بعد مدة و صل كريم و رغد الي ذلك الكافيه و سلموا علي نور و جلسوا معا
كريم : تحبوا تشربوا اية
نور : مفيش داعي يا استاذ كريم انا هخلص الدرس و نمشي علي طول
كريم : مينفعش نقعد دا كله ومنطلبش حاجة و كمان دا انا اول مرة اعزمك علي حاجة يعني يا نور
خجلت نور و نظرت إلي كتب رغد تتفحصها
كريم : ها مقولتوش بردو تشربوا اية
رغد : عاوزة موز بلبن
كريم : وانتي يا نور
نور بهدوء : مفيش داعي والله ح
كريم بمقاطعه : خلاص خلاص هطلبلك عصير مانجا
صمتت نور و ابتسمت بداخلها لأنها تعشق المانجا كثيرا
نور : طيب يلا نبدأ يا رغد
رغد : يلا يا مس نور
بدأت نور الشرح ل رغد بتركيز و بعد قليل اتت المشروبات أما كريم ظل جالس أمامهم يتفحص نور جيدا بداء من تعبيرات وجهها وهي تتحدث و تحرك يديها يمين ويسار وفمها الذي يتحرك بسرعة بالشرح والعصير المتناثر علي اعلي فمها بسبب ارتشافه سريعا وهي تتحدث فاق من تأمله لها علي صوت رنين هاتفه
تنحنح و أردف : طيب انا هرد علي الفون و جاي علي طول امسحي العصير دا يا نور
نور بعدم فهم : عصير اية
كريم وهو يشير إلي اعلي فمه : هنا
و تركها و خرج يجيب علي الهاتف أما هي نظرت في كاميرا الموبايل الخاص بها وضحكت علي منظر فمها المتسخ و مسحته بمنديل بخجل و عادت للشرح مرة أخري
و بعد قليل عاد كريم
كريم : لسة قدامنا كتير ولا اية
نور : لا يعني أن شاء الله ربع ساعة كدا
كريم : طيب ياريت في الانجاز بس علشان عندي شغل
اومأت نور و أكملت شرحها سريعا و بعد حوالي عشر دقائق
نور : نكتفي بكدا انهاردة
كريم : طيب تمام الشغل هيكون ازاي الفترة الجاية علشان الامتحانات و كدا
نور : انا أن شاء الله هبدأ امتحاناتي الاسبوع الجاي همتحن حد و اربع و أن شاء الله هيكون ميعاد درس رغد اتنين و خميس
كريم : طيب تمام ربنا يوفقك
نور : امين يارب
و كادت أن تذهب لولا يد رغد الي أمسكت بها
رغد : تعالي روحي معانا بالعربية
نور : لأ يا حبيبتي انا هركب الباص و اروح علي البيت علي طول
كريم : احنا خلاص بقينا بعد المغرب أظن مش هتلاقي مواصلات دلوقتي
نور : عادي هطلب اوبر متتعبوش نفسكم
كريم : طيب خلاص اعتبرينا اوبر ويلا معانا
نور : مش هينفع والله يا استاذ كريم شكرا
كريم : نفسي مرة تسمعي الكلام بجد من غير مناهدة كتير يلا يستي معانا رغد اهو
انصاعت نور لكلامه و صعدت السيارة و جلست بالخلف و ركبت رغد بجانب كريم في الامام و ظلت نور تراقب الطريق بصمت و نسمات الهواء الباردة نوعا ما تلفح بشرتها برقه حتي وصلوا
نور : خلاص نزلني هنا شكرا جدا تعبتك معايا
كريم : مفيش تعب ولا حاجة
ابتسمت نور و نزلت من السيارة و سارت في الشارع بهدوء حتي وصلت الي منزلهم و صعدت للأعلي وجدت والدها أمام التلفاز
نور : اية يا سولم يا قمر
سالم : اية يا بكاشة
احتضنته نور و اردفت : ربنا يخليك ليا يا بابا
سالم : امين يا حبيبتي صحيح اتأخرتي انهاردة كدا لية
نور : اتأخرت في السكشن واتقابلت مع رغد علي كافيه بره و اديتها الدرس بالمرة علشان اريح بقية اليوم
سالم : طيب يا حبيبة بابا ربنا يوفقك يارب
امنت نور علي دعائه ودلفت الي المرحاض اخذت شاور و ارتدت ملابس بيتيه مريحة و حضرت عشاء سريع و جلست تتناوله مع والدها ثم دلفت الي غرفتها ظلت تعبث بهاتفها فترة حتي وجدت رسالة من رقم كريم كان محتواها ( ازيك يا مس نور )
