انار عتمة قلبي

البارت التاسع

دلفت نور الي غرفتها تمددت علي الفراش و أمسكت هاتفها و أعلنت أنها تدرس بكلية اداب و تريد عمل بجانب دراستها علي أحدي الجروبات التي تحوي عدد كبير من المتابعين لكي يصل الاعلان الي اكبر عدد من الناس
ثم أغلقت هاتفها و خلدت الي النوم
*******************
تاني يوم
استيقظت اسيل في تمام الساعة التاسعة صباحا قامت من الفراش بكسل و اخذت شاور لكي تفيق ثم صلت صلاة الضحي و دلفت الي المطبخ جهزت فطور بسيط لها و كوب شاي بلبن فهي تعشقه
و جلست علي طاولة صغيرة بالمطبخ تتناول الطعام وهي ترتشف من الشاي بلبن بنهم حتي اهتز هاتفها بصوت رسالة
نادين : منزلتيش يعني لحد دلوقتي ؟
اسيل : لسة بدري المحاضرة الساعة ١١
نادين : الجامعة بينا و بينها حوالي ساعة و كمان هنمشي مع اكرم هيوصلنا
اسيل : طيب الساعة ٩ ونص اهي هلبس وانزل علي طول
و بالفعل تناولت بضع لقيمات أخري و قامت ارتدت ملابسها السوداء كالعادة سريعا و حملت حقيبة اللاب توب الخاص بها و نزلت للأسفل
اسيل : صباح الخير
سوزان و نادين : صباح النور
اسيل : يلا يا نادين انا خلصت
نادين : ايوة يلا اكرم بس بيطلع العربية من الجراج وانا هلبس الكوتشي اهو
و بعد بضع دقائق كانت سيارة اكرم خارجة من بوابة الڤيلا متجهة إلي الجامعة
اسيل بعفوية : بجد متحمسة اوي يا نادين للدراسة هنا
نادين : الجامعة اصلا هتعجبك جدا حاجة كدا وهم
اسيل: و كفاية اصلا أن كل معاملتك مع اجانب ناس كدا تحسيها ولاد ناس
نادين بسخرية : ولاد ناس اوي
اسيل ضاحكة : الله يطمنك
نادين : هو احسن حاجة أننا هنكون مع بعض علي طول و دي حاجة كويسة
ابتسمت اسيل و صمتت ونظرت للخارج تتابع الطريق و أخرجت رأسها من السيارة بطفولية
اكرم : اسيل دخلي راسك جوه العربيات اللي جنبنا ممكن تعورك
اسيل بحرج : حاضر
و بالفعل أدخلت رأسها وأخرجت يداها
اكرم ضاحكا : يبنتي دخلي ايدك بردو هتتعوري
ضحكت اسيل علي نفسها وصمتت حتي وصلوا الي الجامعة
اكرم : خلوا بالكم من نفسكم ولما المحاضرات تخلص رني عليا يا نادين و انا هجيلكم
اسيل : استاذ اكرم بلاش تتعب نفسك انا عاوزة اتمشي هنا و طبعا هاخد نادين معايا علشان مش عارفة أي اماكن
اكرم : طيب المهم تخلوا بالكم من نفسكم
اومأو له بأبتسامة و دلفوا للداخل و انطلق اكرم في طريقه لكي يتابع بناء فرع مكتبه الجديد
*********************
استيقظت نور و فتحت هاتفها وجدت العديد من الرسائل و التعليقات علي المنشور الخاص بالعمل ظلت تقرأهم حتي لفت نظرها تعليق ( عندي اختي عندها ١٢ سنه ومحتاج مدرسة ليها انتي لو تقدري تمام )
ردت عليه نور : تمام أنا موافقة
و بعد قليل جائها الرد بعنوان منزلهم
نور : اسفة بس حضرتك مش هينفع اجي البيت لو امكن انا هديلك عنوان بيتنا
كريم : تمام مفيش مشكلة عنوان حضرتك اية
أعطته نور عنوانها واتفقوا علي بدء الدروس من الغد
أغلقت نور هاتفها وقامت أحضرت طعام الإفطار لها و لوالدها ودلفت الي غرفة والدها وجدته جالس علي الفراش يقرأ من كتاب الله
نور : صباح الخير يا اجمل بابا
سالم بابتسامة : صباح الخير يا حبيبتي
نور : حضرتلك فطار إنما اية هتاكل صوابعك وراه
سالم ضاحكا : ربنا يستر
نور بمرح : لا لا عيب عليك يا حج دا انا لما بتغندر اوعي من عنتر
ضحكوا سويا ثم خرجوا لتناول الطعام
