قصة بدارجة المغربية♥️بعنوان: #مشاعر_صامتة ❄️

بارت 11

🌺مشاعر صامتة🌺
                   بقلمي✏️: خولة غزالي🌹
               🌛بارت 19 🌜

بدات كتكسل حلات عويناتها لخضرين شافت فساعة لقاتها 11 دغيا عينيها عمرو بدموع ملي عرفات اش واقع ناضت دغيا هزات حوايجها دخلات لطواليط دوشات لبسات حوايجها رجعات شعرها كيرلي و خرجات و هي مستغربة حيت معيطش ليها كيف ديما مشات لغرفتو دقات ملي مجوبهاش عودات دقات لي لحظة قلبها تهز خافت لا تكون واقعة ليه شي حاجة حلات لباب و دخلات دغيا كمشات عينيها باستغراب كانت غرفة خاوية سمعات شي حد كيدق قالت امكن هو مشات كتجري غير حلات لباب صغرات عينيها بإستغراب مني شافتو واقف قدامها نطق بتساؤل
معاد: اتخليني واقف فلباب
خبطات راسها بغباء و نطقات و هي مبعدة: ويلي سمح ليا دخل
تمو داخلين وصلو لمراح جلسو و نطقات : راه موسيو ناصر معرفتوش فين مشا امكن مشا يجري حيت معولين زعما ليوما رجعو
شاف فيها معاد بجدية و نطق : احم انسة ألاء بغيت نشكرك على كولشي صراحة بفضلك رجع موسيو ناصر لحالتو طبيعية
ألاء توترات و حشمات رجات شعرها مورة ودنيها و نطقات بتبات: ماكاين لاش تشكرني امسيو معاد و راه درت غير خدمتي
معاد بتاسم ليها بتبات هز واحد شانطة حطها فوق طبلة و نطق: مهم انسة ألاء هادو لخلصة ديالك لهاد 8 شهور
ألاء قلبها بدا كيضرب صافي وصلات ساعة لي تمنات كون ماوصلاتش ياله اتنطق كان هو سبقها و نطق بإبتسامة
معاد: واخا تنوضي توجدي راسك حيت انا لي غادي نوصلك موسيو ناصر ماكينش حيت رجع فصباح بكري
هي لسان باش غتجاوب ماكينش تسرط صدمة لي تلقاتها بزااف كتافات فقط باش تحرك راسها بإيجاب و وقفات حسات برجليها تقال بزز باش وصلات لبيت ديالها دخلات و سدات لباب هبطات معاه تا طاحت هبطات دمعة من عينيها و تولاتها دمعات واش لهاد درجة ما كتعني ليه والو لهاد درجة مشا بلا مايودعها حدو قال ليها لبارح انهم ايمشيو ليوما حيت ولا بيخير ضنات ان هاد شهرين لي قداتهم من مورى داك نهار اترجع عليها بنفع خصوصا ملي بدات كتعاملو ببرود و هو كيحاول غير يجبدها مي لبرود هو لبرود واخا كانت كتلوم راسها ملي كتحط راسها على لمخدة و لكن هي بغاتو يحس بيها ساعة دبا تضرب ليها كولشي فزيرو لهاد درجة كون غير قال ليها بسلامة لا هو هز راسو و مشا معدب راسو تا يقولها
مسحات دموعها تنهدات و علات عينيها لفوق نطقات بحزن و جدية: واخا ماعرت اش تكون بالنسبة ليا ولكن و الله لا مشيت عندك و لا عطيتك فرصة دلني و نبدا نطلب فيك باش تبغيني
سكتات شوية و كملات كلامها: اصلا من لول كنت عارفة نهاية ديالنا كيفاش اتكون غير كنت كنوهم راسي و كيف ما دخلتك لقلبي انخرجك منو واخا يتطلب مني شهورة و اعوام
سلات كلامها وقفات و بدات كتجمع فحوايجها سالات و خرجات لعند معاد ركبات هي وياه و نطالقو خلاها كتشوف فلكوخ بواحد حزن لي هو كبير كتحس بقلبها كيحرقها بزااف فهاد لكوخ عاشت احسن ايامها مي هاهي دبا غادة لبلاصتها حقيقية نسات راه هي غير بنت دار ايتام