ردت نور بأستغراب ( الحمد لله في حاجة ولا اية يا استاذ كريم )
بعد ثواني أتاها الرد ( انا رغد يا مس بس كريم راح الشغل و نسي الفون بتاعه هنا في البيت فقولت اتكلم معاكي شوية لأني مش لاقيه حاجة اعملها )
نور ( رغد حبيبتي عيب كدا اكيد اخوكي محتاج الفون و هيرجع ياخده مينفعش يلاقيكي بتلعبي في الفون وبتكلميني من غير أذنه )
رغد ( طيب حاضر هسيب الفون لحد لما يرجع ياخده )
نور : شطورة يا قمراية يلا اتعشي و نامي بقي تصبحي علي خير )
رغد ( وانتي من أهله يا مس نور )
أغلقت معها نور و جلست تراجع محاضراتها قليلا حتي غفت من كثرة إرهاق اليوم
*****************
و بعد فترة عاد كريم
رغد : أبيه كريم انت نسيت فونك هنا
كريم وهو يمسك بالهاتف : ايوة انتي كلمتي حد منه ؟
رغد بأبتسامة وهي توما برأسها بعفوية : ايوة كلمت مس نور
كريم : بتحبيها اوي كدا
رغد : ايوة هي اصلا طيبة خالص و بتذاكرلي كل دروسي كويس وبتخليني شاطرة
كريم : طيب يا حبيبتي روحي اكتبي الهوم وورك و نامي
رغد بتذمر طفولي وهي تضم شفتيها بيأس : انت عارف اني مش بعرف انام لوحدي
كريم : طيب اعمل اية ما انا لازم اروح الشغل
رغد : كفاية شغل بالنهار بس
كريم : لأ لازم اروح بليل كمان شوية
رغد بصوت مختنق : ماما وحشتني اوي
احضتنها أخيها و تنهد : ماما في مكان جميل اوي يا رغد من غير اي تعب أو مرض أو حزن
رغد : مشيت وسابتنا لية يا كريم
كريم : علشان دا قدر ربنا يا حبيبتي
و كتم دمعة كادت أن تفر من عينه و قبل رأس شقيقته و أردف : والله لأقعد معاكي انهاردة بلا شغل بلا زفت
ضحكت رغد و جلست بجانبه
كريم : تحبي نتفرج علي اية بقي
رغد : هات فيلم رعب
كريم : لأ يا خوافة انتي
رغد : انا مش خوافة علي فكرة
كريم : بردو يا رغد غلط عليكي الافلام دي انتي لسة صغيرة
رغم بتذمر : مش صغيرة انا عندي ١٢ سنة
كريم بقهقه : يادي ال ١٢ سنة اللي انتي ماسكة فيهم دول
رغد : طيب خلاص بلاش فيلم تعالي نتساهر
كريم : نتساهر في اية يا صغنونة
رغد بضجر : بردو هتقولي يا صغنونة
كريم : خلاص خلاص يا كبيرة
ضحكت رغد و اردفت : ايوة كدا شطور
كريم : مش عارف مين فينا الكبير والله
رغد : انت طبعا يا ابيه
كريم : الحمد لله انك عارفة
رغد : ما انا يحترمك و بقولك يا ابيه اهو
كريم بقهقه : لأ كتر خيرك والله
ضحكت رغد و صمتت ثواني ثم اردفت : هو انت لية مش متجوز
تفاجأ كريم واردف : وعاوزاني اتجوز لية يا رغد
رغد : علشان البيت وحش كدا انا و انت بس اللي عايشين فيه وكمان أتجوز علشان تجيب بيبي صغير العب معاه
كريم : أن شاء الله كل حاجة في وقتها يا رغد
رغد : طيب علي فكرة انا جبتلك عروسة
ضحك كريم بشدة حتي أدمعت عيناه واردف بسخرية : عندها ١٢ سنة بردو
رغد : خليك انت بس اتريق عليا كدا لا طبعا مش ١٢ سنة دي عروسة كبيرة في الجامعة
كريم : و مين دي أن شاء الله
رغد : و قتها هتعرف
وركضت من أمامه مسرعة الي غرفتها و ضحك هو عليها و صعد الي غرفته هو الآخر ابدل ثيابه و خلد الي النوم
*******************
بارت كامل عن كريم و نور اهو
# دمتم بخير
# أميرة اشرف لبنة.
أنت تقرأ
انار عتمة قلبي
Lãng mạnتحطم قلبها لأشلاء منذ أن وقعت عليها صاعقة خبر وفاة رفيق دربها منذ الصغر و صديق شبابها و صانع أحلامها فهل ستستطيع اكمال حياتها ام سيظل جرح قلبها ينزف حتي الموت
