حكات عنقها بتعب تنهدات بصوت خافت وقفات و خرجات من لبيرو و هي هازة ضوسي فليديها كانت لابسة طابليية بيضة فوق من سروال تجين و تيشورط بيض معري من كتف ، كتمشا بخطوات تابتة واخا فورمتها و طولها كتوحي على سنها و لي هو 25 الا و ان وجهها لي فيه ملامح طفولة و الهدوء تحگرها متقولش عليها طبيبة ابدا خصوصا مع شعرها لي ديما دايرة ليه كيرلي تحلف عليها بنت 20 سنة بتاسمات ملي سمعاتو عيط ليها راه راجلها و حبيبها صديقها خوها لي مولداتوش ليها مها تلفتات و هي محافظة على إبتسامة ديالها وقف قدامها و دغيا تلاشات إبتسامة ديالو ملي شاف ملامح ديالها لي كلهم تعب شد ليها حناكها بليديه و نطق بخوف أناس: ألاء واش صافا مال وجهك صفر ألاء حطات ليديها على ليديه و نطقات بصوت خافت و حنييين: متخافش انا اليز راه غير عيت شوية اناس نطق بعد ما باس ليها جبهتها: سيري ترتاحي خدمة ماغاديش تهرب ألاء نطقات وهي كتحرك راسها بإيجاب:انا انمشي ،غير تنشوف لمريض واش مزيان أناس عقد حواجبو دليل على عدم رضى من كلامها لي هاد أخيرة فهماتو و نطقات بنفي: و الله ما نتعطل دغيا حيد ليديه من حناكها خشاهم فجيبو و نطق بجدية: ألاء هادشي لي كديري فيه مامزيانش الى جيتي درتي هاد حالة على كل مريض فين غتوصلي شوفي حالتك كيف ولات ياله ادوي قطعها ملي عاود هز ليدو و حطها ليها على حنكها: انا عارف مزيان نتي كتخدمي من كل قلبك خصوصا انها اول حالة ليك من بعد ما تخرجتي ولكن خاصكي ديها فصحتك من نهار جا و نتي لا نعاس مقاد لا ماكلة مقادة لي شافك يحلف عليه تا كيجيك راه لا درتي على كولشي هاد لحالة غير سيري حرقي ورقة ديال تخرج ديالك ألاء عينيها غرغرو و نطقات بصوت خافت: معرفتش اش انقول ليك ا أناس مي راه كنت كنشوف فحلمي كيتحطم قدام عيني و انا ما قادرة ندير والو كون ما نت كون ضعت و ملي لقيت حلمي تحقق حلفت تا نخدم من قلبي خصوصا مع بحال هاد حالات تنهدات نطقات و عقلها كيرجع ليها شي لقطات: معرفتش ولكن بصح ا أناس ملي وقع داكشي لهاد سيد و شفتها اش قالت حسبتو بابا شافتو هز فيها حاجبو بطريقة بحال الى كيقول ليها منيتك ميقات فيه ألاء و نطقات بطفولة : وهانت عرفت زدت فيه مي راه كيباان كبيير بزااف قول حسبتو بحال خويا لكبير نطق أناس محاول يغير موضوع: ههه راه نتي لي وجهك صغير انا و كتباني قد بنتي ألاء خرجات فيه عينيها و نعتات لراسها: انا هادي أناس خربق ليها شعرها و نطق بمزاح: ايه نتي المشعكة ألاء ميقات فيه و نطقات بميوعة: اش تعرف نت هدا راه سميتو كيرلي ماشي مشعكك نطق و هو كيحيد فطابليتو: واخا تقولي لي قلتي كيبقا فنضري مشعكك سكت شوية و نطق : مهم انا انمشي شوية و نصوني ليك منلقاكش فدار نننن هز ليديه ودار راسو ايضربها بمرفقو رجعات جوج خطوات لور و نطقات و هي مصغرة فيه عويناتها ألاء: وصافي كلمة رجال بتاسم ليها اناس باسها من حنكها و بعد عليها و تم غادي مع ممر باش يخرج من سبيطار هي حضاتو تا خرج تنهدات بعدات شعرها من على وجهها بحركة عفوية منها و تمات غادة فالممر عكس منين داز أناس وصلات قدام لاسانسور وركات عليه تسناتو تا تحل و طلعات وركات على طبقة 4 و هي كتنهد جبدات تيلي شافت شحال ساعة بان ليها وقت المغرب دبا رجعات تيلي فجيبها بعد ما تحل لاسانسور خرجات و هي كتحل فضوسي و تقراه بغات توصل غير لشي حاجة لي تعطيها امل مي والو سدات ضوسي ملي شافت راسها وصلات لغرفة 104 بتاسمات بحزن و هي دخل شعلات ضو حيت غرفة بدات كظلم حطات ضوسي فوق فوتوي و بدات كتحيد طبليتها حطاتها تاهي تمشات بخطوات خافتة تا وصلات حدا راسو جرات كرسي و جلسات كتحقق فلملامح ديالو دبلانة كان لابس لبسة ديال سبيطار زائد أوكسيجين لي دايرين ليه و سيروم لي معلق حدا راسو دايز خيطو ليديه و بانضة لي مضورة ليه على راسو و وحدة خرة مضورة ليه على ليدو لي فيها سيروم شافت فلحيتو لي بدات كتكبر ليه و كدالك شعر ديالو بشرتو سمراء شوية لي عطاتو جادبية خاصة ملامحو كحلين حجبانو عامرين شوية شفار كتاف و لكن هادشي مايغطيش على صفورية ديال وجهو و زروقية لي مغطية تحت عينيه ،هزات ليديها لي ضفارهم مصبغاهم بلبيض حطاتها على عينيه و نطقات بنبرة مازحة ألاء: عنداك غير تصدمنا ملي تحل عينيك و يكونو فلون مختالف على ملامح ديالك تنهدات بيأس هزات راسها شافت مؤشرات ديالو لقاتهم كيف هما عودات شافت فيه هزات ليه ليديه لي فيها سيروم و نطقات بحزن: ماعرفتش اش ممكن يكون تا وصلتي لهاد لحالة ولكن ماتخافش حالتي ماكتخالفش على حالتك غير نت مغمض عينيك و ماباغيش تفيق و انا حالة عينيا و كنتمنى نعس شافت فيه و عينيها غرغرو ملي تفكرات حياتها مي دغيا جا فبالها فلاش ديال ديك ليلة
يتبع...✏️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
