمل عمله سريعا
نور : يعني هو مفيش حل غير كدا
كريم : لا في ممكن نسيب دمك يتصفي و تموتي
نور بضجر : الألفاظ سعد يعم
ابتسم كريم واردف : اهي اللمضة رجعت تاني اهي
و بعد حوالي دقيقتين
الطبيب : انا خلصت وكدا كله تمام اسبوعين أن شاء الله و تيجي تفكي الخياطة
نور بدهشة : اية دا بجد خلاص خيطت
كريم : شوفتي بقي محستيش بحاجة ازاي
نور بتذمر : انت خدعتني علي فكرة و خدتني في الكلام علشان مركزش في حاجة
كريم : حصل و يلا بقي نشوف رغد فاقت ولا لسة
قاموا سويا و دلفوا الي غرفة رغد وجدوها جالسة علي الفراش و بمجرد أن رأت كريم احتنضته بشدة و اجهشت في البكاء شدد أكثر من احتضانها و ظل يربت علي رأسها حتي هدأت قليلا
كريم : اية اللي حصل معاكي يا رغد
رغد بدموع وخوف : انت لما نزلتني من العربية قبل بيت مس نور علشان كان عندك شغل نزلت مشيت شوية و بعدين قولت اجيب حاجة حلوة من السوبر ماركت قبل ما اطلع الدرس و بعدين كان في زحمة كتير و حد حط منديل علي بوقي و محستش بحاجة تاني غير اني فوقت في أوضة ضلمة فضلت اصرخ و اعيط لحد لما نمت تاني
كريم : وانتي يا نور اتخطفتي ازاي انتي كمان
نور : جاتلي رسالة علي الفون أن رغد في خطر ولازم اروح المكان دا علشان اخدها ومن غير تفكير روحت ادور عليها و بردو محستش بحاجة غير خبطة جامدة علي دماغي من ورا و لما فوقت لقيت مغاوري في وشي
كريم : طيب اية سبب أن مغاوري يخطفكم بردو مش فاهم و رغد مالها بالموضوع
نور : مغاوري بقاله يجي سنة بيطاردني وبيضايقني كتير وعاوز يتجوزني وانا مش موافقة علشان هو اصلا متجوز مرتين وكمان بلطجي ملوش شغلانة واكبر مني ب ١٥ سنة
اكيد قرر أنه يخطف رغد علشان يضغط عليا و فعلا انت لو مكنتش جيت في الوقت المناسب كنت وقعت علي ورقة جواز عرفي علشان اقدر اخلص رغد
اخذ كريم نفس عميق و أردف : انا قدمت فيه بلاغ في قسم الشرطة زمانه اتقبض عليه حمد لله علي سلامتكم انتوا الاتنين
نور : الله يسلمك بس عرفت مكانا ازاي و اصلا عرفت ازاي أننا مخطوفين
كريم : السلسلة اللي في رقبة رغد دي فيها GPS علشان اكون معاها لحظة بلحظة طبعا لأننا ملناش غير بعض في الدنيا دي ولما لاقتها راحت مكان غريب غير مكان بيتك فضلت اتابعها لحد ما وصلت و اتفاجأت انك كمان معاها
رغد : الناس دول وحشين اوي يا كريم
وضع كريم قبلة اعلي رأسها و أردف : خلاص يا حبيبتي محدش هيقدر يقربلك تاني انا معاكي لحظة بلحظة
كريم : بالنسبه ليكي يا نور أظن وجودك انتي ووالدك في المنطقة دي بقي خطر
نور : هو خطر من زمان والله بس هنعمل اية ما باليد حيلة ادينا عايشين وخلاص
كريم : انا هشوف الحوار دا بعدين يلا بس نروح علشان الوقت أتأخر
نور : ايوة صح يلهوي دا التليفون بتاعي في البيت ومش عارفة أغمي عليا قد اية اصلا تلاقي بابا قلقان عليا اوي يارب استر
كريم : متقلقيش انا كلمت والدك و طمنته
نور : قولتله اية
كريم : قولتله ان رغد اتأخرت و خدت الدرس بره وانتي كنتي معانا
نور : تمام
و حمل رغد مرة أخري و ذهبوا إلى السيارة و اوصل نور الي المنزل وعاد هو و رغد الي منزلهم
******************
نادين : لو مبعدتش عن طريقي بجد هتشوف حاجات مش هتعجبك
: اعملي اللي انتي عاوزاه انا بحبك و كدا كدا هتجوزك
نادين : نفسي اعرف جايب الثقة دي منين
: علشان عارفك من زمان اوي وواثق في حبي ليكي وواثق كمان انك انتي كمان بتحبيني
نادين : انا مش فاضية ولا رايقة لشغل العيال واصلا مش بحب حد و انا حذرتك كتير وانت مش راضي ترجع عن اللي في دماغك انا هقول لأخويا وهو هيعرف شغله معاك
: اه تصدقي فعلا عاوز اكلم اكرم علشان الشغل كويس انك فكرتيني
نادين بدهشة : انت كمان تعرف اكرم
: اعرفه عز المعرفة دا حبيبي
نادين : طب ولما هو حبيبك ينفع تفضل تضايق أخته كدا
: انا مش قاصد اني اضايقك انا بس عاوزك تعرفيني اكتر وبعد لما تخلصي السنة دي ناوي اتقدم
نادين : أيا كان انت مين مش هوافق بعد طريقتك دي
: هنشوف
تنهدت نادين وقذفت الهاتف علي الفراش بعيد عنها وظلت تسير بالغرفة ذهابا وإيابا في حيرة من أمرها هل تخبر اكرم ام لا ومن هو ذلك الشخص الذي يعرف اكرم لهذه الدرجة و من الواضح من كلامه أنه مصري الجنسية ظلت تفكر فترة حتي بعثت له رسالة
نادين : بص انا متأكدة ان اكرم مش هيعدي الموضوع بالساهل كدا زي ما انت فاكر حتي لو كنت اقرب واحد ليه
لحظات واتاها الرد : لا انا متأكد أن الموضوع هيمشي تمام
نادين : طيب دلوقتي لو فعلا ليا معزة عندك بطل تبعتلي و امسح رقمي لأن بجد انا مش عاوزة كدا و زهقت ومهما اعملك بلوك بردو بتبعت من رقم غيره
: انا مش هسيبك غير في بيتي أن شاء الله غير كدا انا وراكي وراكي
نادين : حرام عليك كدا بجد اعتبرني اختك
: لا انتي هتكوني مراتي
اردفت نادين بعصبية وهي تبعث له رسالة صوتيه : انت بجد كدا انسان مريض وانا عاوزة اعرف انت مين بقي وجايب الثقة دي كلها منين
أردف بهدوء : انا فارس
نادين بصدمة بعدما سمعت صوته الذي تحفظه عن ظهر قلب : فارس!!!
و زاد من صدمتها أكثر صوت أخيها الذي اتي من خلفها : ماله فارس
****************
# دمتم بخير
# أميرة اشرف لبنة.