غادة لدارها راجعة من سبيطار و هي كتقفقف كيتسمع غير صوت صقيل و لبرد و اصوات ديال كلاب و لمشاش گاع ديك فرحة لي فرحات رجعات عليها بندامة كتشوف زنقة خاوية كتصفر من غير صوت لكلاب لي كيتسمعو عمرها بقات تال هاد لوقت فزنقة حيت عارفة دياب لي فيها مي ملي قرر أناس يدير حفلة على حساب اول نهار ليها فسبيطار مقدراتش ترفض ليه متنكرش فرحات بزاااف حيت فهاد لحياة كاين لي كيهتم بيها و واخا حاول معاها يوصلها حلفات ليه حيت كانت ملاحظة لعيا على ملامح ديالو ، ولكن غير كتسمع نباح ديال لكلب كتبدا تلعن راسها ليوم الدين حيت مخلاتوش اوصلها ،جمعات تجاكيطتها عليها من لبرد لي كيدي ليها شعرها واخا كيرلي ولكن لبرد كاين بالمعقول كان مجهد ، عقدات غوباشتها و صغرات عويناتها لخضرين بشك من داكشي لي كتشوف قربات و هي كترعد ناحية جوج مشيشات مجموعين على شي حاجة و قراب لواحد طونوبيل لي كانت مخشية فبوطو ديال ضو ،سرعات خطواتها و هي موسعة عينيها طاح فبالها إستنتاج واحد و لي هو ان شي حد دار حادت وقفات كترعد شهقات من هول المنظر لي كتشوف ، الارض ولات بحال لبحر بقوة دم لي فيها وشخص مجروح فراسو و وجهو لدرجة دم غطا لملامح ديالو ياله بغات تحط عليه ليديها و هي ترجعها لصدرها كترعد ملي لمحات زاجة مختارقة جنبو ايسر تلفات معرفات ما دير گاع قراية لي قرات على طب تضربات ليها فزيرو حيت اول مرة تحط فهاد لموقف نطقات بصوت مقفقف و بكية طلقاتها مابقاتش حابساها: نااري اربي اش ندير اش مسحات عينيها حيت ضببو بدموع تمشات ناحية طنوبيل كتقلب على تيلي ديالو باش تعيط على إسعاف نسات اصلا واش هي عندها تيلي ،مابانش ليها بان ليها غير اتار دم ديال ليديه على لوطو لي باين انه قاوم باش يخرج منها تا خرج لجهة شاريع،شوية لمحات تيلي ديالو فليديه و مزير عليه عاد رجع ليها لعقل خدات ساكها كتخوي فيه فين هو لعقل لي يقلب بشوية هزات تيلي كتاصل بأناس حيت لا تاصلات بإسعاف اجا ما يوصلهم ألاء نطقات بصوت كيرجف ملي سمعات صوتو: اناااس عتق واحد حادتة انا دبا نسيفط ليك عنوان متعطلش عااافاك ديك ساعة قطعات عليه خلاتو مشطون من ناحيتها ماعطاتوش راس لخيط غير وصلو لعنوان تقدم ناحية مستعجلات علمهم يوجدو سيارة اسعاف طلع و عطاهم عنوان و تمو غادين فطريق و حامدين الله حيت مابعيداش بزااف هي لي غير سيفطات ليه لعنوان تحنات تال عندو جلسات على ركابيها و ليديها كيترعدو ما عرفات ما دير كتشوف فزاجة كدي ليها ليدها و كترجعها مقدراتش تحيدها و هي عارفة لا حيداتها دبا ايضيع ليه دم بزااف قبل ما يوصلو كتافات فقط باش تحيد واحد شال على عنقها لواتو و بدات كتمسح ليه فجروح لي على وجهو و مرة مرة كتخبط ليه حناكو باش يفيق شوية لمحاتو حل عينيه بشوية دغيا خبطات ليه حناكو و نطقات بصوت باين فيه لخلعة ألاء: عاافاك فيق متسدش عينيك تحمل شوية هاهما جااييين ديك ساعة عاود غمضهم ياله اتنطق ولكن سكتات و جمعات لوقفة ملي سمعات سيارة إسعاف وقفات هما هبطو دغيا شافوه جابو بياص هزوه بشوية عليه و بطريقة صحيحة، ألاء كترعد بين ليدين أناس لي معنقها و عارفها شحال خوافة مي لي معرفش اش لحقها لشي طب ملي كتخاف غير من لبرى ،جرها بعد ما عيط لبوليس عطاهم لعنوان و طلعو هما فسيارة إسعاف تمو مدخلينو كيجرييو و كيديرو ليه إسعافات كولشي تخربق و هما كيشوفو فالحالة ديالو الحرجة دغيا دخلوه لبلوك أناس واقف كيعقم فليديه ناوي يدخل تا كتوقف عليه وجهها صفر و كتقفقف ألاء: عاافاك تانا باغا ندخل أناس بجدية: ألاء حالة ديالك ما كتسمحش ألاء برجاء: عافاك خليني ندير لي عليا حيت لا مات انبقا لوم راسي حياتي كلها أناس شاف فيها و عرفها متأترة حيت كانت ديما كتشوف ناس كتموت حداها و مقادرة دير والو مي دبا لا هي طبيبة عندها ما دير فهمها و عارف باش حسات تنهد و نطق بجدية: واخا عقمي و تبعيني اومأت ليه و بدات كتعقم تاهي و تبعاتو داامت العملية كتر من 5 سوايع حيت حالتو حرجة كتر من لقياس ضربة لي كلا بزاجة بقا ليها شوية و تقيس ليه كلاويه يعني غير الى حاولو يجبدوها و توشاو شي حاجة يموت مافيهاش خصوصا انه فقد دم بزااف و طونسيو تلاتة مرات كيطيح ليه وسط عملية تحل لباب و خرجات كتحمد الله حيت فات مرحلة الخطر واخا باقي خاصو مراقبة هاد 48 ساعة حيت الى ما فاقش إقدر يبقى فغيبوبة ،من غير جرحة لي فجنبو كان مفدوع من ليديه و تاهيا مجروحة طرو يخيطوها و عاد جرح لي فراسو هداك فضلو تا يتجمع بلصقة طبية من افضل ما يخيطوش باش مايبقاش ليه سيكاطريس وقفات على إستقبال و هي كتنهج و سخفانة هاد نهار عيات كتر من لقياس شافت ساعة لقاتها 5 صباح نعاس كياكلها تنهدا و هضرات مع بنت لي تماك ألاء: عااافاك اري ليا تيلي ديال مريض لي دار حادت ليوم البنت اومأت ليها و مشات جابتو ليها و عطاتو ليها شكراتها ألاء و مشات لبيرو ديالها و هي مزيرة على تيلي ديالو و دماغها مامعاهاش
🔥اند الباك🔥
مسحات دموعها و نطقات بصوت راجف : عااافاك نت غادي تفيق و تولي بيخير على قبل راسك سكتات شوية و كملات هضرتها و هي كتزير على ليديه: و على قبل عائلتك تنهدات و نطقات بصوت فيه رجفة حزينة: ما قصدتش نتصنط عليها داك نهار سمعت هضرتها غير بصدفة سكتات و هي كتفكر داك نهار من بعد ما خدات تيلي ديالو
يتبع..✏️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