نور : صحيح يا بابا انا امبارح نزلت اعلان علي النت اني عاوزة شغل وكدا وانهاردة واحد بعتلي أنه عنده أخته محتاجة دروس و كدا وانا بعتله العنوان
سالم : ربنا يقدملك اللي فيه الخير يبنتي ويوفقك يارب
نور : يارب
واكملوا طعامهم ثم قامت لملمت الاطباق وغسلتها و جلست بجانب والدها تشاهدون التلفاز
*****************
انتهت الفتيات من محاضراتهم و خرجوا من الجامعة سيرا بمحاذاه السور
اسيل بسعادة : كان نفسي اسافر من زمان بجد
نادين : يااه انا بجد نفسي ارجع مصر
اسيل : احكيلي عنك يا نودي
نادين : باختصار كدا انا ابويا مصري بس ماما أمريكية مسلمة اتعرفوا علي بعض هنا في أمريكا لما بابا كان مسافر علشان شغله وكدا وحبوا بعض واتجوزا وخلفوا اكرم و بعدين انا و كنا عايشين في مصر لحد ما بابا اتوفي من خمس سنين ماما جبتنا هنا امريكا لأن أهل بابا في مصر مكنوش حابين وجودنا وسطهم و بس كدا من وقتها منزلتش مصر تاني نفسي اوي بجد انزل اكيد البلد اتغيرت كتير
اسيل : أن شاء الله في الإجازة ننزل كلنا سوا
نادين : مش عارفة ماما هتوافق ولا لأ
اسيل بمرح : طنط سوزان باين عليها كيوتة خالص بعيون ملونة واكيد هتوافق
ضحكت نادين و أكملوا سيرهم
ثم اردفت : وانتي مش هتحكيلي عن حياتك يا سيلا
اسيل بتنهبدة حزن : والله مفيهاش حاجة مميزة خالص غير عيلتي بس هبقي احكيلك عني بس في البيت ثم أضافت بمرح : علشان أما اعيط الاقي مناديل انف فيها
ضحكت نادين و ظلوا يسيروا حتي عادوا الي المنزل و صعدت اسيل الي شقتها وكذلك دلفت نادين الي غرفتها تراجع محاضراتها
********************
تاني يوم
استيقظت نور وجدت رسالة من ذلك الشخص يخبرها أنه سوف يأتي بأخته اليوم في تمام الساعة ال ١ ظهرا لكي تتلقي دروسها
قرأت الرسالة وقامت توضأت وصلت وتناولت فطورها مع والدها و جلست في انتظارهم حتي رن هاتفها
نور : السلام عليكم
_ و عليكم السلام انا وصلت المنطقة بس مش عارف البيت ممكن تنزلي
نور :. حاضر نازلة
و بالفعل قامت ارتدت عباءة سوداء و طرحة باللون الاوف وايت المتداخل مع الاحمر و نزلت للأسفل وجدت سيارة واقفة علي ناصية الشارع يستند عليها شاب ممسك بيده طفلة فعلمت نور أنه هو الذي يتواصل معها بشأن دراسة أخته فتوجهت إليهم واردفت بابتسامة : السلام عليكم حضرتك استاذ كريم؟
كريم : ايوة انا ثم اردف بتساؤل: حضرتك نور
اومأت له ونظرت للطفلة و داعبت خصلات شعرها : ازيك يا رغد
رغد : كويسة
كريم : أستاذة نور طبعا انا مش عارفك غير من امبارح بس وكمان انتي اكيد عارفة اني مقدرش اثق أن اختي تقعد معاكي ساعتين
نور : طيب و المطلوب
كريم : البيت عندنا كبير و فيه جنينه ممكن تقعدوا فيها وكمان في بيبي سيتر ل رغد كلهم ستات وانا اصلا طول النهار في الشغل يعني اتمني انك توافقي تيجي انتي ل رغد البيت وتكونوا علي راحتكم
نور : اسفة من حضرتك بس انا بشتغل هنا في بيتي ولو حضرتك مش واثق فيا تقدر تطلع معانا ونشوف والدي وتقعد معانا الساعتين لحد لما نخلص و تاخد رغد معاك غير كدا معنديش حل تاني
اومأ لها و صعد معها للأعلي سلم علي والدها وجلس معه في غرفة الصالون وجلست نور مع رغد تذاكر لها دروسها في غرفة تطل علي غرفة الصالون القابعين بها
*************

# دمتم بخير 💜
# أميرة اشرف لبنة.